Ова е најдобрата одлука која можеш да ја донесеш во наредните 24 часа!

Дали во рок од само еден ден можеш да донесеш правилна одлука?

Денес е вистинското време да започнеш со сопствен онлајн бизнис и да го креираш својот онлајн простор. Интернет сферата расте како никогаш досега, а проценките се дека со забрзан интензитет ќе продолжи да се развива и во иднина.

МКхост денес нуди специјална промоција која важи само во наредните 24 часа, од вторник 30-ти мај 10:00, до среда 31-ви мај 10:00.

Нарачај веб хостинг од МКхост денес и заштеди цели 50%! Приклучи се на #1 хостинг провајдерот и #1 регистрар на домени во Македонија и добиј веб хостинг со 5 GB хостинг простор и најдобра техничка поддршка 24/7, по единствена цена од 2000 денари годишно.

Стартувај го својот веб сајт денес и искористи ја оваа понуда која не смее да се пропушти! Нарачај веднаш на следниот линк!

 

 

Како до подобар веб сајт во новата година?

Секое доаѓање на нова календарска година носи нови предизвици, цели и стратегии. Сега е вистинско време да направите определени промени за вашиот веб сајт со кои ќе го подобрите вашето учество на пазарот.

Зошто токму сега?

Иако секој ден е идеален за да се „сврти нов лист“, колку и да звучи генерички, доаѓањето на новата година е одлична можност вистински да го направите тоа.

Едноставно, календарското мерење на вашите перформанси (од 1-ви јануари до 31-ви декември) е полесно за да ја следите вашата успешност, и истата да ја споредувате со минатиот соодветен период.

 

Следете ги сите трендови кои претстојат

Следењето на маркетинг трендовите ќе направи секогаш да бидете во чекор пред другите и да стекнете конкурентска предност. Треба постојано да бидете во тек со новите иновации и технологии, за први да ги имплементирате на пазарот.

Помеѓу трендовите кои ќе доминираат во 2017-та, се наоѓаат и виртуелната реалност, лајв стриминзите, визуелизацијата на податоци, како и ниш стратегиите.

 

Промени во дизајнот на веб сајтот

Веб дизајнот постојано еволуира со новите технологии. Истиот треба да биде постојано освежуван за да биде во тек со очекувањата на вашите читатели/клиенти и да ги пресретне нивните психолошки карактеристики.

Треба да се биде внимателен од аспекти на различни демографски групи кои го посетуваат вашиот сајт, да се посвети повеќе време во правење на скелетен, односно прогресивен дизајн.

Исто така, време е да се имплементираат новите трендови кога станува збор за shopping cart-от на вашиот веб сајт, a landing page да ви биде #1 лансирачка платформа за продажба, наместо досегашниот home page.

Со вакви промени, низ веќе применети примери, статички е измерен пораст во продажбата.

 

Подобрување на квалитетот на посети

Чистата бројка на посети е сè помалку релевантен показател за успешноста на вашиот веб сајт. Тие посети треба да се претворат во т.н. квалитетни посети, односно ваши потенцијални потрошувачи кои би можело да направат конверзија/нарачка.

За таа цел, треба да направите добра анализа околу вашата целна публика и како да истата да ја претворите во потенцијален квалификуван купувач.

Тука доаѓа моментот кадешто е значајно календарското следење на перформансите. Промената на квалитетот на посети е добро да се следи од повеќе аспекти – месец спрема месец (јануари 2016 спрема јануари 2017), година спрема година и слично.

 

Сигурност на вашиот веб сајт

Сопствениците на веб сајтови сè повеќе време поминуваат во подобрување на сигурноста. Одржувањето на софтверот, постојан back up на податоците, како и користење на безбедни лозинки се „must have“ за вашите корисници да бидат сигурни дека доаѓаат на безбедно место.

SSL сертификатите се исто меѓу најважните за поседување од безбедносен аспект. Истите даваат сигурност за корисниците дека е безбедно да купуваат и да ги споделуваат нивните информации токму на вашето место.

