Како да го изберам совршеното домен име за мојот веб сајт?

Името на доменот за еден веб сајт е еден од клучните моменти кои го прават вашиот сајт препознатлив. Ако за да стигнете до некоја потребна локација во реалноста ви е потребно да ја знаете адресата или неговата местоположба во просторот, слично важи и за „онлајн локацијата“ до која треба да се пристапи.

Изборот за домен имињата и нивните екстензии стануваат сè поограничени со развојот на Интернетот. Генеричните имиња се во најголем дел искористени, па останува на вашата креативност да направите што попрепознатлива Интернет адреса на која ќе пристапат вашите потрошувачи.

Еве неколку генерални правила и типови кога станува збор за имињата на домени.

 

Изберете име според клучни зборови

Ако веќе имате бизнис, потребно ви е доменот да го отсликува името на вашиот бренд. Доколку започнувате директно со онлајн бизнис, размислете за клучните зборови што би требало да го опишуваат вашиот веб сајт, бизнис или бренд.

Препознатливо и уникатно

Нешто што ќе ве разликува од конкуренцијата и што ќе им биде на ум на вашите потенцијални читатели или клиенти.

Соодветна екстензија

Ако сакате да функционирате на просторот во нашата држава, тогаш веројатно еден од првите избори ќе ви биде екстензијата .mk. Меѓутоа, ако сакате да се проширите глобално, .com сигурно ќе биде посоодветното решение.

Лесно за пишување

Избегнување на тешки и долги зборови, како и бројки. Пократкото е секогаш подобро.

Внимавајте на авторски права

Не регистирајте домени што повредуваат нечија интелектуална сопственост или заштитен бренд.

Регистирајте што побрзо

Како што рековме, изборот на домен имиња станува сè повеќе ограничено. Морате да реагирате брзо ако сакате да го имате вашето посакувано домен име.

Проверете дали е слободен вашиот посакуван домен!

WWW.

Како да заработите од сопственост врз веб сајт?

Над 1,1 милијарди веб сајтови се онлајн во овој момент според Internet Live Stats, а нивниот број расте во секоја секунда. Истите служат на над 2,9 милијарди корисници на Интернет низ светот. Овие бројки само ја потврдуваат огромната експанзија на светската мрежа која во 1991-вата броеше само еден веб сајт (оној на CERN), а за само пред 10 години, во 2005-тата да брои нешто повеќе од 60 милиони креатори на онлајн просторот.

Интернетот несомнено еволуираше во овие 20-тина години: од веб-сајтови наменети за размена на информации и составени само од текст, преку споделување мултимедијални содржини и развивање на концептот за корисничко генерирана содржина, па сè до новите предизвици како што е „Интернет на нештата“.

Значење на веб сајтовите

Од идеја до реализација

Денес, да се отвори веб-сајт на Интернет е веројатно една од наједноставните бизнис опции, посебно за млади претприемачи, но истовремено е проследена со голема динамичност, одговорност и неизвесност. Оваа огромна „џунгла“ можеби делува застрашувачки од конкурентски аспект, но она што е најважно за дигиталната ера е концептот на „вмрежување“, воспоставување партнерства и градење на позитивен фидбек, а не класична конкуренција каква што беше присутна во минатото кај класичните физички бизниси.

За сите бизниси, независно дали нудат физички или чисто дигитални продукти, е неизбежно и пресудно онлајн присуството во денешното окружување. Поседувањето на сопствен веб простор не само што ви овозможува промоција и изложување на брендот пред потенцијални нови корисници, туку и нови бизнис модели и можности за генерирање на приходи.

Најважен пристап кога ќе одлучите дека ви е потребен ваков чекор, е да имате јасна слика за идејата, целта на постоење, како и дефинирани мисија и визија. Добро дефиниран концепт за вашето онлајн присуство ги зголемува и шансите за успешност на истото. Охрабрувачки факт е дека сите резултати кои се постигнуваат на Интернет се следат динамично и во реално време, што овозможува голем простор за експериментирање и минимизирање на грешките.

Типови на веб сајтови

Веб сајтовите можат да бидат дизајнирани за најразлични категории на Интернет корисници и потреби. Генералната е поделба е на статички (само креаторот објавува содржина) и интерактивни (се стреми кон кориснички генерирана содржина).

Подетално, гледано од економски аспект, веб-сајтовите може да се поделат на повеќе групи (според книгата Digital Marketing од 2012-та):

Сајтови за е-трговија и трансакции
Овие веб сајтови овозможуваат електронска продажба, независно дали се работи за физички или дигитални продукти. Цел на овие сајтови (и главниот извор на приход) е продажбата на продуктите.

Сервисно ориентирани сајтови за градење на база на потенцијални клиенти (Lead generation)
Информативни сајтови за продукти кои треба да ја поттикнат физичката продажба, а истовремено градат партнерство со потенцијалните клиенти. Примери се сајтовите на автомобилските компании.

Корпоративен сајт
Сајт кој треба да го обележи просторот на определен бизнис онлајн, и покрај тоа што најчесто не се продаваат продуктите онлајн. Корисни се за поттикнување на свесноста за некој бренд.

Портали / Информативни сајтови
Создавачи и генератори на најразлична содржина и информации. Заедно со социјалните мрежи, имаат и најшироки можности околу изворите на приходи.

Социјални мрежи и форуми
Сајтови кај кои содржината е генерирана само од корисниците, во денешно време едни од највлијателните кога станува збор за креирање на јавното мислење.

Причини зошто треба да се поседува веб-сајт

Погоре наведовме зошто е неопходно во денешно време да се биде присутен на светската мрежа. Еве и неколку подетални причини:

Зголемување на продажбата
Онлајн изложувањето на продуктот нуди поголем досег до потенцијалните потрошувачи.

Додавање вредност на продуктот
Давање на потрошувачите екстра бенефиции онлајн.

Доближување до потрошувачите
Можност за интеракција и комуницирање со потрошувачите и добивање фидбек во реално време.

Намалување на трошоци
Онлајн промоцијата и комуникација е со неспоредливо пониска цена во однос на другите медиуми.

Зајакнување на брендот
Нудење на нови можности за продуктот онлајн и позиционирање и зголемување на довербата кај новата генерација.

Ниски бариери за влез
Релативно е полесно за започнување во однос на другите бизниси.

Достапен е 24/7
Физичките бизниси имаат ограничено работно време, но веб сајтот е тука постојано за потрошувачите.

