Еден работен ден со Марија, Веб девелопер во МКхост

И покрај многуте задачи и активности што ги има, Марија одвои 30 минути од своето време и ни раскажa како е да се работи во МКхост  и како всушност изгледа еден нејзин работен ден.

  • Кој е најголемиот предизвик со кој што се соочува веб девелопмент тимот? 

Постојано како веб девелопери се соочуваме со најразлични предизвици.
И само решавање на некаков проблем без разлика дали станува збор за комплексен проблем или мал проблем, за нас тоа претставува предизвик.
Најголемиот предизвик со кој се соочуваме би рекла дека се комплексните проблеми.
Она чувство кога ќе решиш некој проблем е PRICELESS.

  • Како успеваш да го координираш тимот? Која е тајната на успешна соработа?

Многу често наидуваме до мислење дека програмерите не треба да имаат изострени комуникациски вештини.
Јас не би се сложила со тоа. Како програмер ти најверојатно нема да мора да ја правиш продажбата,  но дефинитивно ќе стапиш во контакт со менаџери, клиенти и соработници. Што значи дека мораш да бидеш добар соговорник ако сакаш да бидеш успешен програмер.

Во голем процент од фирмите добиваш можност да менаџираш со тим, па секако тука мора да дојде до израз и твојата комуникациска вештина.
Така што тука како одговор на ова прашање би навела дека од клучен фактор за успешна соработка во тимот е комуникацијата, тимската игра и секојдневните состаноци.
Можноста на секој во тимот да работи подеднакво на проект исто така е клучен фактор за добар тим и успешна соработка.

  • Какви проекти ти претставуваат предизвик?

Најчесто оние проекти за кои не сум сигурна на самиот старт како точно да ги реализирам и каков ќе биде резултатот на самиот крај, се оние кои ми представуваат најголем предизвик. При работата на такви проект бараш начин, постојано истражуваш, учиш и си up-to-date  со новите случувања и техонологии.

 

  • Понекогаш проектите имаат кратки рокови за да се завршат. Дали заедно со тимот успевате на време да ги завршите?

Секако! Јас и мојот тим имаме одлична соработка, функционираме супер.
Секојдневните состаноци во текот на работната недела, поделбата на работни задачи и дискусиите во врска со проектите се од огромно значење за навремено завршување на задачите. Многу често имаме и непредвидлива ситуација каде се појавиле критични багови и за кои треба итна интервенција, и за таквите ситуации смиреноста и тимскиот дух биле од многу голема корист за да на крај добиеме решение на проблемот.

  • Што би ги советувала идните практиканти што ќе дојдат во МКхост?

Секој персонален и професионален успех на секој од нас поединечно, а тоа доведува до професионален успех и на целата компанија.“
Во моментов интензивно се работи на зголемување на бројот на вработени во сите делови од МКхост.

Токму сега имаме отворени позиции за Систем Администратор, и би сакала да ја искористам оваа прилика за да ги повикам сите заинтересирани да се пријават и да станат дел од нашиот тим.

МКхост е одлична шанса да станете подобар во тоа што сакате да го работите, да научите повеќе и да се изградите како добар професионалец.
За сите идни програмери, систем администратори и сите оние кои се на почетокот на нивните професии мојата порака е Never give up.
Крајниот резултатот е оној кој ќе ве направи горди и ќе ви даде стимул да вложувате многу повеќе во себе понатаму.

Креиравме нешто ново за сите корисници

Во изминатиот период работевме на проект наменет за сите наши корисници, каде што првичната цел беше да го олесниме пристапот до нашиот систем, како и користењето на нашите услуги.

Се соочивме со голем предизвик да создадеме нешто ново што е во тек со најсовремените технологии. Денес со задоволство можеме да ви го претставиме новиот веб сајт на МКхост.

Нашиот нов сајт уште појасно ја отсликува визијата на МКхост да биде „Дом за твојот веб сајт“, а на истиот уште полесно и побрзо ќе можеш да ги пронајдеш и нарачаш твоите потребни услуги за онлајн присуство.

Освен новиот сајт, издвоивме посебно место за сите наши клиенти наречен Кориснички портал. На истиот, корисниците ќе имаат увид во својата сметка, како и полесно ќе можат да управуваат со сите услуги.

