Што е важно за интернет маркетингот во 2019-та?

Интернет маркетингот продолжува да се менува секоја година. Неговиот раст станува сѐ поголем, трендовите се менуваат брзо… Се чини дека постојано се случува и појавува нешто ново во ова поле.

Но што е она на што треба да се фокусираш во претстојната 2019-та? Ова е нашиот топ 5 избор за годинава.

Твојот веб сајт е важно место

Често се поставува прашањето дали за еден бизнис е важно поседувањето на сопствен веб сајт во ерата на социјални мрежи. Одговорот е секогаш „да“, од причина што контролирањето на својот сопствен простор е поважно од било кога.

Секако дека социјалните мрежи помагаат во распространувањето на твојот бизнис, како и содржините што се пласирани преку твојот сајт. Меѓутоа, мора да се внимава на алгоритмите кои постојано се менуваат од страна на социјалните мрежи, и кои може драстично да влијаат на досегот до публиката.

Презентацијата на твојот продукт токму како што ти го замислуваш е исто така една од поволностите кога имаш сопствен веб сајт, без никакви ограничувања.

Транзиција во демографиите на социјалните мрежи

Она на што особено мора да се внимава во наредниот период е да се следи трендот на користење на социјалните мрежи од страна на корисниците.

Facebook е сѐ уште на врвот со повеќе од 2,2 милијарди корисници, меѓутоа факт е дека возраста на еден просечен корисник на Facebook станува сѐ поголема. Во САД, 41% од корисниците на Facebook имаат над 65 години!

За среќа на Facebook, оваа компанија го поседува и Instagram, кој минатата година веќе надмина 1 милијарда корисници. Она што е важно е дека од тие корисници 31% се помеѓу 18 и 24 години, а 30% помеѓу 25 и 34 години.

Оваа демографија секогаш била најпосакувана помеѓу огласувачите, бидејќи истата е најкомпетитивна за привлекување на публика за производи и брендови кои се на почетокот на своето постоење. Затоа, подемот и атрактивноста на Instagram не смее да се игнорираат.

Вештачката интелигенција и онлајн бизнисите

Со проценките дека над 2,5 милијарда корисници на интернет имаат профил на некоја од социјалните мрежи, користењето на artificial intelligence (AI) во овој сегмент станува од круцијално значење за растот на бизнисите онлајн.

Преку вештачката интелигенција, користењето на базите на податоци и нивното разбирање е уште полесно, а истото тоа може да се искористи за предвидување на однесувањето на корисниците. Во моментов, едни од најпознатите примери се Lookalike Audiences за Facebook реклами, како и Similar Audiences на Google Ads.

Употребата на AI како во изминативе, така и во наредните години ќе ја усовршува ideal buying persona за твоите онлајн потреби. Проценките се дека до 2035-тата година вештачката интелигенција ќе ја зголеми онлајн продажбата за цели 38%.

Содржина која „исчезнува“

Експеримент направен во 1957-ма година во кино во Њу Џерси, се смета за еден од пионерите во полето на сублиминалниот маркетинг и т.н. product placement. На публика од 45.699 посетители во киното, во определен момент од гледање на филмските проекции им се пуштани флеш реклами од 0.03 секунди на кои било испишано „Земи пуканки“ и „Пиј Coca-Cola“.

Психологот кој го има спроведено експериментот тврди дека отпосле во истото кино, продажбата на пуканки се има зголемено за 57,5%, а на Coca-Cola за 18,1%.

Се чини дека популарните т.н. stories кои се достапни на најголемите социјални мрежи (најпопуларни се Facebook, Instagram и Snapchat) се идеални за пласирање на кратки пораки кои ќе останат во меморијата на публиката која веќе е заинтересирана за твојот производ.

Една од најголемите причини за популарноста на овие т.н. stories е и „стравот од пропуштање“ (fear of missing out) поради нивното брзо исчезнување. Се очекува дека ваквиот канал на комуникација ќе продолжи да биде уште поинфулентен во 2019-та.

Градење доверба

Еден од најважните моменти на кој секој што поседува онлајн бизнис треба да внимава, посебно во периодот кој претстои, е градењето на долготрајна релација и доверба со своите клиенти.

