Колку младите во Македонија се креативни при изработка на веб сајтови?
Изминатата недела, од 28-ми ноември до 2-ри декември, во просториите на HUB Skopje и под организација на Студентскиот парламент на ФИНКИ, се одржа новото издание на DIGIT (Design and Interactive Graphics in IT).
Темата на овогодинешното издание беше изработка на интерактивни веб сајтови од општествено корисна природа, т.е. community websites (веб сајтови за заедницата). Единаесет тимови ги презентираа своите идеи и замисли околу тоа како истите би требало да изгледаат.
Генералниот заклучок од презентациите беше дека, освен што младите во Македонија треба да продолжат со свое усовршување во полето на web development за секогаш да бидат во чекор со трендовите и новостите, исто така ја покажаа својата креативност на висока ниво.
Победник за годинава беше тимот кој изработи веб сајт за иницијативата #ретвитниоброк. Оваа идеа успеа да ги собере на едно место сите активности кои во моментов се организираат преку социјалната мрежа Twitter, и даде пример како може да се спојат креативноста, интерактивноста и хуманоста.
МКхост беше дел од поддржувачите на овој настан.