 

Со креирање на профил, ќе имаш пристап до:

  • Tвоите продукти и услуги
  • Ќе бидеш во тек со обновата на твоите домени, хостинг просторот како и сите твои останати нарачки
  • Ќе имаш брз преглед на твојот кориснички портал
  • Ќе можеш лесно да нарачаш, обновиш и откажеш продукти или услуги
  • Ќе бидеш известен за секоја промена во врска со нарачаните продукти или услуги
  • Брзо и лесно ќе можеш да подесиш емаил адреса
  • Менаџирање DNS на домени и нивна редирекција

Особено внимание обрнавме на нашиот нов сајт и кориснички портал да имаат лесен пристап, да бидат лесни за снаоѓање и да може секој да ги користи.

Секогаш ставајќи акцент на задоволството на клиентите, се надеваме дека со оваа нова услуга ќе го олесниме менаџирањето на корисничките профили преку кои поедноставно ќе комуницираат со нас за секакви побарувања.

Ние остануваме тука за сите наши корисници, 24/7/365.

Посети го нашиот нов сајт!

Како до повеќе читатели на твојот блог (2019)

Започнување со свој блог денеска е мошне лесно со платформa како што е WordPress. Но откако ќе го објавиш твојот блог, следниот најголем предизвик е да го зголемиш сообраќајот на твојот веб сајт и да привлечеш што е можно повеќе читатели. Иако квалитетната содржина е причина број еден за успешност на еден блог, постојат повеќе начини како можеш подобро да го оптимизираш твојот веб сајт.

Еве неколку совети со кои што со сигурност ќе го подобриш сообраќајот на твојот блог.

1.Наслови на текстовите

Насловите се нешто прво што го гледаат луѓето. Може да го имаш најдобриот блог пост, ако насловот не ја долови интересната содржина, никој нема да го прочита постот.

Моќен наслов на блогот може да ти донесе многу повеќе прегледи на сајтот, дури и за 500% повеќе. Со толку многу содржина онлајн, само со креативен и уникатен наслов имаш поголеми шанси да привлечеш потенцијални читатели.

До 80% од корисниците може и да не го прочитаат твојот текст доколку насловот не им го привлече вниманието.

Постојат 5 типа на наслови кои што најчесто се користат:

  • Нормални (Начини со кој ќе се подобри посетеноста на твојот блог)
  • Прашање (Што ги привлекува читателите за да го отворат твојот блог?)
  • Како до (Како до повеќе читатели на твојот блог)
  • Број (10 начини како да привлечеш повеќе читатели на твојот блог)
  • Обраќање до читателот (Неколку чекори како твојот блог да го посетуваат повеќе читатели)

Според истражувањата, најголем CTR (click-through rate) имат наслови со карактери помеѓу 90 и 99. Но не секогаш треба да се водиш по овие статистики затоа што насловот треба да има и смисла.

Доколку заглавиш со смислување на крeативен наслов, постојат бесплатни алатки кои може да ти помогнат околу креативниот процес.

 

Според Melanie Duncan, секој наслов треба да содржи 4U елементи:

  • Useful (Корисен)

Оние наслови кои што ќе предизвикаат интерес кај тебе се и оние наслови кои што нудат нешто корисно, најчесто некое решение или совети.

  • Urgent (Итен)

Наслов кој што “брзо” ќе одговори на барањата на читателот.

  • Unique (Уникатен)

Луѓето секогаш сакаат да прочитаат нешто ново. Кога ќе изгуглаат одредена тема, излегуваат постови кои што најчесто се слични еден со друг.  Затоа твојот твојот наслов треба да биде различен, уникатен и да содржи интересни и впечатливи зборчиња што ќе ги натера корисниците да кликнат.

извор: http://www.melanieduncan.com/the-easy-4-u-formula-that-will-compel-readers-to-click-every-time/
  • Ultra-Specific (Ултра-специфичен)

Еден  од начините да го направиш твојот наслов да биде ултра-специфичен е да вметнеш бројки. Пример – 10 начини како да го зголемиш сообраќајот на твојот веб сајт. Овој тип на наслов е популарен и перформира доста добро затоа што читателите знаат точно што добиваат.