Овозможување глобалност
Речиси половина од светското население користи Интернет, а веб сајтовите, независно од земјата на потекло, се достапни во рамки на целата планета.

Прецизирана таргетираност
Полесно доаѓање до посакуваната публика на потенцијални потрошувачи со помош на разните алатки и можности на Интернетот.

Професионални е-маил адреси
Брендирање на електронската пошта која остава посериозен впечаток пред онлајн публиката.

Извори на приходи

Еден веб сајт има широк спектар на бизнис модели преку кои може да се финансира. Ова се најкористените:

Претплата
За пристап до информациите на сајтот, корисникот е потребно да се претплати на дневно/месечно/годишно ниво.

Плаќање по преглед (Pay per view)
Претплата за еднократен пристап до определен документ на сајтот.

Дисплеј рекламирање / банери 
Најкористен модел за рекламирање кај порталите, огласувачите закупуваат банер за определена месечна цена или за илјадници прикажувања (Cost per mille – CPM).

Рекламирање на принцип цена по клик (Cost per click – CPC)
За разлика од CPM, кај CPC рекламата не се наплаќа според прикажувања, туку според тоа колку пати истата е кликната.

Спонзорство
Огласувач чија дејност е сродна до содржината на веб-сајтот може да го спонзорира за определен период на време.

Филијален маркетинг (Affiliate marketing)
Кај овој модел, еден сајт рекламира продукти на друг бизнис, при што добива процент од продажбата од секој продаден производ кој е кликнат преку тој сајт.

Користење на базата на податоци
Во согласност со потрошувачите, тие може да добиваат разна промотивна електронска пошта.

Онлајн анкети
Истражувањата на Интернет кај инсталираните бази на корисници е исто така еден од популарните онлајн бизнис модели.

Freemium модели
Кога еден продукт е достапен бесплатно онлајн, но се плаќа неговата премиум верзија.

Креираш бренд, а користиш @yahoo.com емаил?

Свесноста за поседување професионални емаил адреси се движи во позитивен правец. Оние кои се потрудиле и регистрирале свој домен, отвориле професионални емаил адреси, добиваат поголем кредибилитет и покажуваат ниво на професионалност и сериозност во работењето.

 

Статистика во нагорна линија

Низ текот на годините, често имам средби со претставници на компании и вообичаено си разменуваме визит картички. Имам навика да ги собирам и чувам визит картичките, најмногу поради различноста и креативноста во дизајнот, но често знаат и да бидат корисни и да ми дадат контакт за лицето/компанијата.

Денеска седнав и ги собрав сите визит картички на куп за да проверам колку од нив немаат професионална емаил адреса. За мое изненадување, само 5 од 30 визит картички имаа внесено емаил адреса на @yahoo.com, што е добра статистика за разлика од пред неколку години, кога половина од нив беа со непрофесионални емаил адреси. Ова укажува дека свесноста кај луѓето и компаниите е зголемена и оние кои сакаат да бидат сериозни во работењето сфатиле дека нивното претставување мора да биде со професионални емаил адреси.

 

12698338_10208822100415506_6233688970197231877_o

Како ги перцепирам фирмите со и без професионални емаил адреси?

Најдобри беа оние кои регистрирале и имаат свој компаниски домен и веб сајт, а ставиле емаил адреса на @yahoo.com . Ова едноставно е неприфатливо, а пораката што ја пренесуваат е: да, ние имаме свој домен и веб сајт, но толку многу си ги сакаме нашите стари емаил адреси на @yahoo.com што дури би ги ставиле и на визит картичките. Или можеби имаат креирано професионални емаил адреси, но пуста технологија и промена, кој ќе транзитира сега (така имаат навикнато и имаат голема инерција кон промени).

Оние кои се потрудиле и регистрирале свој домен, отвориле професионални емаил адреси, кај мене добија едно ниво повеќе на професионалност и сериозност. Многу се поголеми шансите да соработувам со овие лица, отколку со оние кои не седнале да размислат и да одвојат малку време и многу мали ресурси за да регистрираат свој домен и креираат емаил адреси.

Ова правило важи за секого, дури и ако се работи за лично брендирање

Живееме во време каде комуникацијата преку емаил е неопходна. Дали се сеќавате на факс машините? Ние пред многу години престанавме да го користиме и бевме бунтовници против факсот како медиум за комуникација. Не сакавме да примаме факс пораки и сите што ни бараа факс ги препраќавме и „учевме“ да пратат емаил. Не е повеќе прифатливо со толку многу социјални медиуми и начини на онлајн комуникација да се користи факс, тоа е веќе минато.

‘Could you fax over a copy?’

‘No, I can’t fax because of where I live’

‘Where do you live?’

‘The 21st century’

Често ми се случува да добијам емаил од некој експерт, но кога ќе видам дека ми пишал од некоја си емаил адреса од типот: glushec981@yahoo.com , веднаш неговата експертиза паѓа во вода и го губи целиот кредибилитет за кој тој пишува во емаилот. Истото се случува и со @hotmail.com , едноставно изгледа како да сте заглавени во деведесетите со користење на вакви емаил адреси.

Единствен исклучок би било користење на @gmail.com емаил адреса, но само доколку ја користите како ime.prezime@gmail.com , a не повторно belogluvche@gmail.com .

 

12716281_10208822100455507_6946813262042852785_o

Како да се променат старите навики?

Ако сакате со некого да направите контакт преку емаил за соработка, тогаш мора да ја користите вашата професионална бренд емаил адреса и да комуницирате преку неа.

Дури, може само да регистрирате домен име, да креирате една емаил адреса и да направите редирекција до вашиот приватен емаил. Не мора веднаш да направите голема промена.

Покрај тоа што ќе ви се зголеми професионалноста и кредибилитетот во претставување на вашата компанија, користење на професионални емаил адреси ќе придонесе кон поголемо задоволство кај вашите клиенти и самите вработени. Нашето сметководство до пред некоја година не користеше професионални емаил адреси и нивните вработени користеа една заедничка емаил адреса.

Процесот на комуникација беше многу отежнат и секогаш мораше да се прават неколку телефонски разговори, а многу често и лично да се оди кај нив за достава на документи. Сега, секој нивен вработен си има професионална емаил адреса со нивното име и домен од нивната компанија и комуникацијата оди глатко и брзо.
Точно знаеме на кој вработен да му пишеме и по потреба да скенираме одреден документ и да го пратиме до неговиот компански емаил, но сега е лесно кога сите вработени си имаат свој дедициран емаил од нивната компанија.

