Како до повеќе читатели на твојот блог (2019)

Започнување со свој блог денеска е мошне лесно со платформa како што е WordPress. Но откако ќе го објавиш твојот блог, следниот најголем предизвик е да го зголемиш сообраќајот на твојот веб сајт и да привлечеш што е можно повеќе читатели. Иако квалитетната содржина е причина број еден за успешност на еден блог, постојат повеќе начини како можеш подобро да го оптимизираш твојот веб сајт.

Еве неколку совети со кои што со сигурност ќе го подобриш сообраќајот на твојот блог.

1.Наслови на текстовите

Насловите се нешто прво што го гледаат луѓето. Може да го имаш најдобриот блог пост, ако насловот не ја долови интересната содржина, никој нема да го прочита постот.

Моќен наслов на блогот може да ти донесе многу повеќе прегледи на сајтот, дури и за 500% повеќе. Со толку многу содржина онлајн, само со креативен и уникатен наслов имаш поголеми шанси да привлечеш потенцијални читатели.

До 80% од корисниците може и да не го прочитаат твојот текст доколку насловот не им го привлече вниманието.

Постојат 5 типа на наслови кои што најчесто се користат:

  • Нормални (Начини со кој ќе се подобри посетеноста на твојот блог)
  • Прашање (Што ги привлекува читателите за да го отворат твојот блог?)
  • Како до (Како до повеќе читатели на твојот блог)
  • Број (10 начини како да привлечеш повеќе читатели на твојот блог)
  • Обраќање до читателот (Неколку чекори како твојот блог да го посетуваат повеќе читатели)

Според истражувањата, најголем CTR (click-through rate) имат наслови со карактери помеѓу 90 и 99. Но не секогаш треба да се водиш по овие статистики затоа што насловот треба да има и смисла.

Доколку заглавиш со смислување на крeативен наслов, постојат бесплатни алатки кои може да ти помогнат околу креативниот процес.

 

Според Melanie Duncan, секој наслов треба да содржи 4U елементи:

  • Useful (Корисен)

Оние наслови кои што ќе предизвикаат интерес кај тебе се и оние наслови кои што нудат нешто корисно, најчесто некое решение или совети.

  • Urgent (Итен)

Наслов кој што “брзо” ќе одговори на барањата на читателот.

  • Unique (Уникатен)

Луѓето секогаш сакаат да прочитаат нешто ново. Кога ќе изгуглаат одредена тема, излегуваат постови кои што најчесто се слични еден со друг.  Затоа твојот твојот наслов треба да биде различен, уникатен и да содржи интересни и впечатливи зборчиња што ќе ги натера корисниците да кликнат.

извор: http://www.melanieduncan.com/the-easy-4-u-formula-that-will-compel-readers-to-click-every-time/
  • Ultra-Specific (Ултра-специфичен)

Еден  од начините да го направиш твојот наслов да биде ултра-специфичен е да вметнеш бројки. Пример – 10 начини како да го зголемиш сообраќајот на твојот веб сајт. Овој тип на наслов е популарен и перформира доста добро затоа што читателите знаат точно што добиваат.

2.Квалитетна содржина

Откако насловот ќе ги привлече читателите да го отворат твојот сајт, содржината е следното на кое што треба да обрнеш внимание со цел да ги  задржиш и да сакаат понатаму да доаѓаат на твојата страна. Многу е важно содржината да се планира како и темите што ќе ги обработуваш.

Доколку немаш идеја (не се секирај, им се случува и на најуспешните блогери/ки), најчесто инспирацијата ја бараат по форуми каде што стапуваат во интеракција со други блогери и читатели. Сепак на крај за која тема и да се одлучиш, треба да соодветствува со другите содржини на твојот блог.

Страни од каде што  можеш да се инспирираш за твојата следна содржина:

  • Quora – место каде што може од прашање да дојдеш до следна твоја идеја

  • Ubersuggest  – е алатка со која што преку уникатен клучен збор ќе ти помогне да пронајдеш интересна содржина

  • Answer The Public  – е автоматизирана алатка која ќе ти даде резултати од клучен збор и теми поврзани со она што е пребарано.

 

Постојат различни типови на содржини но според неколку истражувања, оние блогови кои што вклучуваат инфографик, се најсподелувани и најчитани, дури и за 33%. Aко сакаш твојот пост да биде популарен, вметни интересен инфографик каде што статистичките податоци може да ги претставиш на визуелен начин.

За идеи може да ги погледнеш следните страни:

3.  Стара содржина

Од време на време е добро да ги обновиш твоите постари постови. Ако не си сигурен/а кои постари содржини да ги обновиш и дополниш, најдобро ќе видиш од резултатите од google analytics (или од некоја друга алатка ако користиш).