Последните контроверзии кои излегоа од начинот на користење на податоците на интернет, а потоа и имплементацијата на GDPR во текот на 2018-та година, се чини дека ја подигнаа свесноста кај обичниот интернет корисник на повисоко ниво.

Тоа значи дека  твојот онлајн бизнис треба да биде настроен кон поголема транспарентност и да биде повеќе персонализирано насочен кон твоите корисници.

МКхост има важни вести!

Имаме важни вести, и тоа не само една, туку неколку! Во изминатиот период работевме на неколку нови проекти кои ти ги претставуваме денес. Погледни што е најново од МКхост за оваа есен.

1. Дом за твојот веб сајт

Оваа есен ја стартуваме со нова кампања со која и официјално го претставуваме новиот слоган на најголемиот македонски хостинг провајдер и регистрар на домени. „Дом за твојот веб сајт“ е проект кој има за цел поимот „веб сајт“ да го доближи до секој граѓанин.

Често се прашуваш како еден веб сајт може да биде поставен и да функционира на интернет просторот? Прочитај ја нашата кратка интерактивна приказна за тоа како еден веб сајт има многу слични карактеристики со еден секојдневен дом!

Прочитај повеќе >>

2. Нов хостинг пакет во нашата фамилија – Regular

Посакај му добредојде на најновиот член во нашата фамилија – веб хостинг пакетот Regular, кој го замени досегашниот Business пакет.

Наменет за сите оние кои имаат потреба од хостирање на сајтови со поголем простор и сообраќај, овој пакет за да го прослави својот старт го нудиме со зголемен трансфер од 500 GB и специјална намалена цена на 3.500 денари годишно!

Прочитај повеќе >>

3. Воведуваме Business хостинг пакети!

Поседуваш бизнис кој постојано е во фаза на раст и развој?

Поголеми технички перформанси, приоритетна премиум поддршка и поголем простор за маилови се само дел од онлајн потребите на секој растечки бизнис.

Погледни ги новите Business хостинг пакети на МКхост со кои стануваме сигурен партнер за онлајн презентирањето на твојот бизнис и компанија!

Прочитај повеќе >>

***

НАСКОРО!

4. Cloud Hosting

МКхост секогаш настојува да биде во чекор со светските трендови и да одговори на барањата на своите корисници. Покрај понудата на shared хостинг пакети, наскоро воведуваме и нови cloud хостинг пакети!

Со новата понуда на managed и unmanaged cloud пакети ќе можеш брзо и лесно да активираш свој cloud сервер по твоја мерка.

5. Регистрација на нови домен наставки

Колку и Интернетот да се чини неограничен, добрите домен имиња на најголемите наставки стануваат сè повеќе зафатени. Тоа ја отвора потребата од алтернативни решенија.

МКхост наскоро ќе овозможи регистрација на најновите трендинг домен наставки за кои побарувачката на светско ниво е во постојан раст.

 

Еден работен ден заедно со Билјана Шијаковска, CEO на МКхост

„Да се прифати улогата на CEO на една растечка IT компанија беше голема чест и привилегија, но и голем чекор кој носеше многу повеќе одговорности, а со тоа и доза страв за мене“.

Билјана Шијаковска е извршен директор на најголемата хостинг компанија и регистрар на домени во Македонија веќе цели 2 години. За овој временски период, направен е голем прогрес и се воведени повеќе нови проекти и услуги за корисниците, со една цел – МКхост да го доближи поимот „веб сајт“ до секој поединец.

Предизвик за квалитетна работа

Сепак, за да се прифати една ваква сериозна функција, секако дека за Билјана било потребно да има и подршка од окружувањето, како и желба и детерминираност за квалитет во извршувањето на работата.

„Предизвик беше да се преземе менаџирањето на една веќе растечка компанија со млад и желен кадар за развој, да се зачува моменталниот развој, но и да се поттикне уште поголем раст, а да останеме и да го надградиме она по што секогаш сме биле познати – задоволни корисници и професионална поддршка.

Од една страна секако дека имаше еден позитивен страв за понатаму, но од друга страна стоеја сите желби за напредок на компанијата, сите планови и замисли за нови услуги и чекори напред за напредок, сите идеи, желба и труд за вработените.

Со целата поддршка како и од семејството, а така и од целокупниот тим на МКхост, приказната само може позитивно да продолжува, а стравот беше заменет со упорност, детерминираност, професионалност и мотивираност.“

Однапред дефинирани планови и проекти

За Билјана тимот претставува клучниот фактор зошто МКхост бележи сѐ поголеми успеси во изминатиот период.