Што мислите која личност остава повеќе почит и кредибилитет, оној кој на својата визит картичка има оставено професионална емаил адреса или оној кој пишал: glushce981@yahoo.com ?

Сеуште немате професионална емаил адреса? Направете го вистинскиот чекор.

WWW.

Корисниците на Ехост стануваат дел од семејството на МКхост

Најголемиот македонски веб хостинг провајдер и регистрар на домени МКхост го проширува своето семејство на задоволни корисници. На 15-ти август 2015, ВЕБ КОНСАЛТИНГ ДООЕЛ (Ehost.mk) и МКХОСТ ДООЕЛ склучија договор со кој поради подобрување на услугите за веб хостинг, домени и техничка поддршка околу истите, досегашните клиенти на Ехост стануваат дел од МКхост.

 

Новите корисници ќе мигрираат постепено во текот во наредните 30 дена, период во кој нема да имаат никаков прекин на хостинг услугите. Миграцијата нема да предизвика никаков дополнителен трошок за клиентите. Откако ќе бидат официјално префрлени, ќе бидат контактирани по телефон и преку електронска пошта од страна на МКхост за да бидат информирани за новиот начин на пристап до услугите (контролен панел, корисничко име, лозинки…). До истекот на моменталниот договор, корисниците ќе продолжат со истите услови како и досега во Ехост, истовремено добивајќи подобри услуги, вклучувајќи и беспрекорна техничка поддршка во секое време.

Ехост е втора компанија која своите корисници ги има префрелно во МКхост, откако во 2012-та беше приклучен Пинарт Хост.

МКхост годинава го одбележува своето 10-годишно постоење, период во кој се наметна како лидер на хостинг и домен пазарот во Република Македонија. Едноставната регистрација, добрите понуди прилагодени за различниот тип на корисници, како и постојаната професионална и ефикасна техничка поддршка се причините поради кои МКхост стана препознатлив македонски бренд.

Им посакуваме топло добредојде на сите нови корисници. Oва се прашањата кои веројатно сега ги поставувате, па уште на старт можеме да ви разјасниме голем дел од вашите дилеми.

Што е МКхост?

МКхост е најголемиот македонски веб хостинг и домен провајдер во Република Македонија кој постои од 2005-та година.

Зошто моите досегашни услуги се префрлаат во МКхост?

Ехост на ваков чекор се одлучи поради подобрување на услугите на постоечките корисници.

Што ќе добијам со префрлањето на досегашните услуги во МКхост?

Помеѓу другото, нашите главни предности се хостирање на брзи и оптимизирани веб сајтови, постојана професионална техничка поддршка, безбедност на информации и професионални емаил адреси.

Дали моите услуги остануваат под истите услови како и досега?

До истекот на постоечкиот договор, условите остануваат потполно исти, со подобрување на услугите, вклучувајќи ја и техничката поддршка.

Што вклучува техничката поддршка во МКхост?

24/7 достапност на тимот за сите ваши прашања, а дополнително како достапна ја имате и онлајн базата на знаење.

Од сега натаму, кого ќе треба да го контактирам за услугите?

Од сега натаму, МКхост ќе биде тука за да ви помогне во решавањето на сите ваши проблеми и прашања.

Од сега, каде ќе треба да плаќам за моите услуги?

Од сега натаму, сите ваши плаќања за обнова на услугите ќе ги вршите преку МКхост.

Какви промени ќе се случат со миграцијата од технички аспект?

Веб хостингот и доменот ќе бидат префрлени во МКхост. Корисничкото име и лозинката за пристап до хостинг account-от ќе бидат променети (поради безбедносни причини) и испратени на вашиот емаил.

 

 

Д како Домен

Информатичката сфера деновиве беше изненадена од потегот на Google, кој отвори нова холдинг компанија управувана од Сергеј Брин и Лари Пејџ, за да ги стави под една капа сите дејности со кои се занимаваа и досега, оставајќи им простор во иднина повеќе да се посветат на истражувачки проекти.

Alphabet Inc не само што направи инстантен позитивен тренд на берзата, успевајќи да ја зголеми вредноста на акциите на Google за 4 отсто, туку направи и нов тренд кога станува збор за името на доменот. Веб-сајт со име како abc.xyz на прв поглед звучи како многу генијална идеја. Како порепрезентативно на креативен начин да се прикаже компанија со име како Alphabet? Сепак, и тука се покажува непишаното правило дека добрите креативни дела доаѓаат во моменти на недостаток на стандардни решенија.

Главниот проблем зошто новата компанија го нема доменот alphabet.com е – тој е веќе зафатен. Ни помалку ни повеќе, туку од BMW, односно неговиот дел на услуги за фирми со возен парк, кој го користи името – Alphabet. Засега порачуваат дека немаат намера да го продаваат, истовремено правејќи пародија на азбуката на Google со порака – Alphabet е повеќе од име за нас. Сигурно на BMW не им ни смета овој бесплатен публицитет за услугата која до пред некој ден ретко кој во светски рамки знаеше дека воопшто постои. Од друга страна, дури и abc.com е зафатен од страна на американската телевизиска мрежа ABC.

Случајот како на Google/Alphabet истакнува еден многу интересен проблем – колку и Интернетот да се чини неограничен, добрите домен имиња на најголемите наставки стануваат сè повеќе зафатени. Тоа ја отвора потребата од алтернативни решенија.

1.034 top-level домен наставки се регистрирани заклучно со февруари 2015-та. Големата тројка ја сочинуваат .com, .net и .org, а особено популарни се и посебните генерички домени за секое географско подрачје (како .mk за Македонија). Сепак, во последниве години на значење добиваат креативни и симболични наставки. Дали знаевте дека државниот домен на Црна Гора, .me, поради своето интернационално значење е еден од главните извозни продукти на земјата? Над 800.000 домени и генерирани речиси 17 милиони евра профит го сместуваат .me како еден од Топ 10 домени во светски рамки. Трендот на симболични домен имиња не ја избегнува ни Македонија. Во исто време, во последните години се одобруваат и чудни наставки од типот на .sucks или .wtf.

Top Level Domains

.xyz е одобрен за комерцијална употреба и регистриран на 19-ти февруари 2015 од страна на компанијата .XYZ на Даниел Негари. Во интервју за Wired, тој се јавува со едно субјективно, но и логично мислење околу овој домен, а тоа е дека „како што и алфабетата завршува со буквите x, y и z, истото треба да е правило и за домен имињата“. xyz во просек секој ден регистрирала по околу 3.000 домени, а овој број се зголемил тројно по објавувањето на новата компанија на Google.