 

Зајакнете ја бренд вредноста

Веб сајтот е продукт кој се пласира пред јавноста, истиот за да биде успешен, треба да добие определена бренд вредност. Истата се стекнува по однос на неколку параметри.

Доколку вашиот веб сајт биде препознатлив како бренд, освен зголемување на продажбата, ќе добиете и поголемо општествено влијание и долгорочно значење во јавноста.

 

Секој трет домен во Македонија е регистриран преку МКхост

Македонската академска истражувачка мрежа МАРнет објави статистики за состојбата на македонскиот пазар на домени. Вкупниот број на активни домени во моментов е 25.479.

Помеѓу 19 регистрари во Република Македонија кои вршат регистрација на домени, МКхост е #1 избор на оние коишто го започнуваат својот онлајн бизнис. Со околу 30% пазарен удел, речиси секој трет регистриран домен во нашата држава е преку МКхост.

marnet1

Најчест избор помеѓу домен наставките кои се регистрираат е токму најкратката и најрепрезентативната за Република Македонија – .mk. Како втора најрегистрирана, веднаш зад неа се најде и .com.mk.

marnet2

Ви благодариме на довербата која ни ја укажувавте во овие 10 години постоење на МКхост. Продолжуваме и понатаму да постоиме за вашите онлајн решенија и потреби.

 

Целосната презентација на МАРнет можете да ја погледнете на следниот линк.

Кое е најскапото домен име во историјата?

Честопати сме пишувале за домен имињата и зголемувањето на нивната вредност пропорционално со растот на Интернетот. Имиња кои што се лесни и едноставни за паметење се во сè помал број, па така што оваа ситуација доведува до раст на „трговија“ со домени.

Доменот Lasvegas.com, во 2005-тата година е продаден на Vegas.com, LLC за иницијални 12 милиони долари. Но, освен овие средства, компанијата е потребно да исплаќа месечни суми сè до 2040-тата година. Кога ќе се додадат сите овие суми, до 2040-та, за користењето на овој домен ќе бидат потрошени 90 милиони долари! Секако, волку голем временски период, вклучува и инфлација и намалување на конечната вредност на целосната сума.

Vegas.com, LLC, по 30-ти јуни оваа година (11 години по потпишувањето на договорот) и 132 првични месечни плаќања, има опција да го терминира договорот и да престане со користење на доменот. Моментално, Vegas.com, LLC исплаќа 208.000 долари месечно. По 2040-та, компанијата комплетно ќе го преземе доменот, без никакви обврски.

Во продолжение, погледнете кои се 10-те најскапо продадени домени, според mostexpensivedomain.name.

 

top10

 

Која е идеалната должина на еден домен?

Дали некогаш сте се запрашале колку максимално долг може да биде еден регистриран домен? Ни помалку, ни повеќе – делот пред екстензијата може да содржи точно 63 карактери. Секако, тоа не значи дека кога ќе отворите веб сајт, треба да регистрирате толку долго име.

Со целокупниот развој на социјалните мрежи, агрегаторите и пребарувачите во изминативе години, директните посети можеби делуваат како да се „фрлени“ во втор план, што доведува до прашањето – Зошто би било значајно името на доменот за еден веб сајт да функционира успешно?

Истото прашање може да се постави и за телефонските броеви. Ги памтиме уште поретко, но имаме телефонски именици. Сепак, сигурно е дека имате барем неколку телефонски броеви кои ги памтите поради нивната едноставност, или пак важност за вас.

Затоа и директната посетеност е од големо значење – на сопственикот на веб сајтот дава сигнал дека – или неговите посетители им е доволно лесен да го запамтат и впишат директно, или е премногу важен за истите.

Тогаш, како може да ги „натерате“ посетителите да се приклучат директно на вашиот сајт? Освен совети од повеќе аспекти околу тоа како да го изберете идеалното домен име, многу е важно да се избере и идеалната должина на домен.

 

Целосно име или кратенка?

