Еден работен ден заедно со Билјана Шијаковска, CEO на МКхост

„Да се прифати улогата на CEO на една растечка IT компанија беше голема чест и привилегија, но и голем чекор кој носеше многу повеќе одговорности, а со тоа и доза страв за мене“.

Билјана Шијаковска е извршен директор на најголемата хостинг компанија и регистрар на домени во Македонија веќе цели 2 години. За овој временски период, направен е голем прогрес и се воведени повеќе нови проекти и услуги за корисниците, со една цел – МКхост да го доближи поимот „веб сајт“ до секој поединец.

Предизвик за квалитетна работа

Сепак, за да се прифати една ваква сериозна функција, секако дека за Билјана било потребно да има и подршка од окружувањето, како и желба и детерминираност за квалитет во извршувањето на работата.

„Предизвик беше да се преземе менаџирањето на една веќе растечка компанија со млад и желен кадар за развој, да се зачува моменталниот развој, но и да се поттикне уште поголем раст, а да останеме и да го надградиме она по што секогаш сме биле познати – задоволни корисници и професионална поддршка.

Од една страна секако дека имаше еден позитивен страв за понатаму, но од друга страна стоеја сите желби за напредок на компанијата, сите планови и замисли за нови услуги и чекори напред за напредок, сите идеи, желба и труд за вработените.

Со целата поддршка како и од семејството, а така и од целокупниот тим на МКхост, приказната само може позитивно да продолжува, а стравот беше заменет со упорност, детерминираност, професионалност и мотивираност.“

Однапред дефинирани планови и проекти

За Билјана тимот претставува клучниот фактор зошто МКхост бележи сѐ поголеми успеси во изминатиот период.

Со квалитетната тимска работа фокусот е кон дефинирање на задачи и планови на подолг временски период, а потоа со секој тим засебно се доделуваат приоритети на проектите.

„Сите нови услуги или промоции се дефинираат однапред со добро определен план, пред да се започне со нивна работа. За успешно завршен проект потребно е труд, квалитетно вложено време, консултации и тимска работа.

Често на еден проект не работи само еден тим, туку повеќе вработени од различни тимови, со цел да се изработи успешен проект, и се разбира да се задоволат потребите на нашите клиенти.“

Поглед на работата од дневно ниво

За да може да се види големата слика на работењето на една компанија, потребно е да се обрнува особено внимание и на ситните детали.

Така и за Билјана, секој работен ден почнува со преглед на најосновната функционалност, која е истовремено и најкруцијален дел за функционирањето на една хостинг компанија – проверката на сервери.

„Најпрво проверка и мониторинг на функционалноста на серверите, а потоа денот продолжува со кафе и пријателски разговор со вработените околу плановите и задачите за тој работен ден.

После добро кафе и добро дефиниран план, уште рано наутро работите полесно течат во текот на денот.“

Секој работен ден си носи и соодветни предизвици на дневно ниво, почнувајќи од извршување на сите зададени задачи, а во исто време и зачувување на добрата работна атмосфера во тимот. Тоа за Билјана претставува и главна цел која ја има зацртано како менаџер.

„Истовремено, еден од најважните предизвици е да се зачува трпеливоста и присебноста во моменти на серверски проблем и добро спроведување на процедурата, со цел брзо покренување и враќање во употреба на услугите, но со добар план и тимска работа предизвиците се полесни.“

Значењето на тимот на МКхост

Како што веќе нагласи Билјана, тимот е клучен фактор кој ги овозможува сите придвижувања на компанијата во нагорна линија.

„Пријателската атмосфера е круцијална за добра тимска работа. Се дружиме меѓусебно и разменуваме идеи, а често знаеме да организираме различни тим билдинг настани, како во канцеларија после работа, така и во некои од локалите во нашиот град. Често правиме и различни кратки екскурзии низ земјава.

Уживаме во заедничките разговори, разменуваме идеи и подобро се запознаваме меѓусебе, притоа градејќи одличен однос кој допринесува за квалитетна заедничка работа.

Секој персонален и професионален успех на секој од нас поединечно, а тоа доведува до професионален успех и на целата компанија.“

Во моментов интензивно се работи на зголемување на бројот на вработени во сите делови од МКхост.

„Токму сега имаме отворени позции за Систем Администратор, и би сакала да ја искористам оваа прилика за да ги повикам сите заинтересирани да се пријават и да станат дел од нашиот тим“.