Што би значел целиов случај ‘abc.xyz’ за понатамошното развивање на веб домените? Една од пречките е тоа што веб пребарувачите се уште повеќе ги форсираат сајтовите со „традиционални“ домен наставки пред оние од новата генерација. Дури и кога ќе се впише ‘xyz’ на Google, првиот сајт кој се појавува е xyz.com. Но, „таткото“ на .XYZ смета дека „штом Google се впуштил во ваква авантура, тоа е голема потврда дека има иднина во него“.

Постоечките изградени Интернет брендови веројатно нема толку лесно да се откажат од своите „олд скул“ домени, но ќе биде интересно да се следи каква транзиција ќе се јави кај следните големи играчи на Интернет сцената, кои допрва ќе се појавуваат и ќе растат на светскиот пазар. Очигледно е дека со заострување на конкуренцијата, зголемувањето на можностите и борбата за секој корисник – желбата и стремежот да се биде што покреативен и забележлив, а во исто време и запамтлив кога станува збор за изборот на домен име, новата генерација на домен наставки ќе зазема сè поголем замав и удел во годините кои претстојат.

Како, зошто и кога да го менувам hosts фајлот?

211

Модифицирање на hosts фајлот ќе ни овозможи да го „хакираме“ (заобиколиме) локалниот DNS за одреден домен на локалната машина. Оваа модификација на hosts фајлот ќе ни овозможи на пример да си го тестираме сајтот на одреден домен, без користење на тест линк, да провериме дали доменот кој сме го мигрирале од еден сервер на друг работи во ред на новиот сервер (новата IP) и во многу други случаи поврзани со DNS промените.

Честопати поради мигрирање на хостингот за одреден домен, за да бидеме сигурни дека се е во ред, потребно е веднаш да ја видиме промената на именските опслужувачи за да видиме дали сме завршиле добра работа. Ова повеќе се однесува за луѓе кои професионало се занимаваат со дејност оддржување на веб страници, затоа што многу би им ја олеснило работата при миграција на веб страниците од еден на друг сервер. Но оваа опција е добра и за сите оние кои веднаш сакаат да си ја видат својата веб страница на новиот сервер по миграцијата. Опцијата со која ова е овозможено е  едитирање на hosts фајлот на нашиот оперативен систем.

Со едитирање на hosts фајлот односно со дадавање на парот (IP адреса на новиот сервер и hostname-от – доменот со или без www) и со зачувување на фајлот добивате можност веднаш да ги видите промените на именските опслужувачи, односно вашиот локален DNS систем ќе кажува на пребарувачите и другите програми дека тој домен (hostname) се хостира на нова IP адреса (нова серверска машина).

Во овој блог пост ќе го објасниме начинот како да се едитира hosts фајлот за Windows, Linux и MAC OS корисници.

Како што и веќе напоменавме hosts фајлот е место каде што секој корисник рачно може да внесе пар на име на домен (hostname) и IP адреса (IP адресата на новиот сервер) на тој начин заобиколувајќи го DNS  серверот, односно вашиот пребарувач воопшто не го прашува вашиот Интернет провајдер или било кој DNS сервер за IP адресата на доменот туку веднаш ресолвира на истата.

На овој начин можете едноставно да ги заобиколите ДНС зоните и нивното рефреширање, со што веднаш да ја видите промената само на таа машина каде го менувате овој hosts фајл.

Промена на hosts фајлот за Windows 8 корисници:

  1. Притиснете го Windows копчето на тастатурата
  2. Во Search делот напишете Notepad, денес клик на Notepad иконата и одберете Run as administrator (многу е важно да се стартува Notepad програмот со администраторски привилегии)
  3. Во Notepad отворете го следниов фајл (File -> Open): c:\Windows\System32\Drivers\etc\hosts
  4. Направете ги потребните промени односно најдоле во документот додедете го парот IP адреса и името на вашиот домен и внимавајте притоа таа линија да е одкоментирана (да нема # напред). Пример: 23.227.132.206 vasiot.hostname.mk
  5. Кликнете на File → Save за да ги зачувате овие промени.

Пробајте отворете ја сега вашата страница преку внесениот hostname ( http://vasiot.hostname.mk ) и веднаш ќе ги забележите промените.

ВНИМАНИЕ: Овие промени во Host фајлот имајте во предвид да ги коментирате односно да ги избришете откако ќе завршите со тестирањата, затоа што може да дојде до забуна во иднина доколку повторно направите некоја промена, а остане стариот запис.

Промена на host фајлот за Windows 7 и Windows Vista корисници

  1. Кликнете на Start → All programs → Accessories
  2. Денес клик на Notepad и одберете Run as administrator
  3. Во новоотворениот UAC прозорец изберете Continue
  4. Откако Notepad ќе се отвори кликнете на File → Open
  5. Во делот на filename field type напишете c:\Windows\System32\Drivers\etc\hosts
  6. Кликнете на Open
  7. Направете ги потребните промени односно најдоле во документот додедете го парот IP адреса и името на вашиот домен и внимавајте притоа таа линија да е одкоментирана (да нема # напред). Пример: 23.227.132.206 vasiot.hostname.mk
  8. Кликнете на File → Save за да успешно ги зачувате вашите промени

Пробајте отворете ја сега вашата страница преку внесениот hostname ( http://vasiot.hostname.mk ) и веднаш ќе ги забележите промените.

ВНИМАНИЕ: Овие промени во Host фајлот имајте во предвид да ги коментирате односно да ги избришете откако ќе завршите со тестирањата, затоа што може да дојде до забуна во иднина доколку повторно направите некоја промена, а остане стариот запис.

Промена на host фајлот за Windows NT/2000/XP

  1. Кликнете на Start → All programs → Accessories → Notepad
  2. Кликнете на File Open
  3. Во делот на filename field type ставете  c:\Windows\System32\Drivers\etc\hosts
  4. Кликнете на Open
  5. Направете ги потребните промени односно најдоле во документот додедете го парот IP адреса и името на вашиот домен и внимавајте притоа таа линија да е одкоментирана (да нема # напред). Пример: 23.227.132.206 vasiot.hostname.mk
  6. Кликнете на File → Save за да ги зачувате вашите промени

Пробајте отворете ја сега вашата страница преку внесениот hostname ( http://vasiot.hostname.mk ) и веднаш ќе ги забележите промените.