Со квалитетната тимска работа фокусот е кон дефинирање на задачи и планови на подолг временски период, а потоа со секој тим засебно се доделуваат приоритети на проектите.

„Сите нови услуги или промоции се дефинираат однапред со добро определен план, пред да се започне со нивна работа. За успешно завршен проект потребно е труд, квалитетно вложено време, консултации и тимска работа.

Често на еден проект не работи само еден тим, туку повеќе вработени од различни тимови, со цел да се изработи успешен проект, и се разбира да се задоволат потребите на нашите клиенти.“

Поглед на работата од дневно ниво

За да може да се види големата слика на работењето на една компанија, потребно е да се обрнува особено внимание и на ситните детали.

Така и за Билјана, секој работен ден почнува со преглед на најосновната функционалност, која е истовремено и најкруцијален дел за функционирањето на една хостинг компанија – проверката на сервери.

„Најпрво проверка и мониторинг на функционалноста на серверите, а потоа денот продолжува со кафе и пријателски разговор со вработените околу плановите и задачите за тој работен ден.

После добро кафе и добро дефиниран план, уште рано наутро работите полесно течат во текот на денот.“

Секој работен ден си носи и соодветни предизвици на дневно ниво, почнувајќи од извршување на сите зададени задачи, а во исто време и зачувување на добрата работна атмосфера во тимот. Тоа за Билјана претставува и главна цел која ја има зацртано како менаџер.

„Истовремено, еден од најважните предизвици е да се зачува трпеливоста и присебноста во моменти на серверски проблем и добро спроведување на процедурата, со цел брзо покренување и враќање во употреба на услугите, но со добар план и тимска работа предизвиците се полесни.“

Значењето на тимот на МКхост

Како што веќе нагласи Билјана, тимот е клучен фактор кој ги овозможува сите придвижувања на компанијата во нагорна линија.

„Пријателската атмосфера е круцијална за добра тимска работа. Се дружиме меѓусебно и разменуваме идеи, а често знаеме да организираме различни тим билдинг настани, како во канцеларија после работа, така и во некои од локалите во нашиот град. Често правиме и различни кратки екскурзии низ земјава.

Уживаме во заедничките разговори, разменуваме идеи и подобро се запознаваме меѓусебе, притоа градејќи одличен однос кој допринесува за квалитетна заедничка работа.

Секој персонален и професионален успех на секој од нас поединечно, а тоа доведува до професионален успех и на целата компанија.“

Во моментов интензивно се работи на зголемување на бројот на вработени во сите делови од МКхост.

„Токму сега имаме отворени позции за Систем Администратор, и би сакала да ја искористам оваа прилика за да ги повикам сите заинтересирани да се пријават и да станат дел од нашиот тим“.

Визија за во иднина

Но, МКхост не застанува тука. Има уште многу простор за нови проекти, како и нови предизвици за работа, а Билјана не го крие задоволството од претстојните новости кои во блиска иднина ќе ги промовира компанијата во јавноста.

„Работиме на зголемување на портфолиото на услуги кои МКхост ги нуди, како и на уште неколку новости кои стартуваат веќе од оваа есен.

Ни следуваат уште неколку интересни проекти до крајот на годината, поврзани со внатрешни промени на системите за работа, но и многу интересни понуди и промоции за нашите корисници.

Имаме обврска кон нашите корисници никогаш да не стоиме во место, туку секогаш да се потрудиме да понудиме нешто ново на пазарот и да помогнеме на секоја компанија или индивидуалец да стане дел од интернет просторот и да се претстави на светот во најдобро светло.“

 

 

 

6 причини зошто мора да имаш SSL сертификат на својот веб сајт

Безбедноста на податоците на интернет стана голема тема која иницираше многу дискусии во последниве неколку месеци. Во наредниот период, ова прашање ќе поттикнува сè поголема свесност помеѓу интернет корисниците.

Како SSL сертификатите помагаат во сигурноста и доверливоста кога посетителите пребаруваат на твојот сајт?