Визија за во иднина

Но, МКхост не застанува тука. Има уште многу простор за нови проекти, како и нови предизвици за работа, а Билјана не го крие задоволството од претстојните новости кои во блиска иднина ќе ги промовира компанијата во јавноста.

„Работиме на зголемување на портфолиото на услуги кои МКхост ги нуди, како и на уште неколку новости кои стартуваат веќе од оваа есен.

Ни следуваат уште неколку интересни проекти до крајот на годината, поврзани со внатрешни промени на системите за работа, но и многу интересни понуди и промоции за нашите корисници.

Имаме обврска кон нашите корисници никогаш да не стоиме во место, туку секогаш да се потрудиме да понудиме нешто ново на пазарот и да помогнеме на секоја компанија или индивидуалец да стане дел од интернет просторот и да се претстави на светот во најдобро светло.“

 

 

 

Како да направам онлајн содржина која ќе ја зголеми продажбата?

Правење на квалитетна и креативна содржина за landing page е вистински предизвик, а изработка на landing page кој ќе успее да конвертира е најпосакуваната цел на секој кој поседува сопствен онлајн бизнис.

Тогаш, како може да се дојде до содржина која може да конвертира и да донесе повеќе продажба?

Познавање на сопствените цели

Секогаш е потребно познавање на сопствениот продукт, публиката до која треба да допре тој продукт, а исто така и која е демографијата која треба да реагира и да конвертира.

Според тие спецификации, еден landing page треба да биде формиран соодветно со специфични бои и форми кои го дефинираат брендингот на твојот онлајн бизнис, речник соодветен на таргет публиката, како и прилагодлив дизајн кој ќе одговара на современите начини на конзумирање на интернетот.

Кој е конкретниот бенефит?

Landing page како поим има една основна задача, а тоа е да се фокусира на еден конкретен бенефит кој е од значење за таргет публиката. Не е важно целото портфолио на продукти или услуги кои се нудат, туку токму определена работа која решава одреден проблем (на пример попуст на услуга).

Токму фокусот на бенефитите овозможува да се задржи вниманието на посетителот на сајтот, кој наместо да биде експониран на вариетет од информации кои ќе му го одземат вниманието, ќе биде воведен кон точно определена информација која што може да го реши токму неговиот проблем.

Оттука, можностите за конвертирање се уште поголеми.

Употреба на бројките

Она што не може да се објасни со зборови, е уште подобро да се потенцира со определена бројка.

Психолошки факт е дека луѓето добро реагираат на конкретни вредности со бројки и статистики – колку клиенти има твојот бизнис, колку твојата услуга што се рекламира на конкретниот landing page се продала во последниот месец…

Освен што бројките ги скратуваат долгите реченици и објаснувања, визуелно се привлечни, и ја зголемуваат стапката на конверзии.

Call to action (CTA)

Доаѓаме до финалето на она што треба да претставува врвот на еден квалитетен landing page, а тоа е „повикот за акција“ кон посетителот.

Освен што CTA треба да биде истакнат во посебен визуелен дел (копче) и да биде на ударно место на твојот landing page, препорачливо е да биде што пократок и повлијателен (на пример – Купи веднаш).

Колку и еден посетител да не ги види останатите делови што се понудени на конкретниот landing page, визуелно веднаш ќе го забележи CTA, а за да биде привлечен од истиот, секако дека првиот впечаток е најважен.

 

 

 

 

Како изборот на веб хостинг влијае на SEO на еден сајт?

Влијание на хостинг врз SEO

Правилната SEO оптимизација е еден од клучните фактори дали твојот сајт ќе допре до поширока публика, и претставува еден од главните канали преку кои може да се стигне до повеќе конверзии.

Изборот на веб хостинг дефинитивно влијае врз тоа дали сајтот ќе има квалитетен SEO, како и добро рангирање кај пребарувачите како Google. Се прашуваш како? Еве неколку причини:

МКхост гарантира 99,9% достапност на сајтотГарантирање на uptime

Секогаш е можно да се случи технички проблем кој ќе влијае на работењето на сајтот и неговото онлајн функционирање. Меѓутоа, гарантирањето на што поголема онлајн достапност (uptime) е една од главните карактеристики на еден квалитетен хостинг провајдер. МКхост нуди гаранција на достапност од 99,9%.

Она што е многу важно е хостинг серверот да издржи голем број на посети, кон што секако би требало да цели еден сајт. Спротивно на тоа, доколку сајтот има лош uptime, тоа значи и зголемен одлив на посетители, што негативно ќе влијае на bounce rate и CTR, а тоа ќе има свој негативен одзив и на SEO рангирањето.