2.Квалитетна содржина

Откако насловот ќе ги привлече читателите да го отворат твојот сајт, содржината е следното на кое што треба да обрнеш внимание со цел да ги  задржиш и да сакаат понатаму да доаѓаат на твојата страна. Многу е важно содржината да се планира како и темите што ќе ги обработуваш.

Доколку немаш идеја (не се секирај, им се случува и на најуспешните блогери/ки), најчесто инспирацијата ја бараат по форуми каде што стапуваат во интеракција со други блогери и читатели. Сепак на крај за која тема и да се одлучиш, треба да соодветствува со другите содржини на твојот блог.

Страни од каде што  можеш да се инспирираш за твојата следна содржина:

  • Quora – место каде што може од прашање да дојдеш до следна твоја идеја

  • Ubersuggest  – е алатка со која што преку уникатен клучен збор ќе ти помогне да пронајдеш интересна содржина

  • Answer The Public  – е автоматизирана алатка која ќе ти даде резултати од клучен збор и теми поврзани со она што е пребарано.

 

Постојат различни типови на содржини но според неколку истражувања, оние блогови кои што вклучуваат инфографик, се најсподелувани и најчитани, дури и за 33%. Aко сакаш твојот пост да биде популарен, вметни интересен инфографик каде што статистичките податоци може да ги претставиш на визуелен начин.

За идеи може да ги погледнеш следните страни:

3.  Стара содржина

Од време на време е добро да ги обновиш твоите постари постови. Ако не си сигурен/а кои постари содржини да ги обновиш и дополниш, најдобро ќе видиш од резултатите од google analytics (или од некоја друга алатка ако користиш).

Оние содржини кои претходно биле повеќе читани но поради застареноста на информациите нивната читаност се намалила, освежи ги и објави ги повторно. 

Корисни алатки, покрај Google Analytics,  со кои што можеш да ги анализираш твоите постови:

  • Momently  – бесплатен WordPress plugin кој што за неколку минути можеш да го инсталираш и да ги следиш резултатите.

  • Matomo – аналитички софтвер кој што може да го превземеш и да го инсталираш на твојот сервер.

  • Clicky – уште еден програм кој што е user friendly и лесно се управува.

4. Визуелност на блогот

Изгледот на блогот исто така игра важна улога во зголемување на посетеноста на твојата страна.  Добро средена визуелна содржина го прави блогот полесен и поинтересен за читање.

Според анализата на Canva, постови кои што содржат слики се за 94% попрегледани во однос на оние постови што немаат.

Алатки со кои што ќе можеш да го направиш твојот блог да изгледа визуелно подобро:

  • Canva – бесплатна алатка со која што може да уредуваш и креираш слики за социјални медиуми но и многу повеќе.
  • Snappa  – уште една бесплатна веб апликација која што функционира по метод drag and drop и е лесна за употреба. Дизајните што ги креираш можеш да си ги зачуваш во папка.

  • Animaker – со оваа алатка ќе можеш лесно да креираш и споделуваш видеа.

5. Брзина на сајтот

Времето кое што е потребно за да се отвори твојот веб сајт може да влијае на рангирањето на Google.

Според Google, брзината на отворањето на сајтот е еден од факторите кој влијае на која позиција ќе се најде твојот блог при пребарувања и затоа е важно страната да се отвори најбрзо што може.

Дури 53% од посетите кои што доаѓаат од мобилен телефон ја напуштаат страната доколку  не се отвори за 3 секунди.
Поголема половина од посетителите на блогот очекуваат дека истиот ќе се отвори за 2 секунди.

75% од корисниците брзината ја рангираат како најважна од погледот на UX (user experience).

Алатки со кои може да ја провериш брзината на твојот сајт:

6. Споделување на содржината на социјални медиуми

Последно но не и најмалку важно е споделувањето на содржината на социјалните медиуми.
Денеска социјалните медиуми како Instagram, Facebook или Twitter имаат милиони корисници кои што може да го видат твојот блог доколку користиш правилни алатки и стратегија. Се додека е таргетирана вистинската публика и содржината е релевантна за нив, за кратко време ќе добиеш позитивни резултати.

Секогаш е добро, одвреме на време повторно да ги споделиш твоите постари постови на социјалните мрежи. Така ќе го добијат вистинското внимание и сообраќајот на твојот веб сајт значително ќе се зголеми.

Kако до твојот прв блог во 2019

Блогот за кратко време стана еден од најпопуларните алатки за ширење  на новости и информации.