Иако генералниот впечаток е дека „помалку е подобро“, не мора секогаш да биде точно тоа. Доколку името на вашата компанија / веб сајт, содржи повеќе зборови (на пример Мојата Прва Компанија), постои опција вашиот домен да биде mojataprvakompanija.mk, што навидум делува како голем број на карактери.

Сепак, поврзаноста на зборовите е лесна за паметење и не би требало да претставува компликација при директно внесување на домен името во пребарувачот. Ако сметате дека името на вашата компанија од повеќе зборови е повеќе препознатливо по својата кратенка (МПК наместо Мојата Прва Компанија), опцијата да го регистирате mpk.mk е исто така разумна.

Секако дека подолг збор за домен од типот на asakeskfkasdfkasdsfd.mk не би имало никаква смисла да се употреби за домен.

 

Проблемот со кратките зборови

Уште минатата година на нашиот блог пишувавме за растечкиот проблем со недостаток на кратки зборови и домени. Дури и гигант како Google се соочува со вакви ситуации, во кои креативноста мора да преовладува, за да може да се решат на што поедноставен начин.

.com (или .mk за македонскиот пазар) не мора секогаш да бидат единствено решение за да се успее во онлајн светот. Би можело да се рече дека домен име како abc.xyz многу полесно е за памтење и пишување отколку alphabet.com.

 

Што велат статистиките?

Околу 10% од регистираните .com домени во 2013-та содржело околу 5-6 карактери, објавува американската компанија Verisign. Меѓутоа, едно просечно домен име содржи 2 збора и околу 12-13 карактери.

Исто така, интересно е дека речиси 95% од комбинациите за .com домени од 5 карактери се и денес достапни. Но, со големиот проблем – најголемиот дел од нив би биле навистина тешки за да се запамтат.

Како функционира доменот?

Денес се чини дека сè е достапно на Интернет – пристапот до најразлични содржини е лесен како никогаш досега, додека распространетоста дозволува да бидеме закачени онлајн од било кое место. А сепак, сè започнува со внесување на домен име.

Сепак, колку што е лесно за нас, толку доменот во позадина претставува еден сложен технолошки процес. Барањето информација која може да се наоѓа било каде е импресивно, но истото не е ништо различно од она што го правиме во секојдневниот живот. Како што за да испратиме физичка порака, или да се сретнеме со нашите пријатели, треба да се повикаме (отидеме) на определена адреса, така и кога нашиот компјутер (client – кој има своја адреса) ќе повика определен друг компјуер (server – кој исто така има своја адреса) доаѓаме до определена информација.

Секој веб-сајт кој функционира преку World Wide Web има специјална адреса, или URL (Uniform Resource Locator). Тој е составен од три елементи: протокол (HTTP – стандардизиран метод за трансфер на податоци преку WWW), име на сајт или домен (на пример mkhost.com.mk), како и назнака за вид на документ (.html, .php, итн).

Интересно е дека, иако во минатото сите веб-сајтови беа промовирани со www како нивен почеток, реалноста е дека тоа истиот нема ништо поважна улога од sub domain, и не мора воопшто ни да се користи.

Но, познато е дека компјутерите комуницираат со бројки, па истите не ни комуницираат со URL адреси. Секој уред конектиран онлајн има сопствена IP адреса со која комуницира со сите останати уреди. Кога ние внесуваме веб-сајт, како mkhost.com.mk, нашиот компјутер праќа барање до DNS (Domain Name System) кој претставува интермедијар и ја поврзува IP адресата со името на домен. Замислете како би изгледало доколку би требало да памтиме и запишуваме најразлични цифри за да пристапиме до определен веб-сајт, како што тоа во минатото го правевме со телефонските броеви?

Затоа, домен имињата добиваат на сè поголема вредност – едноставните и лесно запамтливи ги има во помал и помал број. Токму поради овој факт многу е важно да се бараат нови и креативни начини за имиња и екстензии.