Подобрување на приказот на веб сајтот

Од јули 2018-та, најголемиот светски интернет прелистувач Google Chrome автоматски ќе ги маркира сите веб сајтови со http протокол како ‘not secure’ веднаш до URL-то. Според податоците со кои располага тимот на Chrome, 81 од 100 сајтови имаат SSL сертификат, а оттука и https протокол, што е одличен тренд.

Откако Google со години се убедуваше да ја промени свеста на сопствениците на веб сајтови, ова е најголемото предупредување до сега кое треба да го забрза процесот на помасовно воведување на SSL сертификати.

Подобрување на Google ранкинг

Иако долго време се мислеше дека https не прави многу разлика при оптимизација на пребарувачите (SEO), сепак аналитичарите покажале дека во просек сајтовите со https најчесто се рангирани над оние со http.

Google неодамна најави дека токму овој протокол во наредниот период ќе им овозможи поголема предност на сајтовите, во однос на оние кои немаат SSL сертификат и кои поседуваат само http.

Енкриптирани сензитивни информации

Било која информација што е споделена на веб сајт е целосно јавна и транспарентна, доколку не постои инсталиран SSL на веб сајтот. Во таа категорија спаѓаат – податоци за најава, лозинки, кредитни картички, како и останати податоци кои се споделуваат.

Енкриптирани податоци се сметаат за неопходност во денешниот интернет свет, а SSL сертификатите го нудат токму тоа.

Автентикација

Заедно со потребната енкрипција, за целосна сигурност потребна е и автентикација. Споделената информација „патува“ по различни уреди се додека не пристигне до дестинацискиот сервер.

За да се спречи „крадење“ на информациите и пристигнување до сензитивни информации на погрешно место, се користи токму SSL. За време на инсталацијата се поминува низ повеќе чекори, вклучувајќи клучеви, валидации и слично, преку која се осигурува ваквиот тип на автентикација, како и пристигнување на податоците на вистинското место.

Доверливост

Доверливост и сигурност се едни од клучните фактори за успешен и стабилен бизнис. Токму со поставувањето на SSL сертификат се постигнува бараната безбедност, а клиентот има гаранција дека е на сигурно место.

На тој начин, познатиот зелен катанец, како и https екстензијата се доказ дека на сајтот е инсталиран SSL сертификат и дека клиентот е на сигурно место, со што би се спречиле дури и т.н. psyshing или man-in-the-middle attacks.

Интернет плаќање

Инсталација на SSL сертификат со дедицирана IP адреса е задолжителна доколку сакаш твојот веб сајт да претставува онлајн продавница, преку која ќе може да се купува со помош на картички.

На тој начин безбедноста на внесените информации од картичката е на далеку повисоко ниво, што е потврдено и од самите банкарски институции.

 

Поседувањето на SSL сертификат наместо само тренд, веќе станува реална потреба која во иднина ќе претставува еден од клучните елементи при градење на долготрајна доверба со корисниците.

МКхост нуди повеќе видови на SSL сертификати кои одговараат на најразлични потреби за онлајн заштита. За нивните карактеристики и бенефити, повеќе може да се прочита на следниот линк.

Како да направам веб сајт со кој ќе имам одлична продажба?

Го направивте вашиот веб сајт преку кој сакате да нудите онлајн продажба. Што е следно? Како да ги привлечете првите клиенти, и како органски да ја зголемите продажбата со текот на времето?

Едноставно пронаоѓање

Првиот услов за да функционира успешно еден онлајн бизнис е неговото лесно и едноставно пронаоѓање во целокупниот интернет „хаос“. Еден од начините како да направите препознатлив интернет бренд е во избирање на соодветно домен име  кое ќе ја отсликува визијата за проектот кој го водите.

Одржување на квалитетна SEO оптимизација и онлајн маркетинг ќе направи вашите таргетирани потрошувачи да ве пронајдат вас, наместо вие да ги барате нив. Тоа на долг рок ќе ви донесе многу позитивни резултати и зголемување на конверзиите и продажбата органски и постепено.

Секако дека и изборот на квалитетен веб хостинг има голем удел во успешноста на еден веб сајт, особено на оние кои се занимаваат со e-commerce. Брз и оптимизиран веб сајт кој има постојана достапност е гаранција дека вашите посетители ќе останат подолго време на вашиот сајт, а оттука се зголемуваат и шансите тие да конвертираат во клиенти.

