Како до повеќе читатели на твојот блог (2019)

Започнување со свој блог денеска е мошне лесно со платформa како што е WordPress. Но откако ќе го објавиш твојот блог, следниот најголем предизвик е да го зголемиш сообраќајот на твојот веб сајт и да привлечеш што е можно повеќе читатели. Иако квалитетната содржина е причина број еден за успешност на еден блог, постојат повеќе начини како можеш подобро да го оптимизираш твојот веб сајт.

Еве неколку совети со кои што со сигурност ќе го подобриш сообраќајот на твојот блог.

1.Наслови на текстовите

Насловите се нешто прво што го гледаат луѓето. Може да го имаш најдобриот блог пост, ако насловот не ја долови интересната содржина, никој нема да го прочита постот.

Моќен наслов на блогот може да ти донесе многу повеќе прегледи на сајтот, дури и за 500% повеќе. Со толку многу содржина онлајн, само со креативен и уникатен наслов имаш поголеми шанси да привлечеш потенцијални читатели.

До 80% од корисниците може и да не го прочитаат твојот текст доколку насловот не им го привлече вниманието.

Постојат 5 типа на наслови кои што најчесто се користат:

  • Нормални (Начини со кој ќе се подобри посетеноста на твојот блог)
  • Прашање (Што ги привлекува читателите за да го отворат твојот блог?)
  • Како до (Како до повеќе читатели на твојот блог)
  • Број (10 начини како да привлечеш повеќе читатели на твојот блог)
  • Обраќање до читателот (Неколку чекори како твојот блог да го посетуваат повеќе читатели)

Според истражувањата, најголем CTR (click-through rate) имат наслови со карактери помеѓу 90 и 99. Но не секогаш треба да се водиш по овие статистики затоа што насловот треба да има и смисла.

Доколку заглавиш со смислување на крeативен наслов, постојат бесплатни алатки кои може да ти помогнат околу креативниот процес.

 

Според Melanie Duncan, секој наслов треба да содржи 4U елементи:

  • Useful (Корисен)

Оние наслови кои што ќе предизвикаат интерес кај тебе се и оние наслови кои што нудат нешто корисно, најчесто некое решение или совети.

  • Urgent (Итен)

Наслов кој што “брзо” ќе одговори на барањата на читателот.

  • Unique (Уникатен)

Луѓето секогаш сакаат да прочитаат нешто ново. Кога ќе изгуглаат одредена тема, излегуваат постови кои што најчесто се слични еден со друг.  Затоа твојот твојот наслов треба да биде различен, уникатен и да содржи интересни и впечатливи зборчиња што ќе ги натера корисниците да кликнат.

извор: http://www.melanieduncan.com/the-easy-4-u-formula-that-will-compel-readers-to-click-every-time/
  • Ultra-Specific (Ултра-специфичен)

Еден  од начините да го направиш твојот наслов да биде ултра-специфичен е да вметнеш бројки. Пример – 10 начини како да го зголемиш сообраќајот на твојот веб сајт. Овој тип на наслов е популарен и перформира доста добро затоа што читателите знаат точно што добиваат.

2.Квалитетна содржина

Откако насловот ќе ги привлече читателите да го отворат твојот сајт, содржината е следното на кое што треба да обрнеш внимание со цел да ги  задржиш и да сакаат понатаму да доаѓаат на твојата страна. Многу е важно содржината да се планира како и темите што ќе ги обработуваш.

Доколку немаш идеја (не се секирај, им се случува и на најуспешните блогери/ки), најчесто инспирацијата ја бараат по форуми каде што стапуваат во интеракција со други блогери и читатели. Сепак на крај за која тема и да се одлучиш, треба да соодветствува со другите содржини на твојот блог.

Страни од каде што  можеш да се инспирираш за твојата следна содржина:

  • Quora – место каде што може од прашање да дојдеш до следна твоја идеја

  • Ubersuggest  – е алатка со која што преку уникатен клучен збор ќе ти помогне да пронајдеш интересна содржина

  • Answer The Public  – е автоматизирана алатка која ќе ти даде резултати од клучен збор и теми поврзани со она што е пребарано.