Влијанието на SSL сертификатите

Веќе пишувавме за новината на Google, кој најави дека поседувањето на SSL сертификати и https:// протоколот во наредниот период ќе им овозможи поголема предност во ранкингот на сајтовите, во однос на оние кои немаат SSL сертификат и кои поседуваат само http.

Од јули 2018-та, најголемиот светски интернет прелистувач Google Chrome автоматски ќе ги маркира сите веб сајтови со http протокол како ‘not secure’ веднаш до URL-то, што постепено ќе почне да влијае и на самиот SEO ранкинг на сајтот.

Брзина на сајтот

Брзина на веб сајтСпоред одредени истражувања, доколку сајтот доцни при отворање само една секунда, кај посетителите влијае во намалување на 7% од потенцијалните конверзии. Со две секунди доцнење, веќе се одвлекуваат речиси сите потенцијални купувачи преку твојот сајт.

Брзината е една од клучните фактори за да се одржи поголемо просечно време на читаност, поголем број на page views, помал bounce rate, и секако, поголемо задоволство кај посетителите.

Изборот на квалитетен веб хостинг ќе овозможи и гаранција за брзо отворање на твојот веб сајт, како и привлекување на поголем број посети и конверзии.

Висок bounce rate

Како што веќе кажавме, бавното отворање на веб сајтот е еден од главните причини поради која посетителите си заминуваат од сајтот, а тоа влијае на SEO ранкингот. Тука многу влијаат перформансите поврзани со серверот и веб хостингот, и со оптимизирањето на сајтот.

Други детали кои може да се исправат околу самиот bounce rate се и исправање на сите погрешни линкови кои се наоѓаат низ сајтот, како и подобрување на страници од типот на „404 Page not found“ се исто така добри тактики, како и умерено поставување на pop-up прозорчиња, за кои 68% од посетителите се изјасниле дека ги нервираат.

За да се контролира bounce rate на еден сајт, потребно е постојано да се следат перформансите на сајтот преку Google Analytics.

6 причини зошто мора да имаш SSL сертификат на својот веб сајт

Безбедноста на податоците на интернет стана голема тема која иницираше многу дискусии во последниве неколку месеци. Во наредниот период, ова прашање ќе поттикнува сè поголема свесност помеѓу интернет корисниците.

Како SSL сертификатите помагаат во сигурноста и доверливоста кога посетителите пребаруваат на твојот сајт?

Подобрување на приказот на веб сајтот

Од јули 2018-та, најголемиот светски интернет прелистувач Google Chrome автоматски ќе ги маркира сите веб сајтови со http протокол како ‘not secure’ веднаш до URL-то. Според податоците со кои располага тимот на Chrome, 81 од 100 сајтови имаат SSL сертификат, а оттука и https протокол, што е одличен тренд.

Откако Google со години се убедуваше да ја промени свеста на сопствениците на веб сајтови, ова е најголемото предупредување до сега кое треба да го забрза процесот на помасовно воведување на SSL сертификати.

Подобрување на Google ранкинг

Иако долго време се мислеше дека https не прави многу разлика при оптимизација на пребарувачите (SEO), сепак аналитичарите покажале дека во просек сајтовите со https најчесто се рангирани над оние со http.

Google неодамна најави дека токму овој протокол во наредниот период ќе им овозможи поголема предност на сајтовите, во однос на оние кои немаат SSL сертификат и кои поседуваат само http.

Енкриптирани сензитивни информации

Било која информација што е споделена на веб сајт е целосно јавна и транспарентна, доколку не постои инсталиран SSL на веб сајтот. Во таа категорија спаѓаат – податоци за најава, лозинки, кредитни картички, како и останати податоци кои се споделуваат.

Енкриптирани податоци се сметаат за неопходност во денешниот интернет свет, а SSL сертификатите го нудат токму тоа.

Автентикација

Заедно со потребната енкрипција, за целосна сигурност потребна е и автентикација. Споделената информација „патува“ по различни уреди се додека не пристигне до дестинацискиот сервер.

За да се спречи „крадење“ на информациите и пристигнување до сензитивни информации на погрешно место, се користи токму SSL. За време на инсталацијата се поминува низ повеќе чекори, вклучувајќи клучеви, валидации и слично, преку која се осигурува ваквиот тип на автентикација, како и пристигнување на податоците на вистинското место.