Процесот на нарачка

Ги донесовте потенцијалните клиенти на сајтот. Што е следно? Секако, да ги убедите да конвертираат, односно да купат преку вас. Основниот начин е посетителите да ги донесете на добро организиран сајт.

Слично како и купувањето во физичка продавница, така и онлајн продавниците бараат своевидна добра организираност. Почнувајќи од самиот дизајн кој треба да биде лесен и едноставен за користење, понатаму целиот процес на нарачка треба да биде гарант за потенцијалниот клиент да стекне сигурност во вашиот бренд.

Овозможете детални описи и слики за сите производи кои ги нудите, со што потенцијалите купувачи ќе бидат сигурни дека тоа што го нудите, тоа и ќе го добијат. Сертификати за сигурност и поголем избор во начините на плаќање се исто така задолжителни.

Дизајнот е од особено значење

Технологиите и трендовите кога станува збор за веб дизајнот постојано еволуираат.  Потребно е постојано да се биде чекор за тоа што го привлекува човековото внимание, доколку сакате да бидете достапни и да одговарате на современите потреби.

Постојат повеќе трикови како веб сајтот постојано да изгледа совршено, почнувајќи од респонзивен дизајн кој ќе биде едноставен за користење на сите уреди истовремено. Потоа, обрнете внимание на користењето на landing pages, тактиката на скелетен дизајн, како и многу останати функционалности кои ги нуди новата технологија.

Кои се интернет маркетинг трендовите за 2018?

Интернет маркетинг е можеби најдинамичната гранка во маркетингот воопшто. Постојано се раѓаат нови трендови со голем потенцијал за еволуција во иднина. Се верува дека 2018 година ќе го зголеми значењето на интернет маркетинг трендовите кои ги наследи од 2017, но исто така ќе донесе и новитети кои ќе постават нови предизвици за интернет маркетерите.

Следуваат неколку од нив за кои сметаме дека ќе имаат големо значење во годината што следи.

1. Податоци. Многу податоци.

Манипулацијата и користењето на податоците кои ги нуди интернетот од секогаш биле на врвот на листата. Интересен е фактот што приближно ⅓ или 6 милиони девелопери работат на проекти поврзани со Big Data. Што би требало да сигнализира дека : Big data is getting Bigger!

Разликата е тоа што сега податоците се полесно достапни и во поголема мера. Вообичаено големите компании се тие кои располагаа со така наречената Big Data, сега достапна и за малите бизниси. Користејќи ја истата, тие можат многу полесно и пооправдано да носат одлуки во полето на интернет маркетингот.

2. Паметни спикери

Многу неочекувано, во 2017 индустријата за паметни спикери направи невиден бум. Луѓето стануваат понаклонети кон користењето на овие уреди во секојдневниот живот. Гласовното пребарување на производи, услуги, информации итн преку паметните спикери станува почеста појава, на која секако, ќе треба да се прилагодат и маркетерите доколку сакаат успешно да комуницираат со своите купувачи.

Факт е дека 20 милиони уреди со можност за гласовно управување се веќе продадени во минатата година, а се очекува до 2022 бројката да покрие 55% од домаќинствата во САД. Доволна бројка за сите маркетери да стават нов предизвик на листата за оваа година.

3. Огласување преку мобилни апликации

Иако мобилните апликации не се новитет во интернет маркетингот, се очекува во 2018 трендот на огласување преку овој канал да покаже нагорна линија. Ова се темели на статистиките дека луѓето во зголемен број користат мобилни апликации како мапи, апликации за следење на транспорт, недвижнини итн.

Очекуваме годинава поголем дел од буџетот за огласување на интернет да припадне токму на закупот на огласен простор преку мобилни апликации.

4. Native Advertising и Smart content

До 2021 се очекува повеќе од 74% од приходот остварен од огласи да припадне токму на овој тип на огласување. Имено Native Advertising се разликува од обичното банерско огласување по тоа што огласите (банери, видеа) се прилагодени на изгледот на платформата за огласување.

Па така огласите не предизвикуваат револт и одбивност кон самата платформа и огласувачот. Единствениот ,,проблем“ за маркетерите е тоа што ќе треба да прават посебни огласи за секоја платфрма со цел огласот да се вклопи најдобро што може во изгледот на платформата (оттука потекнува и називот native ads).