Блог може да биде твое место каде што ќе ги искажеш твоите мисли и да ја споделиш твојата порака со другите.

Еве неколку чекори како можеш да го направиш тоа:

  1. Треба да одбереш платформа каде што ќе го поставиш твојот блог. Најкористена, со дури 82 милиони активни корисници и најлесна платформа за употреба е WordPress. Кои предности ги има WordPress и како може да го инсталираш со еден клик, прочитај тука.
  2.  Откако ќе го направиш твојот сајт со WordPress (или друга платформа по твој избор), следно што треба да направиш е да одбереш свој домен и хост.
  • Домен – тоа е всушност URL-то од твојот сајт. Пример, домен на МКхост е mkhost.com.mk.Доколку веќе имаш идеја за свој домен, кликни да провериш дали истиот е слободен 👉  домени.
  • Хостинг – за твојот сајт да биде прикачен на интернет и за да може сите да го видат, треба да одбереш соодветен хостинг пакет. Сите содржини кои што понатаму ќе ги објавуваш, со помош на хостингот кој што работи како еден вид hard drive, ќе ти бидат зачувани.

Откако твојот блог е подготвен да оди онлајн, можеш да започнеш со пишување на твојата приказна.

Со повеќе од 4 милиони блог постови дневно, треба да направиш твојот блог да се разликува од другите и да биде уникатен со цел да привлече повеќе читатели.

Најчесто првите објави на блогерите се постови во кои:

  • се претставуваат себеси
  • објаснуваат зошто почнале со пишување
  • за кои читатели ќе бидат наменети текстовите
  • за кои теми ќе пишуваат

На почетокот, кога сѐ уште си нов на оваа поле, ќе треба да посветиш доста време истражувајќи за содржината што сакаш да ја споделиш за да бидеш сигурен дека е квалитетна и дека читателите ќе ја отворат и прочитаат.

Истовремено пробај и да не се оптоваруваш толку. Ќе имаш многу можности во месеците кои што следат, откако ќе го објавиш твојот прв пост, постепено да ги запознаваш  читателите со твоите идеи.

Како и со многу други работи, со тек на времето ќе бидеш се поуспешен и поуспешен. Колку повеќе пишуваш, толку повеќе ќе се усовршуваш.

Ништо не е невозможно. Сè што е потребно е напорна работа и многу трпение и твоите читатели ќе ја препознаат твојата искрености и отвореност за пишување.

Земи длабоко воздух и започни со твојата авантура!

МКхост – oд микро бизнис до познат македонски бренд

Си поразговаравме со нашиот founder Иван за почетоците на МКхост и кои се неговите предвидувања за 2019-та.

За некој што основал фирма доста млад, дали мислиш дека луѓето се раѓаат како претприемачи или е нешто што се учи со време?

– Дефинитивно луѓето не се раѓаат како претприемачи. Според мене секој кој има јака желба, сака да вложи труд и време може да биде претприемач. Патот не е лесен, но е доста возбудлив и полн со изненадувања (и позитивни и негативни). Јаката желба за успех, посветеноста и сакањето на она што се работи, според мене се клучните три фактори кој еден успешен претприемач треба да ги има.

Како дојде до идејата за МКхост?

– Идејата дојде многу природно за мене. Живеев во Куманово, кога многу од домовите добија ADSL постојана интернет линија и многу ретки беа веб порталите, особено за нашиот град. Мојата идеја беше да направам веб страница каде што младите ќе може да се инфомираат за новостите во градот.

Веб сајтот го направив и наидов на предизвик – немав добар избор за каде да го хостирам и како да изберам .mk домен за истиот. Постоеја само големите телеком провајдери кои нудеа енормно високи цени за хостирање на веб страни, а процесот за регистрација на .mk домени беше рачен и не можеше да се нарача онлајн (се носеа хартиени документи лично во Македонската Академска Истражувачка Мрежа (Марнет), која беше под управата на УКИМ.

Сите овие рачни, спори и скапи процеси ме натераа да размислам за отварање на хостинг компанија и помагање на луѓето во лесно и брзо регистрирање на .mk домени се со цел да ги постават нивни идеи онлајн. Со МКхост се разби монополот на хостинг бизнисот во Македонија, се добија многу посоодветни цени и пакети за корисниците. МКхост беше клучен во “борбата” за дигитализација и автоматизација на процесот за регистрација на .mk домените.