 

Постојат различни типови на содржини но според неколку истражувања, оние блогови кои што вклучуваат инфографик, се најсподелувани и најчитани, дури и за 33%. Aко сакаш твојот пост да биде популарен, вметни интересен инфографик каде што статистичките податоци може да ги претставиш на визуелен начин.

За идеи може да ги погледнеш следните страни:

3.  Стара содржина

Од време на време е добро да ги обновиш твоите постари постови. Ако не си сигурен/а кои постари содржини да ги обновиш и дополниш, најдобро ќе видиш од резултатите од google analytics (или од некоја друга алатка ако користиш).

Оние содржини кои претходно биле повеќе читани но поради застареноста на информациите нивната читаност се намалила, освежи ги и објави ги повторно. 

Корисни алатки, покрај Google Analytics,  со кои што можеш да ги анализираш твоите постови:

  • Momently  – бесплатен WordPress plugin кој што за неколку минути можеш да го инсталираш и да ги следиш резултатите.

  • Matomo – аналитички софтвер кој што може да го превземеш и да го инсталираш на твојот сервер.

  • Clicky – уште еден програм кој што е user friendly и лесно се управува.

4. Визуелност на блогот

Изгледот на блогот исто така игра важна улога во зголемување на посетеноста на твојата страна.  Добро средена визуелна содржина го прави блогот полесен и поинтересен за читање.

Според анализата на Canva, постови кои што содржат слики се за 94% попрегледани во однос на оние постови што немаат.

Алатки со кои што ќе можеш да го направиш твојот блог да изгледа визуелно подобро:

  • Canva – бесплатна алатка со која што може да уредуваш и креираш слики за социјални медиуми но и многу повеќе.
  • Snappa  – уште една бесплатна веб апликација која што функционира по метод drag and drop и е лесна за употреба. Дизајните што ги креираш можеш да си ги зачуваш во папка.

  • Animaker – со оваа алатка ќе можеш лесно да креираш и споделуваш видеа.

5. Брзина на сајтот

Времето кое што е потребно за да се отвори твојот веб сајт може да влијае на рангирањето на Google.

Според Google, брзината на отворањето на сајтот е еден од факторите кој влијае на која позиција ќе се најде твојот блог при пребарувања и затоа е важно страната да се отвори најбрзо што може.

Дури 53% од посетите кои што доаѓаат од мобилен телефон ја напуштаат страната доколку  не се отвори за 3 секунди.
Поголема половина од посетителите на блогот очекуваат дека истиот ќе се отвори за 2 секунди.

75% од корисниците брзината ја рангираат како најважна од погледот на UX (user experience).

Алатки со кои може да ја провериш брзината на твојот сајт:

6. Споделување на содржината на социјални медиуми

Последно но не и најмалку важно е споделувањето на содржината на социјалните медиуми.
Денеска социјалните медиуми како Instagram, Facebook или Twitter имаат милиони корисници кои што може да го видат твојот блог доколку користиш правилни алатки и стратегија. Се додека е таргетирана вистинската публика и содржината е релевантна за нив, за кратко време ќе добиеш позитивни резултати.

Секогаш е добро, одвреме на време повторно да ги споделиш твоите постари постови на социјалните мрежи. Така ќе го добијат вистинското внимание и сообраќајот на твојот веб сајт значително ќе се зголеми.

ВИДЕО СЕРИЈАЛ: Направи сам сопствен веб сајт преку WordPress

МКхост објавува бесплатен видео серијал на македонски јазик од едукативен карактер, преку кои чекор по чекор се учи за основите на WordPress и правењето на веб сајт преку оваа платформа. Со овие видеа ќе научиш сам како да ја започнеш својата онлајн приказна, или да го развиеш твојот бизнис во Интернет просторот. Туторијалите се презентирани од страна на Марио Давчевски.

Во првото видео од овој серијал на туторијали ќе се запознаеш подетално со основите и историјатот на WordPress. Зошто WordPress е најкористена платформа за изработка на веб сајтови? Како можеш да направиш сајт со помош на WordPress?

 

Овој серијал е составен од вкупно 8 видеа, а во истите се обработува следната содржина:

Видео 2: Инсталација и работна површина
Видео 3: Како се пишуваат постови?