5. Micro-moments

Според објаснувањата на Google micro-moments се оние моменти кога луѓето го користат мобилнот уред за да се информираат, да посетат, да направат или да купат нешто.

Во 2018, оние бизниси кои ќе бидат соодветно подготвени да ги пресретнат купувачите во секој од овие моменти, ќе бележат најголем потенцијал за успех. Ваквото огласување бара длабоко демографско познавање на таргет групата како и добро подготвена стратегија за мобилно огласување.

Но, со сите достапни алатки за интернет маркетинг, подготовката за ваков тип на маркетинг се очекува да биде значително олеснета.

6. Содржина

Содржината како стратегија од секогаш имала посебно место. Но, веќе се јавува проблем на презаситеност. Секој бренд кој има веб страна, креира содржина која ја промовира по социјалните медиуми, со што веќе публиката станува презаситена од оваа борба на брендовите за видливост и присутност.

Сметаме дека 2018 ќе биде година кога маркетерите ќе се преориентираат кон оние веб страни кои веќе имаат достигнато високо ниво на видливост и авторитет во дејноста, со цел да го искористат потенцијалот на нивната публика и репутацијата.

7. Еден на еден комуникација

Интернетот е голем, но за многумина и хаотичен. Затоа, голем дел од луќето преферираат директна, персонализирирана комуникација со брендот.

Реално, ваков тип на комуникација за големи компании е невозможна, затоа како поефикасен метод се користат chatbots. Трендот на нивно користење станува се позасилен со оглед на тоа дека се поголем број купувачи преферираат директна комуникација, се очекува до крајот на 2018 овој тип на автоматизација на комуникацијата да стане ,,рутина“.

 

Ова не се единствените трендови кои се очекува да забележат посебен раст во 2018. Индустријата е прилично динамична и непредвидлива, затоа будно следете ги промените.

5 предизвици со кои ќе се соочите при изградба на веб сајт

Да се направи одличен веб сајт значи да се најде баланс помеѓу неколку клучни елементи. Целта е да се постигне задоволство кај потенцијалните корисници на сајтот.

Оние кои се занимаваат со изградба на веб сајтови знаат дека тоа не е ни малку лесна задача. Дури и наједноставните веб сајтови можат одлично да си ја вршат функцијата само доколку правилно се имплементираат тие клучни елементи.

Станува збор за петте најголеми предизвици при изградба на веб сајт: Сајт лесен за пристапување (accessibility), компатибилен (compatibility), лесна навигација (navigability), лесна читливост (readability) и корисен за посетителите (usability).

1. Сајт кој е лесен за пристапување

Без сомнение ова е една од најважните карактеристики на еден веб сајт – достапноста. За сајтот да биде лесно пристаплив или достапен за сите потребно е при неговата изградба да се земат во предвид сите профили на луѓе кои би го користеле.

Сајтот треба да биде подеднакво функионален за сите. Секој човек треба да има можност да пристапи до информациите на сајтот, неговите функционалности и елементи.

2. Сајтот треба да биде компатибилен – оптимизиран

Следна многу важна и за жал често потценета карактеристика на еден веб сајт, а тоа е неговата компатибилност. Тоа значи дека треба да се тестира на различни интернет пребарувачи (Chrome, Mozilla, Explorer…), оперативни системи (Windows, iOS, Android….) како и екрани со различна резолуција ( компјутер, таблет, мобилен…).

Доколку користите некој од темплејтите кои МКхост Ви ги нуди преку актуелната понуда – Mkhost Premium, тогаш нема причина да се грижите за овој тип на оптимизација на Вашиот веб сајт. Темплејтите се целосно оптимизирани.

3. Сајтот треба да биде лесен за навигација

Можеби еден од најголемите предизвици за веб дивелоперите и дизајнерите е точно постигнувањето на идеална навигација. Еден сајт е лесен за навигација тогаш кога луѓето можат брзо и без многу размислување на ги најдат информациите кои им требаат.

Во спротивно, доколку треба долго време да бараат, тие ќе си заминат и ќе ја побараат информацијата на друго место. Од таа причина лесната навигација е можеби најважната карактеристика на еден веб сајт. Структурата на сајтот треба да биде толку едноставна што секој човек ќе може лесно да најде тоа што му треба без многу кликови.