 Дали твојот бизнис го започна сам?

– Да, идејата ја добив од потребата за хостирање на сопствен веб сајт. Почнав сам, го хостирав првин мојот веб сајт, потоа го направив веб сајтот за МКхост и го раширив зборот низ пријатели, колеги и познаници. Потоа почнав да добивам повици и дознав дека многу како мене го имале истиот проблем и немале соодветен хостинг провајдер.

Долго време работев сам, се додека не дојде моментот кога не можев да постигнам, а и кога сакав МКхост да прерасне во национален бренд, кој што ќе нуди професионални услуги за корисниците. Првите години МКхост беше микро бизнис, но потоа со помош на вработените и тимовите МКхост стана познат македонски бренд.

Кои беа најтешките фази што ги помина на почетокот при основањето на компанијата?

– Морам да признам поддршката и достапноста за клиентите беше голем предизвик. Првите години се уште бев студент и имав моменти кога бев на предавања и ме бараа на телефон за итна техничка поддршка. Сепак, секогаш ги ставам клиентите на прво место и сметам дека брза, професионална и искрена поддршка е клуч за долгорочни клиенти.

Останати тешки фази (но полесни од нудење поддршка за клиентите :)) беа учење на правни и економски работи кои беа поврзани со управувањето на фирмата како и ширењето во однос на вработени, креирањето на тимови и процеси во компанијата. Целата координација и грижа не само кон клиентите туку и вработените беше убав предизвик за мене.

Кој е најголемиот успех што МКхост го постигнал?

– Помагањето на илјадниците корисници да ја реализираат својата идеја онлајн. Ова е голем успех за МКхост, секој наш член од тимот ова секојдневно го работи со љубов и посветеност. МКхост е горд на секоја македонска веб страна и на секој регистриран .mk домен.

Сметаме дека технологијата и Интернетот се иднината и дека се повеќе и повеќе веб страници ќе се отвораат затоа што Интернетот е глобален и нуди големи можности за сите. “Борбата” за автоматизирање на процесот за регистрација и управување со .mk домените е исто успех на кој МКхост е горд.

Кои се твоите видувања за 2019 во поглед на технологијата?

– Јас сум голем евангелиста на Cloud услугите. Верувам дека многу бизниси ќе мигрираат од локално хостирање во нивните канцеларии на хостинг и Cloud провајдерите. Децентрализацијата и blockchain е исто тренд кој допрва ќе се развива и многу сервиси ќе бидат базирани на оваа технологија.

Кои се целите на МКхост за во иднина?

– МКхост во моментот работи на повеќе проекти. Не би сакал сите да ги откријам но ќе кажам дека се подготвува нов веб сајт како и нов систем за корисници каде што многу лесно, брзо и едноставно ќе се управува со услугите кои МКхост ги нуди. Сакаме корисничкото задоволство да го зголемиме, па така МКхост ќе нуди подостапни услуги со новиот систем за корисници.

Покрај тоа, МКхост се обидува да биде се подостапен за корисниците на кои им треба и помош при изработка и одржување на веб страниците, па така, нашата цел за иднина е да станеме провајдер кој што ќе ви помогне во целосна реализација на вашиот иден веб проект.

Што би ги советувал младите претприемачи што сега започнуваат свој бизнис?

– Младите претприемачи треба да бидат трпеливи, да знаат дека вложениот труд се враќа покасно и секогаш да размислуваат долгорочно, да бидат искрени и да го сакаат тоа што го работат, само така ќе имаат голем успех. Користење на Интернетот и Cloud технологиите ќе им помогнат во огромно проширување и раст на својот бизнис.

Пратењето на трендовите и постојаното лично и професионално усовршување е круцијална состојка за успешен бизнис. Тие треба да бидат истрајни и да го слушаат внатрешното јас, секоја идеја може да се претвори во реалност!

5 причини зошто е важно твојот бизнис да има веб сајт [ИНФОГРАФИК]

 

Во просек луѓето поминуваат 5,9 часа онлајн дневно, што е за два пати подолго во споредба со претходните години. Денес потрошувачите пред да се решат да купат некаков производ или услуга, истите ги пребаруваат онлајн со цел да соберат повеќе информации и да бидат сигурни во својот избор.