ВНИМАНИЕ: Овие промени во Host фајлот имајте во предвид да ги коментирате односно да ги избришете откако ќе завршите со тестирањата, затоа што може да дојде до забуна во иднина доколку повторно направите некоја промена, а остане стариот запис.

Сликите прикажани се соодветни за Windows 8 корисници но се многу слични и за сите Windows корисници.

Промена на host фајлот за Linux корисници

  1. Отворете терминал
  2. Отворете го фајлот hosts кој се наоѓа на патеката /etc/host со оној текст едитор кој вам најмногу би ви одговрал, пример:
    sudo nano /etc/hosts
  3. Внесете ја вашата лозинка
  4. Откако host фајлот ќе се отвори внесете ги потребни промени во него односно најдоле во документот додедете го парот IP адреса и името на вашиот домен и внимавајте притоа таа линија да е одкоментирана (да нема # напред). Пример: 23.227.132.206 vasiot.hostname.mk
  5. Притеснете control-X, потоа одговорете y (yes) на прашањето дали сакате да ги зачувате вашите промени.

Пробајте отворете ја сега вашата страница преку внесениот hostname ( http://vasiot.hostname.mk ) и веднаш ќе ги забележите промените.

ВНИМАНИЕ: Овие промени во Host фајлот имајте во предвид да ги коментирате односно да ги избришете откако ќе завршите со тестирањата, затоа што може да дојде до забуна во иднина доколку повторно направите некоја промена, а остане стариот запис.

Промена за MAC OS X 10.0 – 10.1.5

  1. Отворете  /Applications/Utilities/Netinfo Manager
  2. За да овозможите едитирање на netinfo базата кликнете на катанецот во делниот лев агол на прозорецот
  3. Внесете ја вашата лозинка и кликнете на ОК
  4. Во втората колона во  новиот прозорец селектирај го нодот наречен machines. Ќе видите записи за DHCP broadcasthost и localhost во третата колона
  5. Одберете го localhost записот во третата колона
  6. Одберете duplicate од Edit менито. Потоа потврдете го дуплицирањето.
  7. Кликнете на duplicate. Нов запис наречен localhost copy ќе се појави, и неговите опции се подолу на самиот прозорец.
  8. Кликнете 2 пати на вредноста на ip_address и внесете ја IP адресата на новиот сервер
  9. Кликнете 2 пати на вредноста за name и внесете го името на вашиот домен
  10. Кликнете на servers и изберте Delete од Edit менито
  11. Од менито file одберете Save
  12. Кликнете Update this copy во новоотворениот прозорец
  13. Повторете ги чекорите од 6 до 12 за секој дополнителен домен кој сакате да го додадете.
  14. Кликнете Quit од NetInfo Manager менито. Нема потреба од ресетирање на компјутерот.

Пробајте отворете ја сега вашата страница преку внесениот hostname ( http://vasiot.hostname.mk ) и веднаш ќе ги забележите промените.

ВНИМАНИЕ: Овие промени во Host фајлот имајте во предвид да ги коментирате односно да ги избришете откако ќе завршите со тестирањата, затоа што може да дојде до забуна во иднина доколку повторно направите некоја промена, а остане стариот запис.

MAC OS X 10.6 – 10.1.8

  1. Отворете Applications → Utilities → terminal
  2. Отворете го hosts фајлот со помош на следнава команда:
    sudo nano /private/etc/hosts
  3. Внесете ја вашата лозинкаЕдитирате го Hosts фајлот односно најдоле во документот додедете го парот IP адреса и именто на вашиот домен и внимавајте притоа таа линија да е одкоментирана (да нема # напред). Пример: 23.227.132.206 vasiot.hostname.mk
  4. Зачувајте ги промените што ги направите така што ќе притиснете control+x и y
  5. На крај за да промените бидат видливи потребно е да направите чистење на вашиот днс кеш со следнава команда:
    dscacheutil -flushcache

Пробајте отворете ја сега вашата страница преку внесениот hostname ( http://vasiot.hostname.mk ) и веднаш ќе ги забележите промените.

ВНИМАНИЕ: Овие промени во Host фајлот имајте во предвид да ги коментирате односно да ги избришете откако ќе завршите со тестирањата, затоа што може да дојде до забуна во иднина доколку повторно направите некоја промена, а остане стариот запис.

Чистење на локалниот ДНС кеш

21

Во претходниот блог пост зборувавме за причината зошто промената на именските опслужувачи на доменот не е веднаш видлива, а тоа беше ДНС пропагацијата (рефреширањето на ДНС зоните). Често оваа процедура знае да биде проблематична затоа што корисниците се нестрпливи да ги видат промените кои се направени и притоа истите да бидат видливи за сите корисници на Интернетот. Токму затоа ја започнавме и темата како да го забрзаме процесот на рефреширање на ДНС зоните.

Искрен и целосен одговор на прашањето: „дали може и доколку може, како да се забрза процесот на рефреширање на ДНС зоните“ е НЕ. Меѓутоа, истиот не е целосен и не опфаќа многу „што ако“ ситуации и моменти.

Веќе напоменавме дека проблемот со ДНС пропагацијата и зошто се уште не ги гледате промените на именските опслужувачи, лежи во кеширањето на ДНС серверите (овој процес е детално објаснет во претходниот блог) па еден од начините кои би можел да помогне за забрзаување на процесот и побрзо гледање на промените кои сте ги направиле е бришење, односно чистење на вашиот локален кеш на вашиот компјутер.

За тоа која е процедура за чистење на локалниот кеш и како тоа може да го направи корисник кој користи различни (најчесто употребувани) оперативни системи ќе зборуваме токму тука.

Чистење на локалниот ДНС кеш на Windows оперативен систем.

Отворете команден прозорец на вашиот компјутер. Ова во зависност од верзијата на Windows оперативниот систем кој го користите може да се направи на еден од следниве начини:

Windows 98/NT/2000/XP
1. Кликнете на Start → Run → cmd.exe → OK
2. Напишете ја командата ipconfig /flushdns

 

Windows 7
1. Кликнете на START
2. Во search менито (пребарувачкото мене) напишете cmd
3. Десен клик на command Prompt и одберете Run as Administrator
4. Во новоотворениот прозорец напишете ја командата ipconfig /flushdns и притиснете Enter

Windows 8
1. Притиснете на Win + X за да го отворите WinX менито
2. Десен клик на Command Prompt и одберете Run as Administrator
3. Во новоотворениот прозорец напишете ја следнава команда ipconfig/flushdns и на крај Enter
Доколку оваа команда успешно се изврши на екрен ќе се испише следнава команда: Windows IP configuration successfully flushed the DNS Resolver Cache што ги значело дека чистењето на вашата локална днс зона е успешно комплетирано.