4. Сајтот треба да има читка содржина

Четвртата многу важна карактеристика на успешните веб сајтови е содржината која е лесна за читање. Повторно, кога ја подготвувате содржината за вашиот веб сајт имајте ги во предвид потенцијалните корисници со различни профили.

Секој од нив треба да ја разбере пораката која сакате да ја пренесите. Затоа треба да внимавате на зборовите кои ги користите. Како ги структуирате речениците. Каква структура има содржината (содржината треба да биде лесна за брзо скенирање и организирана во параграфи).

Користете и боја доколку увидите дека има потреба. Изберете фонт кој нема дополнително да го отежнува читањето. Arial, Verdana и Times се едни од најкористените. Читателите се навикнати на овие фонтови.

5.Сајтот треба да биде корисен за посетителите

Ова е производ на сите претходни карактеристики. Доколку останатите четири карактеристики се соодветно застапени, тогаш неизбежно е сајтот да биде корисен за посетителите.

Со тоа што ќе ги донесете посетителите на веб сајтот преку различни маркетинг стратегии, не значи дека сте ја добиле битката! Нив треба да ги конвертирате во редовни читатели на она што го  нудите. Доколку имаат било каква потешкотија при користење на вашиот веб сајт, нема да размислуваат долго пред да го напуштат.

Има многу други алтернативи на интернет кои ќе им понудат подобро корисничко искуство. Затоа е многу важно да најдете совршен склоп на сите претходни аспекти.

Во моментот кога секој профил на потенцијален клиент, буквално секој, ќе може да пристапи брзо и лесно на вашиот сајт преку било кој пребарувач, уред или оперативен систем и при тоа во неколку секунди да ги најде потребните информации кои ќе може лесно да ги прочита и разбере, тогаш сте направиле веб сајт кој нуди одлично корисничко искуство и бидете сигурни дека задоволните посетители ќе се вратат повторно!

МКхост доби сертификат „Коректна Фирма“

Најголемиот македонски хостинг провајдер и регистрар на домени доби уште една потврда за својата репутација помеѓу корисниците.

Во текот на месец ноември 2017-та, МКхост се здоби со сертификатот „Коректна Фирма“, кој се доделува на компаниите со одлична етаблираност во бизнисот и репутација кон клиентите и партнерите, како и со позитивни мислења на публиката за брендот во интернет просторот.

Овој сертификат постои на европскиот пазар од 2012-та година, и претставува реакција на брзото адаптирање на брендовите на новите технологии и експанзијата на интернетот. Во денешно време, секоја компанија треба да има беспрекорна услуга и комуникација со клиентите онлајн, а истото тоа се одразува и на репутацијата на брендот кој се гради.

 

Висок bounce rate на Вашиот веб сајт? Што значи тоа?

Постојано сте во трка да ги подобрите посетите на веб сајтот кој го водите, и да го зголемите нивниот квалитет. Постојано е потребно да се проверува овој параметар преку постојани анализи и тестирања на публиката, за да се постигнат посакуваните резултати.

Една од постојаните битки во онлајн светот, на секој веб сајт, е да ги вложува своите напори во намалување на т.н. bounce rate на што помал процент.

Што е bounce rate?

Едноставно кажано, bounce rate е стапка која покажува колкав процент од посетите на веб сајтот направиле само единствен клик на истиот (односно се приклучиле само на една од страниците), а веднаш потоа се исклучиле. Ако го земеме следниот пример на два веб сајтови со одредена посетеност и bounce rate:

  1. Веб сајт со 3.000 посети со bounce rate од 75%,
  2. Веб сајт од 2.000 посети со bounce rate од 50%,

На прв поглед, според посетеноста, првиот веб сајт остварува подобар резултат. Сепак, ако го земеме и bounce rate како фактор, тоа значи дека во првиот случај, 750 посетители виделе повеќе од една страница, а во вториот случај дека 1.000 посетители виделе повеќе од една страница на сајтот.

Дали bounce rate е лоша работа?

Примерот погоре може да укаже на фактот дека вториот сајт има содржина која ги поттикнала посетителите да отворат повеќе од една страница на сајтот, што може да биде многу значајно за идните конверзии, кои пак го дефинираат профитот што ќе го заработи истиот тој сајт.