Растот на not-com домените ќе ја зголеми побарувачката

Во август 2015 пишувавме за „револуционерниот“ потег на Google, кој одлучи својата холдинг компанија Alphabet Inc да ја „донесе“ онлајн како abc.xyz. Причината – ни помалку, ни повеќе, е во недостатокот на атрактивни домен имиња. Цитирано од текстот за Alphabet:

Случајот како на Google/Alphabet истакнува еден многу интересен проблем – колку и Интернетот да се чини неограничен, добрите домен имиња на најголемите наставки стануваат сè повеќе зафатени. Тоа ја отвора потребата од алтернативни решенија.

 

Според неодамнешното истражување на The Journal of Real Estate Finance and Economics, токму фактот дека многу атрактивни и лесни dot-com домени се зафатени, овозможило да дојде до пад на побарувачката за домени на светско ниво кое изнесува околу 25% од вкупниот број регистрирани, односно околу 73 милиони домени останале неоткупени.

Вредноста во сајбер-просторот се цени токму според достапноста и едноставноста, односно ништо поразлично од адресите и градовите во реалниот свет. Затоа генеричните и лесни за памтење дот-ком домени станаа предмет на големи бизнис зделки што доведуваат до нивно исцрпување. Од 2007-ма, побарувачката на домени е во пад, додека во истиот тој период препродажбата на домени пораснала за 63%.

Сепак, „спасот“ е во not-com домените, односно разгледувањето на ICANN кон опциите да се почне со популаризирање на домени од типот на dot-hotel или dot-food… Па дури и dot-xyz, како во примерот на Google. Нивниот раст укажува и на фактот дека сè повеќе се вложува во истите.

Најважниот заклучок е дека, колку и опциите да се прошируваат со сите динамични промени кои се случуваат во Интернет сферата, сепак сетот на препознатливи зборови е ограничен од јазичната перцепција на корисниците кои сурфаат. Затоа, креативноста е потребна повеќе од било кога во оваа сфера.

 

Како да го изберам совршеното домен име за мојот веб сајт?

Името на доменот за еден веб сајт е еден од клучните моменти кои го прават вашиот сајт препознатлив. Ако за да стигнете до некоја потребна локација во реалноста ви е потребно да ја знаете адресата или неговата местоположба во просторот, слично важи и за „онлајн локацијата“ до која треба да се пристапи.

Изборот за домен имињата и нивните екстензии стануваат сè поограничени со развојот на Интернетот. Генеричните имиња се во најголем дел искористени, па останува на вашата креативност да направите што попрепознатлива Интернет адреса на која ќе пристапат вашите потрошувачи.

Еве неколку генерални правила и типови кога станува збор за имињата на домени.

 

Изберете име според клучни зборови

Ако веќе имате бизнис, потребно ви е доменот да го отсликува името на вашиот бренд. Доколку започнувате директно со онлајн бизнис, размислете за клучните зборови што би требало да го опишуваат вашиот веб сајт, бизнис или бренд.

Препознатливо и уникатно

Нешто што ќе ве разликува од конкуренцијата и што ќе им биде на ум на вашите потенцијални читатели или клиенти.

Соодветна екстензија

Ако сакате да функционирате на просторот во нашата држава, тогаш веројатно еден од првите избори ќе ви биде екстензијата .mk. Меѓутоа, ако сакате да се проширите глобално, .com сигурно ќе биде посоодветното решение.

Лесно за пишување

Избегнување на тешки и долги зборови, како и бројки. Пократкото е секогаш подобро.

Внимавајте на авторски права

Не регистирајте домени што повредуваат нечија интелектуална сопственост или заштитен бренд.

Регистирајте што побрзо

Како што рековме, изборот на домен имиња станува сè повеќе ограничено. Морате да реагирате брзо ако сакате да го имате вашето посакувано домен име.

Проверете дали е слободен вашиот посакуван домен!

WWW.

Креираш бренд, а користиш @yahoo.com емаил?

Свесноста за поседување професионални емаил адреси се движи во позитивен правец. Оние кои се потрудиле и регистрирале свој домен, отвориле професионални емаил адреси, добиваат поголем кредибилитет и покажуваат ниво на професионалност и сериозност во работењето.