MacOS® 10.10
1. Кликнете на Applications.
2. Потоа кликнете на Utilities.
3. Кликнете на Terminal апликацијата
4. Напишете ја следната команда
sudo discoveryutil mdnsflushcache
Доколку командата е успешно завршена системот нема да врати никаква порака.
Предупредување: За да може да се изврши командата мора да ја знаете лозинката на Admin акаунтот

MacOS 10.7, 10.8, and 10.9
1. Кликнете на Applications.
2. Потоа кликнете на Utilities.
3. Кликнете на Terminal апликацијата
4. Напишете ја следната команда
sudo killall -HUP mDNSResponder

Доколку командата е успешно завршена системот нема да врати никаква порака.
Предупредување: За да може да се изврши командата мора да ја знаете лозинката на Admin акаунтот

Linux Flush DNS
Доколку го користите nscd Name Service Cache Daemon тогаш за бришење (чистење) на днс кешот потребно е да се направи следново
1. Отворете го командниот терминал (како root или со sudo команда)
2. Испешете ја командата /etc/init.d/nscd restart

Ова е еден од начините како да го забрзате процесот на рефреширање локално вашата днс зона, за да побрзо ги видите промените на именсктие опслужувачи, меѓутоа како што и во претходниот блог пост објаснивме, ова не секогаш може да помогне. Понекогаш единствено решение е да почекате времето да ги среди работите и вие да биде трпеливи, сепак вреди да се проба начинот на чистење на кешот од вашиот компјутер.

Зошто не можам веднаш да ја видам промената на именските опслужувачи на доменот?

Често се случува следнава ситуација:  Сте го регистрирале доменот и сте го оставиле така, немате веб страница за истиот.  Подоцна, доаѓа време кога одлучувате да развиете ваша веб страница, па купувате хостинг и го подесувате вашиот домен да ги користи именските опслужувачи (ДНС) на хостингот кој го имате закупено (поточно на серверот на кој се наоѓа хостингот). Чекате одредено време за да промените  на именските опслужувачи станат активни и потоа го посетувате вашиот сајт. Но, поради некоја причина сте пренасочени на „This webpage is not available“.  Ова обично се случува поради еден процес наречен кеширање на IP адреси, или процес на ДНС пропагација (освежување на ДНС зоните).

Што се случува?

Кога ќе побарате одредена веб страница преку вашиот интернет пребарувачот (Internet Explorer, Firefox, Google Chrome итн.), барањето прво се испраќа до интернет провајдерот кој го користите за пристап до Интернет на вашиот компјутер, тој ги контактира Domain Name Servers (DNS) за да ја побараат локцијата (IP адресата) на серверот каде е хостирана дадената веб страница. Кеширањето се случува кога даден прелистувач побарува одредена страница на дадена IP адреса, меѓутоа серверот (кој ја има таа IP адреса) повеќе не ја хостира таа страна. Па се поставува прашањето зошто прелистувачот воопшто ја побарал веб страницата на таа IP адреса кога сега страницата е хостирана на друг сервер (со друга IP адреса) и истата треба да ресолвира таму? Дали има некој проблем? Ова се случува бидејќи пребарувачот и оперативниот систем на компјутерот (а често и самиот ретер) чуваат листа на веќе пребарувани IP адреси, и се навраќаат на таа листа за идните пребарувања.(Пример кога еднаш ќе пристапите до mkhost.com.mk, доколку за кратко време повторно пробате да пристапите до www.mkhost.com.mk компјутерот ќе ја земе IP адресата од листата и од таму ќе пристапи до МКхост). Исто така Интернет провајдерите чуваат и листа на сопствените IP адреси. Целта на ова е да се забрза вчитувањето на веб страниците и да се намали „гужвата“ на интернет. За жал, ова може да предизвика одложување на промените на именските сервери.
Сликите подолу покажуваат што се случува кога има и кога нема кеширање.

Кога нема кеширање: Овoj тип на пребарување се случува кога некој за прв пат ја посетува вашата веб страница, или ако подолго време не ја посетил истата.

 

1

 

Кеширање на ниво на интернет провајдерот: Интернет провајдерот чува листа на веќе пребарувани домени. Оваа листа се чува само неколку денови или часови. Ако се промени името на серверот, провајдерот нема да ја побара новата IP адреса се додека старата на листата не „истече“. Па, во примерот, ако “ns1.your-new-host.com“ вели дека  “www.yourwebsite.com е на IP адресата 223.224.200.201“, посетителот на веб сајтот нема да ја добие таа информација се додека IP адресата на “www.yourdomain.com“ не „истече“ од листата.

2

 

Кеширање на компјутерот: Дури и вашиот компјутер и веб пребарувач кешираат IP адреси. На тој начин, нема потреба да ги пребаруваат IP адресите на интернет, што заштедува време. Но при промена на именскиот сервер, вашиот компјутер може се’ уште да оди на старата IP адреса неколку денови.

3

Како да проверите дали вашиот веб сајт е кеширан

МКхост користи две многу ефикасни алатки за тоа. Првата е “IP Lookup Tool“ и, која ќе ви каже дали подесувањата на новите именски оплсужувачи работат правилно. Дополнително оваа алатка ќе ви ги прикаже и вистинските , моментални именски опслужувачи на доменот без никакво кеширање.
Втората е “Snapshot Tool“ или алатката за сликање, која ги користи вистинските IP адреси за да ја поврати почетната страница на вашиот сајт. Ако сликата ја покаже страницата која ја очекувате, но не ја гледате истата кога го гледате сајтот преку пребарувачот, тогаш најверојатно тоа е така бидејќи IP адресата е кеширана.

Како другите корсиници (посетители) ја гледаат вашата веб страница после промена на именските опслужувачи

Вашиот веб сајт ќе работи правилно за новите посетители или за оние кои поретко ја посетуваат вашата веб страница. За да промената виде активна за вас , ќе треба или да чекате да се рефрешираат днс зоните (да се избришат кешираните верзии) или пак може да се обидете да направите неколку работи. Може да се обидете со постојано кликање на „освежи“ (refresh) на вашата веб страница , или пак да се обидете да го исчистите кешот на вашиот сајт.

Команда за чистење на локален DNS cache од вашиот компјутер:

ipconfig /flushdns

Командата се пишува во командниот промпт на Windows (Start – > Run -> cmd).