Така што, генерално одговорот е дека висок bounce rate е лоша работа за веб сајтови чија определена цел се одредува преку посети кои треба да направат повеќе од еден клик (на пример, за да се купи продукт на интернет, треба да се кликнат неколку чекори).

Доколку пак, целта на еден веб сајт или landing page е да донесе посетител само на една страница, нормално е определениот bounce rate да изнесува 100%.

Што се смета за добар bounce rate?

Просечен bounce rate во светски рамки според Google Analytics изнесува помеѓу 40 и 55%.

Се смета дека секој bounce rate под 40% може да биде дефиниран како одличен, односно е знак дека веб сајтот функционира одлично и професионално. Сепак, премногу низок bounce rate (под 20%) е речиси статистички невозможен, а ако се случи, може да значи дека кодот за Google Analytics не е правилно имплементиран.

Ако сајтот надмине bounce rate од 50%, тоа значи дека е време да се имплементираат некои промени кои може да доведат до подобрување на целокупните перформанси.

Како до подобар bounce rate?

Постојано контролирање на Вашите статистики преку Google Analytics е еден од првите механизми со кои ќе влијаете врз резултатите од овој параметар. Со вкрстување на информации кои се добиваат на Analtyics, ќе може полесно да утврдите дали определен чекор или страница на Вашиот сајт е проблематична за посетителите, и оттука предизвикува нивно исклучување пред завршување на Вашата поставена цел (конвертирање).

Исправање на сите погрешни линкови кои се наоѓаат низ сајтот, како и подобрување на страници од типот на „404 Page not found“ се исто така добри тактики, како и умерено поставување на pop-up прозорчиња, за кои 68% од посетителите се изјасниле дека ги нервираат.

Споро отворање на веб сајтот е исто еден од причинителите со кои посетителите си заминуваат. Поработете на перформансите поврзани со серверот и веб хостингот, и со оптимизирањето на сајтот.

Во фактори кои мора веднаш да се исправат за да се подобри bounce rate, спаѓаат и оние како лоша и неадекватна содржина, лош веб дизајн, недоволна оптимизираност и недостапност за мобилни уреди, и слични.

 

5 начини како да го намалите спамот во Вашето емаил сандаче

Спам емаил пораки

Борбата против спам пораките е во тек уште од првиот регистриран инцидент во 1978 година, кој зафати 393 лица. Иако не е можно целосно да се елиминираат спам пораките, овие 5 совети ќе го намалат бројот на несаканaтa е-пошта во вашето сандаче.

1. Користете филтер за спам

Звучи очигледно, но изненадува тоа што многу луѓе не користат филтри за спам за да го заштитат своето сандаче од спам пораки.

2. Не ја објавувајте адресата секаде

Не ја објавувајте емаил адресата насекаде на Интернет. Ако Вашата емаил адреса е објавена на повеќе места, блогови или форуми, Вашето сандаче може да се преполни со несакана електронска пошта. Автоматизирани ботови собираат веб адреси 24 часа на ден, седум дена во неделата.

3. Не одговарајте

Никогаш не треба да одговорите на меил за кој сметате дека е спам. Ова само им кажува на спамерите дека нивните емаил адреси доаѓаат во вашето сандаче.

4. Резервна емаил адреса

Направете резервна емаил адреса. Користете ја онлајн на форуми, чет-соби и кога се претплаќате на мејлинг-листи и промоции. Запомнете дека вашата резервна адреса е привремена, може да ја менувате често.

5. Дискутабилна автентичност

Ако сте принудени да внесете емаил адреса некаде на интернет каде автентичноста на веб сајтот е дискутабилна, користете привремена адреса за електронска пошта. Услуга како 10minutemail.com ќе Ви даде пристап до работната адреса за електронска пошта, за да не мора да ризикувате да ја користите вашата лична адреса на веб сајт во кој не верувате.

Откако ќе завршите, едноставно излезете од веб сајтот, а притоа можете да заминете знаејќи дека никогаш нема да добиете никаква несакана пошта како резултат на тоа.

 

 

Повеќе од 30 години подоцна, спамот достигнува милијарди интернет корисници ширум светот. Можеби не е можно целосно да се елиминира спам, но сите ние можеме да направиме малку за да го намалиме влијанието што го има врз нашето сандаче.

И МКхост се вклучува во зголемувањето на безбедноста на емаил пораките на своите корисници со помош на услугата SpamExperts.