Видео 4: Креирање на насловна страна
Видео 5: WordPress плагини
Видео 6: WordPress теми
Видео 7: Навигација во WordPress
Видео 8: WordPress апдејти

 

 

 

За да ги добиеш останатите видеа, пријави се БЕСПЛАТНО во формата подолу.

Како до одличен landing page?

Заборавете на почетната страница, односно home page како основен извор на кој вашите потенцијални клиенти треба да конвертираат во активни клиенти. Ефикасната продажба онлајн сè повеќе се насочува преку landing pages.

Што е landing page?

Landing page е посебен дел од веб сајтот, кој не е поврзан директно со останатите содржини. Истиот треба да презентира точно определена содржина за определен бренд/производ и да има точно определена намена.

Таа намена е најчесто отсликана како специјална понуда која треба да привлече одредена публика.

Зошто landing page?

Постоењето на landing page е од клучно значење за привлекување на најтаргетираните корисници и потенцијални клиенти кои би требало да купат одреден производ од Вашиот веб сајт.

Овој landing page се пласира преку точно одредени маркетинг канали кои Вие сметате дека се најсоодветно таргетирани за целната публика која Ви е потребна. За разлика од почетната страница, која привлекува mass appeal публика, landing pages имаат точно дефинирана намена.

На пример, landing page за Вашата нова промоција, или пак landing page за градење на Вашата емаил листа, и слично.

Визуелен идентитет

Многу е важно она што ќе го види посетителот на вашиот landing page да соодвествува на промоцијата што го довела до истиот. Користење на ист дизајн, фонтови и бои е задолжително.

Визуелниот впечаток има огромно психолошко влијание врз посетителите и преставува еден од детерминирачките фактори дали истите ќе извршат конверзија.

Од дизајнерски аспект, значајно е најважната содржина (ударниот наслов и текст и понудата) да бидат пласирани во горниот дел, кој ќе се отвори веднаш штом се кликне на овој landing page, со што корисникот нема да мора да се движи подолу. Отстранување на главното мени и останати линкови е исто така препорачливо, за фокусот на потрошувачот да биде на конкретната понуда.

Влијанието на текстот и содржината

Добрата содржина која привлекува внимание е секогаш добредојдена и од помош. Како што кажавме, ударниот наслов и текст, односно клучната порака на понудата, треба да биде пласирана во горниот дел, односно најприоритетно.

Истите клучни зборови од пораката која ја испраќате, треба да циркулираат во целокупниот пласман на понудата – од промоција, до landing page, па сè до пост продажбата.

Значењето на Call to action

Соодветно call to action копче е исто така еден од важните визуелни моменти. Ова копче се наоѓа веднаш под формата на која корисниците ги оставаат потребните податоци.

„Нарачај веднаш“, „Продолжи“, „Стартувај“… се само дел од кратките и прецизни опции кои може да ги користите како call to action.

Зошто мојот веб сајт изгледа непрофесионално?

Стремењето на секој бизнис е истиот да изгледа на високо ниво. Ако го третирате својот веб сајт како онлајн бизнис, време е континуирано да следите неколку чекори за постојано да бидете сигурни дека имате квалитетен производ.

Тестирање на сите елементи

Како што веќе зборувавме, клучен елемент за успешно лансирање на еден веб сајт е тестирање на сите параметри кои гарантираат квалитетно искуство на Вашите посетители.

Секогаш имајте ја на ум големата слика за тоа каков веб сајт сакате да имате, и која е неговата крајна цел.

Квалитет на содржината

Користење на литературен и граматички точен јазик е една од првите работи која ќе ја забележат посетителите.

Меѓутоа, квалитетот на содржината не се однесува само на користење на професионален речник. Самата содржина и нејзината усогласеност со целокупната визија за Вашиот бренд е од големо значење за тоа каква перцепција ќе имате пред посетителите.

Ангажирање на лектор и копирајтер се пожелни за да ви помогнат при отстранување на ваквите недостатоци. Некогаш и едноставни и ненамерни печатни грешки можат да остават голем непрофесионален впечаток.