Доверливост

Доверливост и сигурност се едни од клучните фактори за успешен и стабилен бизнис. Токму со поставувањето на SSL сертификат се постигнува бараната безбедност, а клиентот има гаранција дека е на сигурно место.

На тој начин, познатиот зелен катанец, како и https екстензијата се доказ дека на сајтот е инсталиран SSL сертификат и дека клиентот е на сигурно место, со што би се спречиле дури и т.н. psyshing или man-in-the-middle attacks.

Интернет плаќање

Инсталација на SSL сертификат со дедицирана IP адреса е задолжителна доколку сакаш твојот веб сајт да претставува онлајн продавница, преку која ќе може да се купува со помош на картички.

На тој начин безбедноста на внесените информации од картичката е на далеку повисоко ниво, што е потврдено и од самите банкарски институции.

 

Поседувањето на SSL сертификат наместо само тренд, веќе станува реална потреба која во иднина ќе претставува еден од клучните елементи при градење на долготрајна доверба со корисниците.

МКхост нуди повеќе видови на SSL сертификати кои одговараат на најразлични потреби за онлајн заштита. За нивните карактеристики и бенефити, повеќе може да се прочита на следниот линк.

Како изгледа еден работен ден во тимот на МКхост?

Како изгледа работен ден во една хостинг компанија веројатно претставува мистерија како за нејзините клиенти, така и за пошироката јавност. Еден поглед во нашите простории е доволен да се види кохезивната и синхронизирана атмосфера во работењето на тимот на МКхост.

Поминавме време заедно со нашите систем администраторки, девојките кои се грижат сајтовите на нашите корисници постојано да бидат достапни онлајн. Да ги запознаеме Александра Чинговска и Катерина Трајковска, кои повеќе од една година се дел од нашиот тим. Како тие го поминуваат својот работен ден?

Предизвик е да се помага на корисниците

„Денот започнува со расонување, а за тоа тука се кафето и чајот“ вели Александра.

„Потоа продолжуваме со преглед на тикети, проверка на серверските статистики, а понатаму се насочуваме кон решавање на тековните проблеми, како и работа на проекти предвидени за тој ден“.

Катерина додава дека е предизвик и задоволство да се излегува во пресрет на сите потреби на корисниците:

„Најчесто барањата се поврзани со нивните маилови или серверски потреби на сајтовите. Остатокот од денот сме посветени на конфигурација на серверите, како и нивно постојано одржување, со цел да обезбедиме непречено работење на сите клиенти хостирани кај нас“.

Што кога ќе се случи посериозен проблем?

Секако, работење со обемен број на корисници, подразбира дека повремено може да се јават и некои посериозни предизвици и проблеми.

„Кога и да излезе нешто посериозно, гледаме брзо да се координираме и да ги поделиме обврските, со цел лесно лоцирање на проблемот, како и негово брзо надминување“, споделува Катерина, додавајќи дека проблемите до сега лесно се надминувале со добра организација.

Александра дополнува дека помошта од останатите тимови е секогаш добредојдена.

„Целиме кон наоѓање решение во заемна комуникација и во координација со другите тимови, додека истовремено ги опслужуваме клиентите кои се афектирани од проблемот“.

Другата страна на работата

Меѓутоа, 8-те часа во еден работен ден во МКхост не се фокусирани само на „седење пред компјутер“.  Сите тимови постојано се дружат и комуницираат помеѓу себе.

„Имаме пријателска и комуникативна атмосфера и опуштен амбиент. Секогаш се добредојдени идеи за тоа што да слушаме денес во канцеларија и што да јадеме“, се смее Александра.

Катерина се согласува со Александра, и додава дека ја сака опуштената атмосфера која владее во тимот.

Самата локација на компанијата во трговскиот центар Капитол мол во Аеродром овозможува достапност до голем избор на кафулиња и ресторани во кои се собира тимот за време на паузите, како и после работното време. Тука освен неформални разговори, секогаш се иницираат и нови и креативни идеи за развојот на МКхост.

МКхост е во потрага по зголемување на тимот 

Се поголемиот број на корисници кои се приклучуваат на најголемото хостинг семејство во Македонија, подразбира дека и во самата компанија се отвораат можности за зголемување на својот тим.

Во моментов, МКхост е во потрага по нов систем администратор. Дали мислиш дека ти си токму тој кој е идеален за да се приклучи на ова друштво, и да ги покаже своите знаења и вештини? Аплицирај веднаш!