Според последните статистики, ние издвоивме 5 причини поради кои сметаме дека секој бизнис треба да има веб сајт.

Еден работен ден заедно со Билјана Шијаковска, CEO на МКхост

„Да се прифати улогата на CEO на една растечка IT компанија беше голема чест и привилегија, но и голем чекор кој носеше многу повеќе одговорности, а со тоа и доза страв за мене“.

Билјана Шијаковска е извршен директор на најголемата хостинг компанија и регистрар на домени во Македонија веќе цели 2 години. За овој временски период, направен е голем прогрес и се воведени повеќе нови проекти и услуги за корисниците, со една цел – МКхост да го доближи поимот „веб сајт“ до секој поединец.

Предизвик за квалитетна работа

Сепак, за да се прифати една ваква сериозна функција, секако дека за Билјана било потребно да има и подршка од окружувањето, како и желба и детерминираност за квалитет во извршувањето на работата.

„Предизвик беше да се преземе менаџирањето на една веќе растечка компанија со млад и желен кадар за развој, да се зачува моменталниот развој, но и да се поттикне уште поголем раст, а да останеме и да го надградиме она по што секогаш сме биле познати – задоволни корисници и професионална поддршка.

Од една страна секако дека имаше еден позитивен страв за понатаму, но од друга страна стоеја сите желби за напредок на компанијата, сите планови и замисли за нови услуги и чекори напред за напредок, сите идеи, желба и труд за вработените.

Со целата поддршка како и од семејството, а така и од целокупниот тим на МКхост, приказната само може позитивно да продолжува, а стравот беше заменет со упорност, детерминираност, професионалност и мотивираност.“

Однапред дефинирани планови и проекти

За Билјана тимот претставува клучниот фактор зошто МКхост бележи сѐ поголеми успеси во изминатиот период.

Со квалитетната тимска работа фокусот е кон дефинирање на задачи и планови на подолг временски период, а потоа со секој тим засебно се доделуваат приоритети на проектите.

„Сите нови услуги или промоции се дефинираат однапред со добро определен план, пред да се започне со нивна работа. За успешно завршен проект потребно е труд, квалитетно вложено време, консултации и тимска работа.

Често на еден проект не работи само еден тим, туку повеќе вработени од различни тимови, со цел да се изработи успешен проект, и се разбира да се задоволат потребите на нашите клиенти.“

Поглед на работата од дневно ниво

За да може да се види големата слика на работењето на една компанија, потребно е да се обрнува особено внимание и на ситните детали.

Така и за Билјана, секој работен ден почнува со преглед на најосновната функционалност, која е истовремено и најкруцијален дел за функционирањето на една хостинг компанија – проверката на сервери.

„Најпрво проверка и мониторинг на функционалноста на серверите, а потоа денот продолжува со кафе и пријателски разговор со вработените околу плановите и задачите за тој работен ден.

После добро кафе и добро дефиниран план, уште рано наутро работите полесно течат во текот на денот.“

Секој работен ден си носи и соодветни предизвици на дневно ниво, почнувајќи од извршување на сите зададени задачи, а во исто време и зачувување на добрата работна атмосфера во тимот. Тоа за Билјана претставува и главна цел која ја има зацртано како менаџер.

„Истовремено, еден од најважните предизвици е да се зачува трпеливоста и присебноста во моменти на серверски проблем и добро спроведување на процедурата, со цел брзо покренување и враќање во употреба на услугите, но со добар план и тимска работа предизвиците се полесни.“

Значењето на тимот на МКхост

Како што веќе нагласи Билјана, тимот е клучен фактор кој ги овозможува сите придвижувања на компанијата во нагорна линија.

„Пријателската атмосфера е круцијална за добра тимска работа. Се дружиме меѓусебно и разменуваме идеи, а често знаеме да организираме различни тим билдинг настани, како во канцеларија после работа, така и во некои од локалите во нашиот град. Често правиме и различни кратки екскурзии низ земјава.

Уживаме во заедничките разговори, разменуваме идеи и подобро се запознаваме меѓусебе, притоа градејќи одличен однос кој допринесува за квалитетна заедничка работа.