Визуелен впечаток

Содржината на крајот е најважниот парамтар за да ги задржите посетителите, но првиот впечаток го остава изгледот на сајтот.

Под визуелниот впечаток, се подразбира сè она што го регистрира нашето око – од дизајнот на веб сајтот, до поставеноста на рекламните банери, како и квалитетот на сликите.

Во денешно време, многу е важно да имате оптимизиран веб сајт, кој ќе изгледа квалитетно, без разлика на кој уред и да се отвори. Користење на оригинални слики, а не купени stock images, исто така ја зголемува професионалноста и го зајакнува брендот.

Недостаток на https://

Безбедноста при пребарување на Интернетот е еден од проблемите и предизвиците со кои глобално се соочува мрежата. Посетителите стануваат сè повнимателни при нивниот онлајн избор.

Протоколот https:// е задолжителен за да имате сајт преку кој ќе се вршат онлајн трансакции. За да го добиете истиот, потребно е да се снабдите со SSL сертификат. Истиот ја гарантира безбедноста на сајтот, а посетителите (и потенцијални клиенти) ќе се чувствуваат посигурно.

Што ги одвлекува посетителите?

Ако не внимавате на некои од погоренаведените елементи, многу е веројатно дека можете да создадете одбивност кај Вашата потенцијална целна публика.

Ова се некои од начините кои статистички е покажано дека можат да наштетат на репутацијата на Вашиот сајт.

Како до поголема продажба?

Ако имате сајт кој се занимава со онлајн продажба, чекорите набројани погоре околу професионалноста дефинитивно мора да ги применувате константно.

Освен тие, постојат и препораки и методи преку кои може да ја зголемите конверзијата (продажбата) и оттука да оставите попрофесионален впечаток пред Вашиот аудиториум.

Како ќе изгледа иднината на Интернетот?

Интернетот, од неговата комерцијализација во раните 1990-ти, па до денес, постојано се менува. Од веб страници кои користат само обичен HTML и CSS, денес сме до фаза кога најраспространети и највредни се апликациите за смарт телефоните кои можеме да ги носиме секаде со нас. Како Интернетот ќе изгледа во претстојните години? Магазинот Forbes има неколку теории околу оваа проблематика.

Информацијата како ресурс со развој на Интернетот добива на сè поголема цена. Веќе на големо се зборува за Интернетот на нештата (Internet of Things – IoT) и неговата улога во нашите секојдевни животи. Моменталните предвидувања се дека истиот комплетно ќе биде имплементиран во следните 15 години. Преку IoT, Интернетот ќе има удел, од фрижидерите кои ги имаме во нашите домови, па сè до паричниците и паричните валути.

Виртуелноста исто така ќе станува сè пореална. Augmented reality со идната генерација на уреди ќе биде поизразена и подостапна за поголема и посеофпатна публика. Google Glass и Microsoft HonoLens веќе ја менуваат средината.

Бизнисите се обидуваат постојано да бидат во чекор со новите технологии и трендови, со цел да ги искористат и најголемите бенефити, бидејќи првите секогаш го собираат „она најдоброто“. Сепак, со константниот развој на мрежата, ќе биде сè потешко адаптирањето.

Во иднина, се смета дека веќе нема да биде потребно постојано конектирање на различни бежични уреди и мрежи. Едноставно, постојано ќе можеме да бидеме конектирани на Интернет од секоја можна светска локација. Што значи, тука веќе зборуваме за светско конектирано Интернет општество.

Најинтересниот факт е, дека Земјата во иднина нема да биде единствена планета која ќе има пристап на Интернет. Во иднина, ако успее планот за посета на Марс, Интернетот ќе биде пресуден за поврзување помеѓу двете планети. Сепак, за да стигне сигналот назад до Земјата, ќе бидат потребни 24 минути.

Начини со кои ги одвлекувате посетителите од вашиот веб сајт

На Интернет секогаш важи правилото „колку поедноставно, толку подобро“. Што мора да избегнувате, за посетителите да не ве избегнуваат вас?

Несоодветни поп-ап елементи

Сигурно и вас ве иритираат автоматските поп-ап елементи (најчесто реклами) кои се појавуваат веднаш штом пристапите на посакуваниот сајт.