Освен систем администратор, во овој момент се отворени и неколку други огласи, кои може постојано да се следат на нашата страница за Кариера.

Како да направам веб сајт со кој ќе имам одлична продажба?

Го направивте вашиот веб сајт преку кој сакате да нудите онлајн продажба. Што е следно? Како да ги привлечете првите клиенти, и како органски да ја зголемите продажбата со текот на времето?

Едноставно пронаоѓање

Првиот услов за да функционира успешно еден онлајн бизнис е неговото лесно и едноставно пронаоѓање во целокупниот интернет „хаос“. Еден од начините како да направите препознатлив интернет бренд е во избирање на соодветно домен име  кое ќе ја отсликува визијата за проектот кој го водите.

Одржување на квалитетна SEO оптимизација и онлајн маркетинг ќе направи вашите таргетирани потрошувачи да ве пронајдат вас, наместо вие да ги барате нив. Тоа на долг рок ќе ви донесе многу позитивни резултати и зголемување на конверзиите и продажбата органски и постепено.

Секако дека и изборот на квалитетен веб хостинг има голем удел во успешноста на еден веб сајт, особено на оние кои се занимаваат со e-commerce. Брз и оптимизиран веб сајт кој има постојана достапност е гаранција дека вашите посетители ќе останат подолго време на вашиот сајт, а оттука се зголемуваат и шансите тие да конвертираат во клиенти.

Процесот на нарачка

Ги донесовте потенцијалните клиенти на сајтот. Што е следно? Секако, да ги убедите да конвертираат, односно да купат преку вас. Основниот начин е посетителите да ги донесете на добро организиран сајт.

Слично како и купувањето во физичка продавница, така и онлајн продавниците бараат своевидна добра организираност. Почнувајќи од самиот дизајн кој треба да биде лесен и едноставен за користење, понатаму целиот процес на нарачка треба да биде гарант за потенцијалниот клиент да стекне сигурност во вашиот бренд.

Овозможете детални описи и слики за сите производи кои ги нудите, со што потенцијалите купувачи ќе бидат сигурни дека тоа што го нудите, тоа и ќе го добијат. Сертификати за сигурност и поголем избор во начините на плаќање се исто така задолжителни.

Дизајнот е од особено значење

Технологиите и трендовите кога станува збор за веб дизајнот постојано еволуираат.  Потребно е постојано да се биде чекор за тоа што го привлекува човековото внимание, доколку сакате да бидете достапни и да одговарате на современите потреби.

Постојат повеќе трикови како веб сајтот постојано да изгледа совршено, почнувајќи од респонзивен дизајн кој ќе биде едноставен за користење на сите уреди истовремено. Потоа, обрнете внимание на користењето на landing pages, тактиката на скелетен дизајн, како и многу останати функционалности кои ги нуди новата технологија.

Кои се интернет маркетинг трендовите за 2018?

Интернет маркетинг е можеби најдинамичната гранка во маркетингот воопшто. Постојано се раѓаат нови трендови со голем потенцијал за еволуција во иднина. Се верува дека 2018 година ќе го зголеми значењето на интернет маркетинг трендовите кои ги наследи од 2017, но исто така ќе донесе и новитети кои ќе постават нови предизвици за интернет маркетерите.

Следуваат неколку од нив за кои сметаме дека ќе имаат големо значење во годината што следи.

1. Податоци. Многу податоци.

Манипулацијата и користењето на податоците кои ги нуди интернетот од секогаш биле на врвот на листата. Интересен е фактот што приближно ⅓ или 6 милиони девелопери работат на проекти поврзани со Big Data. Што би требало да сигнализира дека : Big data is getting Bigger!

Разликата е тоа што сега податоците се полесно достапни и во поголема мера. Вообичаено големите компании се тие кои располагаа со така наречената Big Data, сега достапна и за малите бизниси. Користејќи ја истата, тие можат многу полесно и пооправдано да носат одлуки во полето на интернет маркетингот.

2. Паметни спикери

Многу неочекувано, во 2017 индустријата за паметни спикери направи невиден бум. Луѓето стануваат понаклонети кон користењето на овие уреди во секојдневниот живот. Гласовното пребарување на производи, услуги, информации итн преку паметните спикери станува почеста појава, на која секако, ќе треба да се прилагодат и маркетерите доколку сакаат успешно да комуницираат со своите купувачи.