Оние содржини кои претходно биле повеќе читани но поради застареноста на информациите нивната читаност се намалила, освежи ги и објави ги повторно. 

Корисни алатки, покрај Google Analytics,  со кои што можеш да ги анализираш твоите постови:

  • Momently  – бесплатен WordPress plugin кој што за неколку минути можеш да го инсталираш и да ги следиш резултатите.

  • Matomo – аналитички софтвер кој што може да го превземеш и да го инсталираш на твојот сервер.

  • Clicky – уште еден програм кој што е user friendly и лесно се управува.

4. Визуелност на блогот

Изгледот на блогот исто така игра важна улога во зголемување на посетеноста на твојата страна.  Добро средена визуелна содржина го прави блогот полесен и поинтересен за читање.

Според анализата на Canva, постови кои што содржат слики се за 94% попрегледани во однос на оние постови што немаат.

Алатки со кои што ќе можеш да го направиш твојот блог да изгледа визуелно подобро:

  • Canva – бесплатна алатка со која што може да уредуваш и креираш слики за социјални медиуми но и многу повеќе.
  • Snappa  – уште една бесплатна веб апликација која што функционира по метод drag and drop и е лесна за употреба. Дизајните што ги креираш можеш да си ги зачуваш во папка.

  • Animaker – со оваа алатка ќе можеш лесно да креираш и споделуваш видеа.

5. Брзина на сајтот

Времето кое што е потребно за да се отвори твојот веб сајт може да влијае на рангирањето на Google.

Според Google, брзината на отворањето на сајтот е еден од факторите кој влијае на која позиција ќе се најде твојот блог при пребарувања и затоа е важно страната да се отвори најбрзо што може.

Дури 53% од посетите кои што доаѓаат од мобилен телефон ја напуштаат страната доколку  не се отвори за 3 секунди.
Поголема половина од посетителите на блогот очекуваат дека истиот ќе се отвори за 2 секунди.

75% од корисниците брзината ја рангираат како најважна од погледот на UX (user experience).

Алатки со кои може да ја провериш брзината на твојот сајт:

6. Споделување на содржината на социјални медиуми

Последно но не и најмалку важно е споделувањето на содржината на социјалните медиуми.
Денеска социјалните медиуми како Instagram, Facebook или Twitter имаат милиони корисници кои што може да го видат твојот блог доколку користиш правилни алатки и стратегија. Се додека е таргетирана вистинската публика и содржината е релевантна за нив, за кратко време ќе добиеш позитивни резултати.

Секогаш е добро, одвреме на време повторно да ги споделиш твоите постари постови на социјалните мрежи. Така ќе го добијат вистинското внимание и сообраќајот на твојот веб сајт значително ќе се зголеми.

Што е важно за интернет маркетингот во 2019-та?

Интернет маркетингот продолжува да се менува секоја година. Неговиот раст станува сѐ поголем, трендовите се менуваат брзо… Се чини дека постојано се случува и појавува нешто ново во ова поле.

Но што е она на што треба да се фокусираш во претстојната 2019-та? Ова е нашиот топ 5 избор за годинава.

Твојот веб сајт е важно место

Често се поставува прашањето дали за еден бизнис е важно поседувањето на сопствен веб сајт во ерата на социјални мрежи. Одговорот е секогаш „да“, од причина што контролирањето на својот сопствен простор е поважно од било кога.

Секако дека социјалните мрежи помагаат во распространувањето на твојот бизнис, како и содржините што се пласирани преку твојот сајт. Меѓутоа, мора да се внимава на алгоритмите кои постојано се менуваат од страна на социјалните мрежи, и кои може драстично да влијаат на досегот до публиката.

Презентацијата на твојот продукт токму како што ти го замислуваш е исто така една од поволностите кога имаш сопствен веб сајт, без никакви ограничувања.

Транзиција во демографиите на социјалните мрежи

Она на што особено мора да се внимава во наредниот период е да се следи трендот на користење на социјалните мрежи од страна на корисниците.

Facebook е сѐ уште на врвот со повеќе од 2,2 милијарди корисници, меѓутоа факт е дека возраста на еден просечен корисник на Facebook станува сѐ поголема. Во САД, 41% од корисниците на Facebook имаат над 65 години!

За среќа на Facebook, оваа компанија го поседува и Instagram, кој минатата година веќе надмина 1 милијарда корисници. Она што е важно е дека од тие корисници 31% се помеѓу 18 и 24 години, а 30% помеѓу 25 и 34 години.

Оваа демографија секогаш била најпосакувана помеѓу огласувачите, бидејќи истата е најкомпетитивна за привлекување на публика за производи и брендови кои се на почетокот на своето постоење. Затоа, подемот и атрактивноста на Instagram не смее да се игнорираат.