Во кои случаи поп-ап може да се употреби како корисна алатка? Најдоброто и соодветно пласирање е за посетителите кои се задржале подолго време (за да се регистрираат за определена листа, или пак да им продадете нешто по промотивни цени)

Нереспонзивен дизајн

Вашиот веб сајт едноставно мора да биде прилагоден да се отвора со нормални димензии и на мобилните уреди.

Студиите во 2016-та покажаа дека 51% од возрасните посетители, пристапуваат преку нивните смартфони, наспроти 42% кои доаѓаат преку десктоп компјутер.

Google во нивните рангирања, сајтовите со респонзивни дизајни почна да ги котира повисоко отколку оние „заостанати во минатото“.

Нападни аудио и видео содржини

Посетителите не сакаат кога се чувствуваат нападнати „нагло“ со непотребни аудио содржини, како и автоматски видеа кои почнуваат со звук.

Овие елементи е најдобро да се поврзат со call to action копче, за самите посетители да ги „натерате“ да ги вклучат и да ги следат со целосно внимание.

Проблеми со брзината

47% од посетителите на Интернет, очекуваат еден веб сајт да се отвори во рок од 2 секунди, а високи 57% би го исклучиле прозорецот, доколку истиот не се конектира за 3 секунди.

Google вели дека сајтовите кои се занимаваат со е-трговија мора да се отворат максимум за 2 секунди. Самиот Google цели кон тоа нивниот сајт да се отвора за помалку од секунда.

Големи слики и видеа, add-on апликации, како и неквалитетен сервер може да предизвикаат вашиот веб сајт да се отвора со проблеми во брзината.

Недостиг на call to action копче

Call to action копчињата се корисни од повеќе аспекти. Го насочуваат посетителот кон она што е важно и за него (да го направи она што го сака) и за сопственикот на веб сајтот (да генерира повеќе конверзии), а исто така даваат и поголема прегледност на дизајнот.

Недостигот на call to action е лошо од дизајнерски аспект, а и го усложнува искуството на посетителот, кој ќе помине повеќе време на сајтот, но веројатно повеќе и никогаш нема да се врати, бидејќи нема да го пронајде она што му е потребно.

Лоша содржина (контент)

Можеби и најважниот елемент од кој дефинитивно нема бегање – вашата содржина секогаш мора да ја држите под контрола.

Со јасна визија и цел – содржината секогаш треба да го отсликува вашиот бренд. Доколку читателите не се поврзат со содржината, целиот ваш труд пропаѓа во вода.

Колку младите во Македонија се креативни при изработка на веб сајтови?

Изминатата недела, од 28-ми ноември до 2-ри декември, во просториите на HUB Skopje и под организација на Студентскиот парламент на ФИНКИ, се одржа новото издание на DIGIT (Design and Interactive Graphics in IT).

digit4

Темата на овогодинешното издание беше изработка на интерактивни веб сајтови од општествено корисна природа, т.е. community websites (веб сајтови за заедницата). Единаесет тимови ги презентираа своите идеи и замисли околу тоа како истите би требало да изгледаат.

Генералниот заклучок од презентациите беше дека, освен што младите во Македонија треба да продолжат со свое усовршување во полето на web development за секогаш да бидат во чекор со трендовите и новостите, исто така ја покажаа својата креативност на висока ниво.

Победник за годинава беше тимот кој изработи веб сајт за иницијативата #ретвитниоброк. Оваа идеа успеа да ги собере на едно место сите активности кои во моментов се организираат преку социјалната мрежа Twitter, и даде пример како може да се спојат креативноста, интерактивноста и хуманоста.

digit3

МКхост беше дел од поддржувачите на овој настан.

 

*Фотографиите се преземени од официјалниот Facebook профил на DIGIT

Како се зајакнува бренд вредноста на еден веб сајт?

Што е она што го прави еден веб сајт со поголема популарност и заработувачка од конкуренцијата? Како и секој друг (допирлив или недопирлив) производ, вредноста зависи од тоа во каков бренд ќе се претвори истиот тој прозивод. Има повеќе параметри како еден производ може да го зајакне сопствениот бренд. Во продолжение погледнете ги клучните.