Факт е дека 20 милиони уреди со можност за гласовно управување се веќе продадени во минатата година, а се очекува до 2022 бројката да покрие 55% од домаќинствата во САД. Доволна бројка за сите маркетери да стават нов предизвик на листата за оваа година.

3. Огласување преку мобилни апликации

Иако мобилните апликации не се новитет во интернет маркетингот, се очекува во 2018 трендот на огласување преку овој канал да покаже нагорна линија. Ова се темели на статистиките дека луѓето во зголемен број користат мобилни апликации како мапи, апликации за следење на транспорт, недвижнини итн.

Очекуваме годинава поголем дел од буџетот за огласување на интернет да припадне токму на закупот на огласен простор преку мобилни апликации.

4. Native Advertising и Smart content

До 2021 се очекува повеќе од 74% од приходот остварен од огласи да припадне токму на овој тип на огласување. Имено Native Advertising се разликува од обичното банерско огласување по тоа што огласите (банери, видеа) се прилагодени на изгледот на платформата за огласување.

Па така огласите не предизвикуваат револт и одбивност кон самата платформа и огласувачот. Единствениот ,,проблем“ за маркетерите е тоа што ќе треба да прават посебни огласи за секоја платфрма со цел огласот да се вклопи најдобро што може во изгледот на платформата (оттука потекнува и називот native ads).

5. Micro-moments

Според објаснувањата на Google micro-moments се оние моменти кога луѓето го користат мобилнот уред за да се информираат, да посетат, да направат или да купат нешто.

Во 2018, оние бизниси кои ќе бидат соодветно подготвени да ги пресретнат купувачите во секој од овие моменти, ќе бележат најголем потенцијал за успех. Ваквото огласување бара длабоко демографско познавање на таргет групата како и добро подготвена стратегија за мобилно огласување.

Но, со сите достапни алатки за интернет маркетинг, подготовката за ваков тип на маркетинг се очекува да биде значително олеснета.

6. Содржина

Содржината како стратегија од секогаш имала посебно место. Но, веќе се јавува проблем на презаситеност. Секој бренд кој има веб страна, креира содржина која ја промовира по социјалните медиуми, со што веќе публиката станува презаситена од оваа борба на брендовите за видливост и присутност.

Сметаме дека 2018 ќе биде година кога маркетерите ќе се преориентираат кон оние веб страни кои веќе имаат достигнато високо ниво на видливост и авторитет во дејноста, со цел да го искористат потенцијалот на нивната публика и репутацијата.

7. Еден на еден комуникација

Интернетот е голем, но за многумина и хаотичен. Затоа, голем дел од луќето преферираат директна, персонализирирана комуникација со брендот.

Реално, ваков тип на комуникација за големи компании е невозможна, затоа како поефикасен метод се користат chatbots. Трендот на нивно користење станува се позасилен со оглед на тоа дека се поголем број купувачи преферираат директна комуникација, се очекува до крајот на 2018 овој тип на автоматизација на комуникацијата да стане ,,рутина“.

 

Ова не се единствените трендови кои се очекува да забележат посебен раст во 2018. Индустријата е прилично динамична и непредвидлива, затоа будно следете ги промените.

5 предизвици со кои ќе се соочите при изградба на веб сајт

Да се направи одличен веб сајт значи да се најде баланс помеѓу неколку клучни елементи. Целта е да се постигне задоволство кај потенцијалните корисници на сајтот.

Оние кои се занимаваат со изградба на веб сајтови знаат дека тоа не е ни малку лесна задача. Дури и наједноставните веб сајтови можат одлично да си ја вршат функцијата само доколку правилно се имплементираат тие клучни елементи.

Станува збор за петте најголеми предизвици при изградба на веб сајт: Сајт лесен за пристапување (accessibility), компатибилен (compatibility), лесна навигација (navigability), лесна читливост (readability) и корисен за посетителите (usability).

1. Сајт кој е лесен за пристапување

Без сомнение ова е една од најважните карактеристики на еден веб сајт – достапноста. За сајтот да биде лесно пристаплив или достапен за сите потребно е при неговата изградба да се земат во предвид сите профили на луѓе кои би го користеле.

Сајтот треба да биде подеднакво функионален за сите. Секој човек треба да има можност да пристапи до информациите на сајтот, неговите функционалности и елементи.