 

Статистика во нагорна линија

Низ текот на годините, често имам средби со претставници на компании и вообичаено си разменуваме визит картички. Имам навика да ги собирам и чувам визит картичките, најмногу поради различноста и креативноста во дизајнот, но често знаат и да бидат корисни и да ми дадат контакт за лицето/компанијата.

Денеска седнав и ги собрав сите визит картички на куп за да проверам колку од нив немаат професионална емаил адреса. За мое изненадување, само 5 од 30 визит картички имаа внесено емаил адреса на @yahoo.com, што е добра статистика за разлика од пред неколку години, кога половина од нив беа со непрофесионални емаил адреси. Ова укажува дека свесноста кај луѓето и компаниите е зголемена и оние кои сакаат да бидат сериозни во работењето сфатиле дека нивното претставување мора да биде со професионални емаил адреси.

 

12698338_10208822100415506_6233688970197231877_o

Како ги перцепирам фирмите со и без професионални емаил адреси?

Најдобри беа оние кои регистрирале и имаат свој компаниски домен и веб сајт, а ставиле емаил адреса на @yahoo.com . Ова едноставно е неприфатливо, а пораката што ја пренесуваат е: да, ние имаме свој домен и веб сајт, но толку многу си ги сакаме нашите стари емаил адреси на @yahoo.com што дури би ги ставиле и на визит картичките. Или можеби имаат креирано професионални емаил адреси, но пуста технологија и промена, кој ќе транзитира сега (така имаат навикнато и имаат голема инерција кон промени).

Оние кои се потрудиле и регистрирале свој домен, отвориле професионални емаил адреси, кај мене добија едно ниво повеќе на професионалност и сериозност. Многу се поголеми шансите да соработувам со овие лица, отколку со оние кои не седнале да размислат и да одвојат малку време и многу мали ресурси за да регистрираат свој домен и креираат емаил адреси.

Ова правило важи за секого, дури и ако се работи за лично брендирање

Живееме во време каде комуникацијата преку емаил е неопходна. Дали се сеќавате на факс машините? Ние пред многу години престанавме да го користиме и бевме бунтовници против факсот како медиум за комуникација. Не сакавме да примаме факс пораки и сите што ни бараа факс ги препраќавме и „учевме“ да пратат емаил. Не е повеќе прифатливо со толку многу социјални медиуми и начини на онлајн комуникација да се користи факс, тоа е веќе минато.

‘Could you fax over a copy?’

‘No, I can’t fax because of where I live’

‘Where do you live?’

‘The 21st century’

Често ми се случува да добијам емаил од некој експерт, но кога ќе видам дека ми пишал од некоја си емаил адреса од типот: glushec981@yahoo.com , веднаш неговата експертиза паѓа во вода и го губи целиот кредибилитет за кој тој пишува во емаилот. Истото се случува и со @hotmail.com , едноставно изгледа како да сте заглавени во деведесетите со користење на вакви емаил адреси.

Единствен исклучок би било користење на @gmail.com емаил адреса, но само доколку ја користите како ime.prezime@gmail.com , a не повторно belogluvche@gmail.com .

 

12716281_10208822100455507_6946813262042852785_o

Како да се променат старите навики?

Ако сакате со некого да направите контакт преку емаил за соработка, тогаш мора да ја користите вашата професионална бренд емаил адреса и да комуницирате преку неа.

Дури, може само да регистрирате домен име, да креирате една емаил адреса и да направите редирекција до вашиот приватен емаил. Не мора веднаш да направите голема промена.

Покрај тоа што ќе ви се зголеми професионалноста и кредибилитетот во претставување на вашата компанија, користење на професионални емаил адреси ќе придонесе кон поголемо задоволство кај вашите клиенти и самите вработени. Нашето сметководство до пред некоја година не користеше професионални емаил адреси и нивните вработени користеа една заедничка емаил адреса.