 

Конзистентност

Еден бренд, пред сè претставува целосна приказна за еден производ. Таа приказна треба да биде конзистентна од визуелен и текстуален аспект кон страна на потрошувачите. Треба точно да се знае што е лого, мисија и визија на еден бренд, кои бои и форми ги отсликуваат вредностите на производот, итн. Целокупното ваше појавување, дали преку основниот веб сајт, или пак преку социјалните мрежи и другите форми на комуникација, треба да биде целосно синхронизирано и да ги отсликува сите овие важни елементи за бренд конзистентноста.

branding

 

Безбедност

Исто како и на постоечки физички локации, така и во онлајн светот посетителите сакаат да се „движат“ на места на кои се чувствуваат безбедно. Популарни методи кои, освен што можат да ви донесат поголема посетеност, ќе успеат да ја зголемат и онлајн продажбата преку вашиот сајт, е додавање на т.н. „trust badges“. Веб просторот сè уште е изложен на голем сајбер криминал, па оттука давање сигурност на потенцијалните клиенти е од големо значење. Според определени истражувања, речиси 61% од посетителите, не прават нарачка, ако не се сигурни во начинот на плаќање.

 

Препораки

Не постои подобар маркетинг од оној кога еден клиент ќе ве препорача на друг, потенцијален клиент. Препораките, или „testimonials“ од постоечки корисници како техника се покажува како успешна кога ќе се имплементира на веб сајт. Секогаш треба да одвоите дел од насловната страница во која ќе прикажете мислења на оние кои најдобро ве знаат. Истражувањата на Kissmetrics покажаа дека додавањето на „testimonials“ може да донесе и до 34% повеќе конверзии (нарачки) преку определен веб сајт.

klienti

 

Еволуција

Постојаната еволуција на производот, воведувањето нови техники и методи за да се подобри грижата за корисниците, и постојано следење на трендовите и нивно имплементирање се од клучен аспект за останување конкурентен во хаотичниот онлајн пазар. Постојано надополнување на содржини и понуди, како и анализирање на потребите на потрошувачите е гаранција дека ќе имате долготрајна и стабилна врска со нив, а вашиот труд ќе се исплати и кон привлекување на нови корисници. Тоа значи и опстојување на пазарот на долг рок.

 

 

Работи на кои треба да внимавате околу веб дизајнот

Веб дизајнот ја има една од најзначајните улоги за еден веб-сајт да биде функционален, препознатлив и ефикасен. Додека убавината на еден веб-сајт од естетска гледна точка е релативна работа, „убавината“ од техничка страна е сет на определени правила и принципи кои треба да се почитуваат за да еден веб-сајт биде навистина добар. На што треба посебно да се внимава?

 

Лесна навигација

Еден посетител на веб-сајт веројатно нема премногу време за да се обидува да ги решава вашите скриени и помалку пристапни елементи. Затоа, што поедноставно, толку подобро. Добрата навигација подразбира добар „проток“ помеѓу вашите страници и линкови.

Издвоеност на менија

Менијата се едни од најпрепознатливите елементи на еден веб-сајт. Независно дали ќе изберете хоризонтално или вертикално поставување, едноставни или сложени, содржината на менијата треба да се создаде спрема потребите кои корисниците ги очекуваат од вашиот онлајн простор.

Лесен за пребарување

Започнувајќи од лесно URL за помнење, продолжувајќи со добро оптимизирани категории, архива на сајтот и да биде добро мапиран.

Прилагодлив за различни пребарувачи

Конкуренцијата помеѓу Интернет пребарувачите е заострена како никогаш досега, а тоа значи дека вашиот веб-сајт треба да биде добро прилагодлив и тестиран за да се отвора подеднакво исто на сите нив.

Прилагоден за search engine и social media оптимизација

Користење на клучни зборови, видливи копчиња за споделување на информациите, уникатност на содржините се само дел од добра оптимизација кога станува збор за пребарувачите и социјалните медиуми.

Избор на правилни бои и фонтови

Тие треба да го отсликуваат вашиот бренд, визија и мисија. Не користете премногу воочливи и јаки бои и фонтови, туку порелаксирачки варијанти кои ќе им се допаѓаат и на вашите посетители.