2. Сајтот треба да биде компатибилен – оптимизиран

Следна многу важна и за жал често потценета карактеристика на еден веб сајт, а тоа е неговата компатибилност. Тоа значи дека треба да се тестира на различни интернет пребарувачи (Chrome, Mozilla, Explorer…), оперативни системи (Windows, iOS, Android….) како и екрани со различна резолуција ( компјутер, таблет, мобилен…).

Доколку користите некој од темплејтите кои МКхост Ви ги нуди преку актуелната понуда – Mkhost Premium, тогаш нема причина да се грижите за овој тип на оптимизација на Вашиот веб сајт. Темплејтите се целосно оптимизирани.

3. Сајтот треба да биде лесен за навигација

Можеби еден од најголемите предизвици за веб дивелоперите и дизајнерите е точно постигнувањето на идеална навигација. Еден сајт е лесен за навигација тогаш кога луѓето можат брзо и без многу размислување на ги најдат информациите кои им требаат.

Во спротивно, доколку треба долго време да бараат, тие ќе си заминат и ќе ја побараат информацијата на друго место. Од таа причина лесната навигација е можеби најважната карактеристика на еден веб сајт. Структурата на сајтот треба да биде толку едноставна што секој човек ќе може лесно да најде тоа што му треба без многу кликови.

4. Сајтот треба да има читка содржина

Четвртата многу важна карактеристика на успешните веб сајтови е содржината која е лесна за читање. Повторно, кога ја подготвувате содржината за вашиот веб сајт имајте ги во предвид потенцијалните корисници со различни профили.

Секој од нив треба да ја разбере пораката која сакате да ја пренесите. Затоа треба да внимавате на зборовите кои ги користите. Како ги структуирате речениците. Каква структура има содржината (содржината треба да биде лесна за брзо скенирање и организирана во параграфи).

Користете и боја доколку увидите дека има потреба. Изберете фонт кој нема дополнително да го отежнува читањето. Arial, Verdana и Times се едни од најкористените. Читателите се навикнати на овие фонтови.

5.Сајтот треба да биде корисен за посетителите

Ова е производ на сите претходни карактеристики. Доколку останатите четири карактеристики се соодветно застапени, тогаш неизбежно е сајтот да биде корисен за посетителите.

Со тоа што ќе ги донесете посетителите на веб сајтот преку различни маркетинг стратегии, не значи дека сте ја добиле битката! Нив треба да ги конвертирате во редовни читатели на она што го  нудите. Доколку имаат било каква потешкотија при користење на вашиот веб сајт, нема да размислуваат долго пред да го напуштат.

Има многу други алтернативи на интернет кои ќе им понудат подобро корисничко искуство. Затоа е многу важно да најдете совршен склоп на сите претходни аспекти.

Во моментот кога секој профил на потенцијален клиент, буквално секој, ќе може да пристапи брзо и лесно на вашиот сајт преку било кој пребарувач, уред или оперативен систем и при тоа во неколку секунди да ги најде потребните информации кои ќе може лесно да ги прочита и разбере, тогаш сте направиле веб сајт кој нуди одлично корисничко искуство и бидете сигурни дека задоволните посетители ќе се вратат повторно!

Како до сопствен веб сајт за помалку од 100 евра?

Несомнено е дека во денешната дигитална ера онлајн присуството на компаниите е задолжително. Без разлика на големината и фазата во која тие се наоѓаат. Многу од претприемачите и сопствениците на бизниси веб сајтот го сметаат за трошок, иако подоцна сфаќаат дека тоа е инвестиција која повеќекратно ќе им се исплати со текот на времето.

За еден веб сајт да биде функционален и достоинствено да го претставува Вашиот бизнис 24/7 часа во денот, 365 дена во годината не се потребни илјадници евра. Потребна е само мала самоиницијатива и ќе издигнете сајт за помалку од 100 евра. Да. Добро прочитавте. Во продолжение следуваат кратки инструкции како да го направите сами Вашиот прв веб сајт.

1. Изберете домен

Доменот на интернет е она што претставува адресата на Вашата фирма во реалниот свет. Преку доменот луѓето пристапуваат на Вашиот сајт.

Кога го избирате домен името за Вашиот веб сајт, потрудете се да најдете домен кој ќе ги има следните карактеристики:

Краток и лесен за паметење и пишување, при што треба да се избегнуваат бројки како карактери

Треба да го содржи клучниот збор преку кој би ве барале на интернет (пример: Ако вашата фирма е за продажба на мебел тогаш потенцијалните купувачи најверојатно би пребарувале: Салон за мебел, продажба на мебел и тн… Потрудете се да најдете домен кој би го содржел зборот мебел)

Бидете сигурни дека никој друг претодно не го закупил или заштитил тој домен. Ако веќе имате некоја идеја за домен веднаш проверете дали е слободен и закупете го пред некој друг да го направи тоа.