Може да се обидете и да го рестартирате компјутерот. Ако претходните постапки не функционираат, тогаш IP адресата можеби е кеширана од страна на вашиот интернет провајдер. Во тој случај, може да се обидете да го контактирате вашиот интернет провајдер и да побарате да го исчистат нивниот ДНС кеш. Ако ништо од ова не функционира, тогаш ќе треба да почекате 1-3 дена за кешираната IP адреса да истече.
Во меѓувреме, може да го посетувате вашиот домен од различен интернет провајдер, можеби на работа, во библиотека или во некое кафуле. Се надеваме дека интернет провајдерите и компјутерите на тие места претходно не го посетиле вашиот сајт, или барем не во скоро време. На крајот, кешираната IP адреса ќе истече и вистинската ќе биде побарана и користена за да се поврзете на вашиот сајт.

Колку време е потребно за да се освежи кешот на доменскиот именски ситем

Кешот се чисти во текот на одреден временски период. Предлагаме да почекате 24 часа за да се рефрешираат ДНС зоните. ДНС зоните се освежуваат во време определено со TTL (Time to Live) и откако тоа време ќе истече ДНС зоните се освежени и се ќе работи како што треба.

Може ли да се забрза процесот на рефреширање на ДНС зоните

Одговорот е не. Може да се обидете со тоа што ќе го подесите вашиот “TTL“ на помал број, но тоа не се препорачува. Стандардниот “TTL“ е подесен на 14400 (4 часа), меѓутоа мрежата која ја користите за да пристапите на интернет може да се ажурира побавно (иако вие би ја направиле локално промената).
Може да ги примените погоре кажаните начини за да пробате да го забрзате процесот како на пример како да го исчистите кешот од вашиот локален компјутер . Доколку ви се потребни инструкции за како тоа да го направите следете не и очекувајте ја нашата следна старија каде ќе зборуваме токму на таа тема.

Сепак дури и чистењето и освежувањето на вашата локална ДНС зоне не функционира секогаш, па понекогаш единствено решение е да бидете трпеливи и да почекате работите сами да се средат.

Кратка историја на доменот

Името на доменот е низа за идентификација која дефинира област на административна автономија, авторитет или контрола во рамките на глобалната мрежа – интернет . Имињата на домените се формирани според правилата и постапките на Domain Name System – DNS. Секое име кое се регистрира во системот е име на домен.

Домен, всушност е името кое е карактеристично за секоја веб страна. На пример mkhost.com.mk е нашето препознатливо име со кое вие не посетувате и всушност сега го читате овој пост. Сите веб страни на Интернет првобитно функционираат со IP адреси доделени од страна на хостинг серверите каде што се хостираат истите, меѓутоа многу е потешко да запомниме IP адреса (пр. 174.133.186.68), па затоа ги користиме домените кои многу полесно се паметат. Домените се уникатни и неможе да име два исти домени. Возможно е да има две исти имиња со различна наставка (пример mkhost.org , mkhost.com.mk ) . Крајните наставки не се многу битни при користењето и немаат строги правила во користењето, но препорачливо е доколку вашата веб страна таргетира посетителите од Македонија, наставката да биде .mk со што би се знаело дека доменот има конекција со Македонија.

iStock_000001229173_Medium
На крајот на 1985 година, имало вкупно шест имиња на домени кои биле регистрирани. Тој број се прошири до 271 милиони имиња регистрирани на глобално ниво, според извештајот на “Verisign’s Q3“ во 2015 година.
Додека светот ја одбележува 25-годишнината на интернетот, се чини соодветно да им обрнеме внимание на мрежните адреси кои ни помагаат да се движиме низ динамичниот интернет денес.

Подолу, наведуваме неколку од највлијателните и најинтересните моменти од историјата на имињата на домените.

1985 година: Првиот “.com “ домен

На 15 март 1985 година, “Symbolics Inc.“ – производител на компјутери во Масачусетс, го регистрирал доменот со име “Symbolics.com“ правејќи го првиот соодветно регистриран “.com“ домен во светот. “Symbolics.com“ останал под иста сопственост 25 години, до 2009-та година кога бил купен за непозната сума од страна на “XF.com Investments“. Денес, “Symbolics.com“ е чуден хибрид – половина онлајн музеј, половина рекламен простор.

Surfing the www

1995 година: Регистрацијата на име на домен не е повеќе бесплатна

Пред 1995 година, секој кој сакал име на домен можел да го регистрира бесплатно. Тоа се сменило кога Националната научна фондација и ја доделила можноста на технолошката компанија “Network Solutions“ да наплаќа за регистрација. Цените започнале од 100 долари за регистрација во период од две години.

1998 година: Приватизација на DNS и ICANN

Во 1998 година, Министерството за трговија, по инсистирање на претседателот Клинтон, издало предлог за приватизирање на Системот за имиња на домените DNS, кој тогаш бил под контрола на владата на САД. Бил создаден документ, познат како „(Green Paper )Зелената книга“, со цел да се зголеми конкуренцијата на пазарот и да се поттикне поголемо учество на меѓународно ниво. Јавните критики на тој предлог довеле до создавањето на „Белата книга (White Paper)“ која содржела многу од проблемите на оргиналниот документ и довела до создавањето на Интернетската корпорација за доделени имиња и броеви (ICANN).

2003 година: Вистината за законот за имињата на домените

Инкорпориран во законот “PROTECT“ од 2003 година, овој дел од законодавството постави казна за креаторите на лажни имиња на домени, кои ги намамуваат корисниците на порнографски сајтови без нивна согласност, како на пример “Bobthebiulder.com” и “Teltubbies.com,” кои ги воделе корисниците до порнографски сајт наречен “Hanky Panky College”.

2007 година: Најскапата продажба на домен

Најскапиот домен кој некогаш бил продаден е “VacationRentals.com“ за цена од 35 милиони долари. Она што е уште поинтересно, е тоа што сопственикот, Бен Шарплс, го купил само за да не го купи неговиот конкурент, “Expedia“. Уште една скапа продажба е онаа на доменот “sex.com“ за 13 милиони долари во 2010 година.

web building

2012 година: регистрирани 14 962 домени во рок од 24 часа

Во април, 2012 година, Мај Ман регистрирал скоро 15 000 имиња на домени во текот на 24 часа. Како објаснување едноставно рекол: „Само сум навистина алчен. Сакам да го поседувам светот“.