Број на страници

Никој не сака кога на некоја определена статија треба да се клика „следна страница“ или „читај повеќе“. Тоа можеби ќе ви донесе повеќе читаност на вашите страници на краток рок, но внимавајте, клиентите сакаат да видат повеќе на помалку простор.

 

Мобилна верзија на мојата веб страница – Дали и зошто ми е потребна

Поседување своја веб-страница веќе од поодамна беше неопходно за сите бизнис сопственици, почнувајќи од сопственици на обичен мал бизнис, до сопственици на огромни корпорации. Првин, веб-страница претставуваше дополнителна реклама за вашиот бизнис и место каде што ги поставувавте сите основни податоци за истиот, за да денес прерасне во примарен и еден од највлијателните начини за рекламирање. Како што во минатиот период беше тренд креирањето и постоењето на ваша веб-страница, така денес имањето и креирањето на мобилна верзија на вашата веб-страница е нов тренд потребен за секој бизнис за истиот да биде компетитивен на пазарот.

Факт е дека персоналните компјутери остануваат во минатото. Па, се поставува прашањето, што ги заменува овие машини без кои пред само неколку години не можевме да го замислиме нашето постоење. Дали можеби со доаѓањето на сè помоќните едноставни и лесно преносливи мобилни уреди какви што се паметните телефони, IPADS, Kindles, таблети итн., персоналните компјутери сè повеќе и повеќе се потиснуваат? Доколку го имаме предвид фактот дека денес сите имаат свој мобилен уред, почнувајќи од деца, па сè до возрасни луѓе во поодминати години, како и тоа дека повеќе од 70% од тие мобилни уреди се паметни телефони, како и фактот дека повеќе од 40% од Интернет сообраќајот доаѓа од мобилни уреди, па сè до фактот дека 1/3 од веб-страниците веќе имаат мобилна верзија на својата веб-страница, одговор на претходното прашање е да, мобилните уреди се сериозна конкуренција на персоналните компјутери.

Токму затоа, доколку и вие со вашиот мал и/или голем бизнис сакате да бидете во тек со трендовите, но и да бидете конкурентни на пазарот, треба сериозно да размислите за креирање на мобилна верзија на вашата веб-страница како додаток на вашата desktop веб-страница.

Пред популарноста на таканаречените паметни телефони, ние сè уште можевме да се приклучиме на Интернет преку нашите „не толку паметни“ телефони и да сурфаме. Сепак, таквото искуство беше лошо поради малата брзина и многу побавниот трансфер на податоци, проблем со „сиромашниот“ прелистувач кој единствено беше достапен, а на крај и фактот дека повеќе (над 90%) од веб-страниците не беа оптимизирани за сурфање преку мобилен телефон. Во тие денови, оптимизација на веб-страницата на мобилен уред значеше значително намалување на големината на сликите на веб-страницата, користење на CSS базиран распоред (layouts), за разлика од tables базиран распоред. Едноставно речено, се правеше сè за да се намали големината на потребните податоци кои требаше да се симнат (dowload) кога некој ја отвора вашата веб-страница.

css

  1. Наместо слики, користете што е можно повеќе CSS. Користењето на премногу слики ќе го забави отворањето на вашата веб-страница. CSS податокот е далеку помал од слика.

  2. Користете fluid layout. Ова го препорачуваме од едноставна причина што сите паметни телефони користат различна резолуција. Со користење на fluid layout, веб-страницата може да се намали/зголеми за онолку колку што е потребно за да изгледа онака како што треба.

  3. Користете поголем фонт кој би бил лесно видлив и читлив на малиот екран на паметните телефони.

  4. Користете графички копчиња наместо текстуални линкови, затоа што истите се многу полесни за одбирање. (touch).

  5. Користете HTML5 и/или Javascript/jQuery и сл.

  6. Овозможете едноставна навигација со помалку опции која ќе биде прифатлива (user friendly), едноставна и лесна за употреба од страна на корисникот.