Изберете соодветна наставка ( .com; .com.mk; .org; .net; .biz и тн.). Наставките имаат свое значење. Пред да ја изберете информирајте се која најдобро соодвествува за Вашиот тип на сајт. На пример .org е за непрофитни организации; .me за блогови и лични сајтови; .info за информативни сајтови и тн.-

Заштитете го доменот. Многу често се случува конкурентите да закупат варијации на Вашиот домен и да ви ги крадат купувачите. Затоа најдобро е да ги закупите сите варијации за кои што сметате дека е веројатно да ги користат Вашите купувачи. На пример ако Вашиот домен е detskipostelnini.com.mk закупете и deckipostelnini.com.mk. Во најдобар случај направете го тоа за .com и .mk наставките. Тоа ќе придонесе и за зајакнување на Вашиот бренд.

2. Изберете соодветен хостинг пакет

Хостингот е простор на интернет каде што стои Вашиот сајт. Пред да се одлучите колкав простор Ви е потребен, добро размислете од каде ќе купите хостинг. За да си ја олесните работата во иднина, откако ќе го подигнете сајтот, изберете хостинг кој е стабилен и компанија која нуди постојана техничка поддршка.

Откако сте одлучни за хостинг снабдувачот време е да изберете хостинг пакет. Од големината на хостинг пакетот ќе зависи и цената. Совет околу кој хостинг пакет да го купите можат да ви дадат луѓето од хостинг снабдувачот. МКхост нуди пакети кои задоволуваат најразлични бизнис потреби. Цените се движат од 240 мкд/мес до 590 мкд/мес зависно од големината на сајтот кој сакате да го хостирате.

3. Веб дизајн

WordPress е платформата на која се прават најголем број на сајтови, од едноставни, па до најсофицстицирани интернет продавници. Едноставна е за користење и со малку креативност може да направите одичен сајт. Инсталацијата на WordPress е бесплатна и може да најдете безброј туторијали и инструкции како тоа се прави. Тука можете да погледнете како тоа се прави брзо и едноставно.

WordPress темата е во суштина најголемиот финансиски издаток кој се прави при креирање на сајт. Нивната цена варира од неколку десетици до стотици евра. Сепак, многу извори нудат и бесплатни теми за WordPress.

Постојат и други опции и платформи со кои може да се изгради целосен веб сајт. Со новата понуда на МКхост, Вие можете да добиете база од повеќе од 10 теми за веб дизајн вклучени во пакет заедно со веб хостинг и домен. Со тоа ќе имате комплетно решение за Вашиот нов веб сајт. Истиот ќе биде со одличен модерен дизајн, респонсивен за сите уреди и лесен на користење.

Со ова, Вие добивате целосен веб сајт кој ќе биде подготвен за работа за неколку минути, за помалку од 100 евра.

 

 

Направи сам сопствен веб сајт за само неколку минути!

 

Колку често си посакувал да направиш сопствен бизнис, или пак да го презентираш она што најдобро го знаеш пред пошироката публика? Правењето на сопствен веб сајт никогаш не било побрзо и поедноставно од денес!

Онлајн присуството во модерното време е неизбежно за сите кои сакаат да бидат забележани од поголем број на луѓе, и истовремено да допрат до наспецифичните таргет групи.

Новата услуга на МКхост, пакетот MKhost Premium е одлична шанса да изградиш целосен веб сајт во само 3 едноставни чекори. Овој пакет обединува 3 основни функции кои се потребни целосно да функционира еден професионален веб сајт, за една единствена цена:

1. База на 10+ веб дизајн темплејти кои одговараат на најразлични бизнис потреби
2. Веб хостинг
3. Бесплатен домен

Пронајди ја твојата идеална форма и избери кој од трите пакети Star, Triangle или Diamond би одговарал најмногу на твоите специфични потреби.

Покрај трите основни функции, MKhost Premium пакетот во својата цена вклучува и дополнителни поволности, како што се SSL сертификат, неограничен број на емаил адреси, постојана корисничка и техничка поддршка, и многу други.

Започни уште сега и направи го твојот сопствен веб сајт во само 3 едноставни чекори. Нарачај веднаш на следниот линк!