2013 година: Сите .com домени со четири букви се регистрирани

Во декември 2013 година, “WhoAPI“ – систем за анализа на податоци од домените, открил дека секоја комбинација на име со четири букви е регистрирана. Од “АААА.com“ до “ZZZZ.com“, сите 456 976 комбинации биле потрошени. Домените со три карактери се користат од 1997 година.

Доколку вие, сакате да си регистрирате ваш домен, тоа може да го направите преку МКхост, едноставно кликнете на следниов линк и изберете го името што сакате да го регистрирате и искористите во креирањето на вашата веб страница.

ДНС хостинг – нова бесплатна услуга

DNS Хостинг

Во светот на деловното работење, Вашето име на домен е првата буква од интернет работењето и препознавањето на вашиот бизнис, поддржан со низа сервиси (Web страни, е-маил адреси, FTP простор).

Целокупната палета од сервиси кои ја отсликуваат вашата професионалност, ефикасност и претставителност на компанијата е достапна само со постоење на еден систем – DNS систем.

Сите корисници кои имаат регистрирано домен име во МКХост (и сите нови кои ќе регистрираат),  од денес имаат можност за тотално управување и менаџирање на DNS зоните преку новата бесплатна услуга – ДНС хостинг.

Што значи ДНС хостинг?

ДНС е акронимот за domain name servers и се однесува на серверите кои потврдуваат каде вашиот домен се наоѓа, односно која е неговата „интернет локација“. Именските опслужувачи (ДНС сервери) се еден вид на “рутери“ кои ги поврзуваат посетителите со вашето домен име и од таму ги насочуваат до вашиот веб сајт, емаил адресите и другите сервиси.

Придобивки

Комплетна контрола на вашата DNS зона

Преку веб интерфејс од корисничкиот профил на МКхост ќе може да управувате со сите записи за вашата ДНС зона, како: А, АААА, MX, CNAME, NS, TXT, SRV. Ќе може да додавате, бришете и менувате дополнителни записи од ДНС зоната. Ќе може со еден клик да конфигурирате и користење на MX записите од Google. Доколку згрешите, може лесно да ја ре-креирате целата зона.

Вашите посетители со сигурност ќе го пронајдат вашето web присуство

Дали се работи за вашиот web сајт или eмаил комуникација, бидете сигурни дека вашите сервиси ќе бидат препознатливи  99.9% од времето со сигурност.

Високо време на одзив

Независно од географската локацијата во светот каде еден корисник ја внесува web адресата на Вашата компанија, системот е географски распределен на 2 континенти, каде што барањето ќе биде насочено до најблискиот DNS сервер, и одговор во најбрзо можно време до корисникот.

Брзи, стабилни и оптимизирани системи

Поставени на интернет линкови со загарантирана брзина, инфраструктура која функционира на ултра-брзи сервери, внимателно оптимизирани во секој детал, DNS хостинг системот е изграден за 24/7/365 оперативно работење.

Backup и безбедносни заштити

Како и кај нашите веб сервери, МКхост се погрижи и ДНС системот да биде целосно зачувуван на backup сервери, со што вашите ДНС зони ќе бидат секогаш на безбедно место и под постојат backup. Дополнително, ДНС серверите кои се оделени на посебни физички локации се заштитени и со софтверски firewall, така што безбедноста на истите е доведена на високо ниво.

 

Кога е пожелно да се користи ДНС хостинг услугата?

  • Хостирање на вашиот веб сајт на локален сервер, при што е потребно брзо да подесите A-record за да доменот биде жив уште веднаш.
  • Сакате да користите само емаил сервис, не ви е потребно хостирање на доменот во даден момент. Тогаш со услугата ДНС хостинг ги подесувате само MX записите и веќе може да си користите емаил сервис со вашиот домен.
  • Хостирање на вашиот веб сајт на сервер каде што нема активно ДНС систем, при што го насочувате доменот со A-record кон дадениот сервер кој ќе ги опслужува http повиците.
  • Подесување на вашиот домен на одреден сервис, како Worpdress, Cloud сервиси, каде што треба да поставите A-record, CNAME records за да доменот работи на овие cloud сервиси.
  • Кога имате потреба од редундантност на ДНС серверите. Кога ви е потребно да нема застој во сервисите иако би дошло до пад на ДНС системот. Нашиот ДНС систем е распределен на повеќе физички одделни машини на повеќе континенти. Со ова ќе бидете сигурни дека ќе имате секогаш редундантност и вашите сервиси секогаш ќе се достапни.
  • Кога имате веб сајт кој има многу посети и посетите доаѓаат од различни континенти. Со услугата ДНС хостинг вашите посетители ќе добиваат брз ДНС одговор за тоа каде се хостира веб страната, а со тоа ќе добиете и побрзо отварање на истата.

 

Како да ја активирате услугата?

 Подесување на DNS сервери

За активација на услугата потребно е да ги подесите NS серверите за вашиот домен закупен во MKХост. ДНС серверите треба да бидат:

dns1.mk-host.mk

dns2.mk-host.mk

Како да го направите тоа?

Најава на корисничкиот профил –  https://mkhost.com.mk/clients/

Најава во МКхост област за клиенти

 

Внесете го вашето корисничко име и лозинка

МКхост најава

Кликнете на Активни домени

Активни домени МКхост корисничка зона

 

Овде ќе ви бидат излистани сите домени кои ги имате. Од десна страна кликнете Управувај со доменот. Или можете директно Управувај со доменот -> Управување со именски опслужувачи. Овде ќе провериме дали ДНС серверите за доменот се правилно подесени пред да ја користиме ДНС хостинг услугата.

ДНС сервери подесување

 

Управување со ДНС хостинг услугата и креирање на ДНС зона
Сега, откако проверивме и успешно ги подесивме главните ДНС сервери за доменот, може да почнеме со користење на ДНС хостинг услугата.

Од менито изберете: ДНС Хостинг

ДНС Хостинг

Со влез на линкот за ДНС хостинг, системот ќе провери дали веќе постои ДНС зона за избраниот домен. Доколку не постои, ќе ве праша дали сакате да креирате нова ДНС зона. Вие треба да потврдите со клик на копчето, Да, Креирај.

Креирај ДНС Зона

И конечно, зоната е креирана. Сега останува на вас да ги провеерите записите и да ги измените по ваша желба. Овде ќе може да додадете нови записи, да избришете или измените веќе постоечки записи.

ДНС записи

Додавање на нов запис:

Додавање нов запис

 

Повелете направете нарачка на вашиот нов домен и искористете ја услугата ДНС хостинг бесплатно.