Процесот на комуникација беше многу отежнат и секогаш мораше да се прават неколку телефонски разговори, а многу често и лично да се оди кај нив за достава на документи. Сега, секој нивен вработен си има професионална емаил адреса со нивното име и домен од нивната компанија и комуникацијата оди глатко и брзо.
Точно знаеме на кој вработен да му пишеме и по потреба да скенираме одреден документ и да го пратиме до неговиот компански емаил, но сега е лесно кога сите вработени си имаат свој дедициран емаил од нивната компанија.

Што мислите која личност остава повеќе почит и кредибилитет, оној кој на својата визит картичка има оставено професионална емаил адреса или оној кој пишал: glushce981@yahoo.com ?

Сеуште немате професионална емаил адреса? Направете го вистинскиот чекор.

WWW.

Корисниците на Ехост стануваат дел од семејството на МКхост

Најголемиот македонски веб хостинг провајдер и регистрар на домени МКхост го проширува своето семејство на задоволни корисници. На 15-ти август 2015, ВЕБ КОНСАЛТИНГ ДООЕЛ (Ehost.mk) и МКХОСТ ДООЕЛ склучија договор со кој поради подобрување на услугите за веб хостинг, домени и техничка поддршка околу истите, досегашните клиенти на Ехост стануваат дел од МКхост.

 

Новите корисници ќе мигрираат постепено во текот во наредните 30 дена, период во кој нема да имаат никаков прекин на хостинг услугите. Миграцијата нема да предизвика никаков дополнителен трошок за клиентите. Откако ќе бидат официјално префрлени, ќе бидат контактирани по телефон и преку електронска пошта од страна на МКхост за да бидат информирани за новиот начин на пристап до услугите (контролен панел, корисничко име, лозинки…). До истекот на моменталниот договор, корисниците ќе продолжат со истите услови како и досега во Ехост, истовремено добивајќи подобри услуги, вклучувајќи и беспрекорна техничка поддршка во секое време.

Ехост е втора компанија која своите корисници ги има префрелно во МКхост, откако во 2012-та беше приклучен Пинарт Хост.

МКхост годинава го одбележува своето 10-годишно постоење, период во кој се наметна како лидер на хостинг и домен пазарот во Република Македонија. Едноставната регистрација, добрите понуди прилагодени за различниот тип на корисници, како и постојаната професионална и ефикасна техничка поддршка се причините поради кои МКхост стана препознатлив македонски бренд.

Им посакуваме топло добредојде на сите нови корисници. Oва се прашањата кои веројатно сега ги поставувате, па уште на старт можеме да ви разјасниме голем дел од вашите дилеми.

Што е МКхост?

МКхост е најголемиот македонски веб хостинг и домен провајдер во Република Македонија кој постои од 2005-та година.

Зошто моите досегашни услуги се префрлаат во МКхост?

Ехост на ваков чекор се одлучи поради подобрување на услугите на постоечките корисници.

Што ќе добијам со префрлањето на досегашните услуги во МКхост?

Помеѓу другото, нашите главни предности се хостирање на брзи и оптимизирани веб сајтови, постојана професионална техничка поддршка, безбедност на информации и професионални емаил адреси.

Дали моите услуги остануваат под истите услови како и досега?

До истекот на постоечкиот договор, условите остануваат потполно исти, со подобрување на услугите, вклучувајќи ја и техничката поддршка.

Што вклучува техничката поддршка во МКхост?

24/7 достапност на тимот за сите ваши прашања, а дополнително како достапна ја имате и онлајн базата на знаење.

Од сега натаму, кого ќе треба да го контактирам за услугите?

Од сега натаму, МКхост ќе биде тука за да ви помогне во решавањето на сите ваши проблеми и прашања.

Од сега, каде ќе треба да плаќам за моите услуги?

Од сега натаму, сите ваши плаќања за обнова на услугите ќе ги вршите преку МКхост.

Какви промени ќе се случат со миграцијата од технички аспект?

Веб хостингот и доменот ќе бидат префрлени во МКхост. Корисничкото име и лозинката за пристап до хостинг account-от ќе бидат променети (поради безбедносни причини) и испратени на вашиот емаил.