Веќе разбравме што е тоа мобилна верзија на вашата веб-страница и како нештата природно доведоа до нејзино сè поголемо присуство. Па, се поставува прашањето, зошто ми е потребна мобилна верзија на мојата веб-страница. Одговорите се очигледни, а за нив зборуваат фактите:

Сè поголем број од корисниците се мобилни корисници

Повеќе од 3/4 од населението во Македонија користи паметен телефон, а тој број сè повеќе се зголемува. Во наредните неколку години сè повеќе корисници ќе го користат својот мобилен уред отколку својот персонален компјутер или MAC. Па доколку вашите корисници пребаруваат и купуваат преку Интернет, тогаш и вашиот бизнис мора да се придружи на мобилната револуција и да се прилагоди на новиот тренд.

Мобилниот е местото каде што се случува акцијата. Луѓето го носат својот мобилен телефон насекаде и скоро секогаш. Гугл (Google) направи едно истражување коешто покажува дека повеќе од 80% од корисниците на мобилни телефони ги користат своите уреди за пребарување на локални бизниси и повеќе од 3/4 од нив или се јавуваат или ги посетуваат тие мали бизниси дента кога ги пребарувале. Кога луѓето се спремни да преземат одредена акција или пак се заинтересирани за одреден бизнис/купување, тогаш тие ги користат своите мобилни телефони за пребарување кое во голема мера влијае врз нивната одлука. Врз нивната одлука најмногу ќе влијае нивното искуство при пребарувањето на вашата веб-страница. Токму затоа, вашиот бизнис треба да е токму таму каде што е акцијата, а сето тоа е сè повеќе мобилно.

sadmobile

Имањето мобилна верзија на вашата веб-страница ве прави поконкурентни на пазарот

Повеќе од 50% од корисниците на паметни мобилни телефони велат дека многу потешко би соработувале на какво било ниво со компанија која претходно презентирала лошо искуство при пребарувањето на нивната страница преку мобилен уред, а сепак 75% од малите бизниси сè уште немаат мобилна верзија на својата веб-страница.

67% од мобилните корисници кажале дека многу полесно и побрзо ќе одлучат да купат каков било производ/сервис од дадена веб-страница доколку таа е оптимизирана за мобилен телефон. Па, шансите за зголемување на вашиот профит и за напредување пред конкуренцијата се поголеми доколку уште веднаш започнете со планирање на вашата веб-страница.

Корисниците најмногу ја проверуваат вашата веб-страница преку нивните мобилни телефони

Три четвртини од корисниците на паметни телефони прават одлуки околу купување/бизнис врз база на истражувања направени преку нивните мобилни уреди. Токму затоа е многу поважно од кога било да имате мобилна верзија на вашата веб-страница која нуди богати и доволни информации околу вашиот бизнис. Во друг случај сте невидливи за корисниците на мобилни телефони.

shoppingmobile

Мобилниот телефон оди во насока кон начин на кој корисниците во иднина брзо и лесно би нарачувале и купувале

Засега мал дел од корисниците го користат својот мобилен телефон за купување. Ова е случај кај нас, меѓутоа во Америка, само минатата година, корисниците потрошиле преку 20.7 билиони долари купувајќи преку нивниот мобилен телефон. Се предвидува дека овој број сè повеќе и повеќе ќе расте во наредните 5 години, а трендот сè побрзо се приближува и навлегува и кај нас. Притоа, битно е да се напомене дека во просек луѓето кои купуваат онлајн повеќе купуваат преку своите мобилни уреди отколку преку своите персонални компјутери. Токму затоа, не дозволувајте вашата конкуренција да ги украде тие важни потенцијални корисници.

Мобилната верзија на вашата веб-страница ќе носи нови корисници за вашиот бизнис, а со самото тоа и зголемен профит

mkhostincreaseprofit

Доколку се рекламирате на кој било медиум, неопходно е да имате мобилна верзија на вашата веб-страница. Истражувањата на Гугл покажуваат дека корисниците на мобилни телефони кои преку друг медиум ќе видат податоци за одреден бизнис за којшто се заинтересирани, веднаш ги пребаруваат податоците и на Интернет преку својот мобилен телефон. Првиот впечаток е најважен, па токму затоа, не пропуштајте да направите одличен впечаток за вашите потенцијални корисници и оптимизирајте ја вашата веб-страница за мобилни уреди.