Секој персонален и професионален успех на секој од нас поединечно, а тоа доведува до професионален успех и на целата компанија.“

Во моментов интензивно се работи на зголемување на бројот на вработени во сите делови од МКхост.

„Токму сега имаме отворени позции за Систем Администратор, и би сакала да ја искористам оваа прилика за да ги повикам сите заинтересирани да се пријават и да станат дел од нашиот тим“.

Визија за во иднина

Но, МКхост не застанува тука. Има уште многу простор за нови проекти, како и нови предизвици за работа, а Билјана не го крие задоволството од претстојните новости кои во блиска иднина ќе ги промовира компанијата во јавноста.

„Работиме на зголемување на портфолиото на услуги кои МКхост ги нуди, како и на уште неколку новости кои стартуваат веќе од оваа есен.

Ни следуваат уште неколку интересни проекти до крајот на годината, поврзани со внатрешни промени на системите за работа, но и многу интересни понуди и промоции за нашите корисници.

Имаме обврска кон нашите корисници никогаш да не стоиме во место, туку секогаш да се потрудиме да понудиме нешто ново на пазарот и да помогнеме на секоја компанија или индивидуалец да стане дел од интернет просторот и да се претстави на светот во најдобро светло.“

 

 

 

Како да направиш твој веб сајт со WordPress?

Како да направиш сопствен веб сајт преку WordPress?

Преку овој пост ќе видиш како тоа можеш да го направиш во само неколку минути!

Над милион луѓе го користат интернетот секој ден. Тоа е најдобриот начин да станеш препознатлив, да изградиш бренд или да го развиеш твојот бизнис.  Сакаш да ги споделиш твоите мисли со светот? Тогаш сопствен веб сајт е најдобриот начин.

Но, како да направиш сопствен веб сајт?

Да почнеме со WordPress.

WordPress e Content Management System (CMS) кој служи за лесно и ефикасно средување на веб сајт.

WordPress е најпопуларниот систем за креирање на веб сајт.

Поради неговата голема популарност, WordPress има огромна база на плагини, темплејти и туторијали. Затоа, може многу лесно да се научи.

Погледни чекор по чекор како да направиш сопствен веб сајт.

Процесот на креирање од твоја страна почнува со едноставна регистрација на домен.

1. Избери добар домен

Доста важен дел од развивање на успешен бизнис, или правење на брендинг е твојот домен. Избери домен кој би бил лесно препознатлив, или кој ефикасно би го претставувал твојот бизнис.

Провери дали е слободен твојот посакуван домен!

WWW.

2. Хостинг

Доколку веќе закупи домен, сега е потребно е да го пронајдеш идеалниот и добар хостинг. Хостингот е домот на твојот веб сајт. Доколку немаш хостинг, не си во можност твојот веб сајт да го презентираш пред светот.

Избери хостинг кој ќе ти понуди брзина, ефикасност и сигурност. Со WordPress хостинг добиваш лесно и едноставно контролирање, без многу напор.

Најсоодветниот хостинг кој одговара за сите потреби на еден успешен WordPress сајт e токму WordPress хостингот.

3. Почни да го правиш твојот веб сајт

Веќе имаш домен и хостинг?

Одлично. Доколку закупи WordPress хостинг, тогаш веќе ги имаш сите информации на твојот емаил.

Логирај се со твојот емаил:

 

Следно, треба да влезеш во WordPress Dashboard кој што изгледа вака:

Подеси ги опциите за најдобри перформанси во Settings > General:

Вака би требало да изгледа твојот почетен сајт:

 

Одлично! Сега можеш да почнеш да го пишуваш твојот прв артикл, преку Posts > Add Post:

Исто така, избери добра тема која изгледа визуелно добро и привлечно за твојата публика, одејки во Appearance > Settings:

Една од најдобрите работи кај WordPress е токму фактот што го користат милиони корисници, и многу лесно може да се најдат алатки токму какви што ти требаат. Постојат секакви видови на плагини за WordPress кои ја олеснуваат твојата секојдневна работа на сајтот.

За да додадеш нов плагин, или да ги разгледаш сите опции кои постојат за плагини, тоа можеш да го сториш преку Plugins > Add New:

 

Исто така, постои и голема база на платени или бесплатни темплејти кои ќе го подобрат изгледот на твојот веб сајт.

Дали сакаш да научиш повеќе за WordPress? МКхост има одличен видео серијал на македонски јазик кој те насочува подетално околу она што сакаш да го научиш за оваа платформа!

Како изгледа еден работен ден во тимот на МКхост?

Како изгледа работен ден во една хостинг компанија веројатно претставува мистерија како за нејзините клиенти, така и за пошироката јавност. Еден поглед во нашите простории е доволен да се види кохезивната и синхронизирана атмосфера во работењето на тимот на МКхост.

Поминавме време заедно со нашите систем администраторки, девојките кои се грижат сајтовите на нашите корисници постојано да бидат достапни онлајн. Да ги запознаеме Александра Чинговска и Катерина Трајковска, кои повеќе од една година се дел од нашиот тим. Како тие го поминуваат својот работен ден?

Предизвик е да се помага на корисниците

„Денот започнува со расонување, а за тоа тука се кафето и чајот“ вели Александра.

„Потоа продолжуваме со преглед на тикети, проверка на серверските статистики, а понатаму се насочуваме кон решавање на тековните проблеми, како и работа на проекти предвидени за тој ден“.

Катерина додава дека е предизвик и задоволство да се излегува во пресрет на сите потреби на корисниците:

„Најчесто барањата се поврзани со нивните маилови или серверски потреби на сајтовите. Остатокот од денот сме посветени на конфигурација на серверите, како и нивно постојано одржување, со цел да обезбедиме непречено работење на сите клиенти хостирани кај нас“.

Што кога ќе се случи посериозен проблем?

Секако, работење со обемен број на корисници, подразбира дека повремено може да се јават и некои посериозни предизвици и проблеми.

„Кога и да излезе нешто посериозно, гледаме брзо да се координираме и да ги поделиме обврските, со цел лесно лоцирање на проблемот, како и негово брзо надминување“, споделува Катерина, додавајќи дека проблемите до сега лесно се надминувале со добра организација.

Александра дополнува дека помошта од останатите тимови е секогаш добредојдена.

„Целиме кон наоѓање решение во заемна комуникација и во координација со другите тимови, додека истовремено ги опслужуваме клиентите кои се афектирани од проблемот“.

Другата страна на работата

Меѓутоа, 8-те часа во еден работен ден во МКхост не се фокусирани само на „седење пред компјутер“.  Сите тимови постојано се дружат и комуницираат помеѓу себе.

„Имаме пријателска и комуникативна атмосфера и опуштен амбиент. Секогаш се добредојдени идеи за тоа што да слушаме денес во канцеларија и што да јадеме“, се смее Александра.

Катерина се согласува со Александра, и додава дека ја сака опуштената атмосфера која владее во тимот.

Самата локација на компанијата во трговскиот центар Капитол мол во Аеродром овозможува достапност до голем избор на кафулиња и ресторани во кои се собира тимот за време на паузите, како и после работното време. Тука освен неформални разговори, секогаш се иницираат и нови и креативни идеи за развојот на МКхост.

МКхост е во потрага по зголемување на тимот 

Се поголемиот број на корисници кои се приклучуваат на најголемото хостинг семејство во Македонија, подразбира дека и во самата компанија се отвораат можности за зголемување на својот тим.

Во моментов, МКхост е во потрага по нов систем администратор. Дали мислиш дека ти си токму тој кој е идеален за да се приклучи на ова друштво, и да ги покаже своите знаења и вештини? Аплицирај веднаш!

Освен систем администратор, во овој момент се отворени и неколку други огласи, кои може постојано да се следат на нашата страница за Кариера.

МКхост доби сертификат „Коректна Фирма“

Најголемиот македонски хостинг провајдер и регистрар на домени доби уште една потврда за својата репутација помеѓу корисниците.

Во текот на месец ноември 2017-та, МКхост се здоби со сертификатот „Коректна Фирма“, кој се доделува на компаниите со одлична етаблираност во бизнисот и репутација кон клиентите и партнерите, како и со позитивни мислења на публиката за брендот во интернет просторот.

Овој сертификат постои на европскиот пазар од 2012-та година, и претставува реакција на брзото адаптирање на брендовите на новите технологии и експанзијата на интернетот. Во денешно време, секоја компанија треба да има беспрекорна услуга и комуникација со клиентите онлајн, а истото тоа се одразува и на репутацијата на брендот кој се гради.