Вештачката интелигенција и онлајн бизнисите

Со проценките дека над 2,5 милијарда корисници на интернет имаат профил на некоја од социјалните мрежи, користењето на artificial intelligence (AI) во овој сегмент станува од круцијално значење за растот на бизнисите онлајн.

Преку вештачката интелигенција, користењето на базите на податоци и нивното разбирање е уште полесно, а истото тоа може да се искористи за предвидување на однесувањето на корисниците. Во моментов, едни од најпознатите примери се Lookalike Audiences за Facebook реклами, како и Similar Audiences на Google Ads.

Употребата на AI како во изминативе, така и во наредните години ќе ја усовршува ideal buying persona за твоите онлајн потреби. Проценките се дека до 2035-тата година вештачката интелигенција ќе ја зголеми онлајн продажбата за цели 38%.

Содржина која „исчезнува“

Експеримент направен во 1957-ма година во кино во Њу Џерси, се смета за еден од пионерите во полето на сублиминалниот маркетинг и т.н. product placement. На публика од 45.699 посетители во киното, во определен момент од гледање на филмските проекции им се пуштани флеш реклами од 0.03 секунди на кои било испишано „Земи пуканки“ и „Пиј Coca-Cola“.

Психологот кој го има спроведено експериментот тврди дека отпосле во истото кино, продажбата на пуканки се има зголемено за 57,5%, а на Coca-Cola за 18,1%.

Се чини дека популарните т.н. stories кои се достапни на најголемите социјални мрежи (најпопуларни се Facebook, Instagram и Snapchat) се идеални за пласирање на кратки пораки кои ќе останат во меморијата на публиката која веќе е заинтересирана за твојот производ.

Една од најголемите причини за популарноста на овие т.н. stories е и „стравот од пропуштање“ (fear of missing out) поради нивното брзо исчезнување. Се очекува дека ваквиот канал на комуникација ќе продолжи да биде уште поинфулентен во 2019-та.

Градење доверба

Еден од најважните моменти на кој секој што поседува онлајн бизнис треба да внимава, посебно во периодот кој претстои, е градењето на долготрајна релација и доверба со своите клиенти.

Последните контроверзии кои излегоа од начинот на користење на податоците на интернет, а потоа и имплементацијата на GDPR во текот на 2018-та година, се чини дека ја подигнаа свесноста кај обичниот интернет корисник на повисоко ниво.

Тоа значи дека  твојот онлајн бизнис треба да биде настроен кон поголема транспарентност и да биде повеќе персонализирано насочен кон твоите корисници.

Како да направам веб сајт со кој ќе имам одлична продажба?

Го направивте вашиот веб сајт преку кој сакате да нудите онлајн продажба. Што е следно? Како да ги привлечете првите клиенти, и како органски да ја зголемите продажбата со текот на времето?

Едноставно пронаоѓање

Првиот услов за да функционира успешно еден онлајн бизнис е неговото лесно и едноставно пронаоѓање во целокупниот интернет „хаос“. Еден од начините како да направите препознатлив интернет бренд е во избирање на соодветно домен име  кое ќе ја отсликува визијата за проектот кој го водите.

Одржување на квалитетна SEO оптимизација и онлајн маркетинг ќе направи вашите таргетирани потрошувачи да ве пронајдат вас, наместо вие да ги барате нив. Тоа на долг рок ќе ви донесе многу позитивни резултати и зголемување на конверзиите и продажбата органски и постепено.

Секако дека и изборот на квалитетен веб хостинг има голем удел во успешноста на еден веб сајт, особено на оние кои се занимаваат со e-commerce. Брз и оптимизиран веб сајт кој има постојана достапност е гаранција дека вашите посетители ќе останат подолго време на вашиот сајт, а оттука се зголемуваат и шансите тие да конвертираат во клиенти.

Процесот на нарачка

Ги донесовте потенцијалните клиенти на сајтот. Што е следно? Секако, да ги убедите да конвертираат, односно да купат преку вас. Основниот начин е посетителите да ги донесете на добро организиран сајт.

Слично како и купувањето во физичка продавница, така и онлајн продавниците бараат своевидна добра организираност. Почнувајќи од самиот дизајн кој треба да биде лесен и едноставен за користење, понатаму целиот процес на нарачка треба да биде гарант за потенцијалниот клиент да стекне сигурност во вашиот бренд.

Овозможете детални описи и слики за сите производи кои ги нудите, со што потенцијалите купувачи ќе бидат сигурни дека тоа што го нудите, тоа и ќе го добијат. Сертификати за сигурност и поголем избор во начините на плаќање се исто така задолжителни.

Дизајнот е од особено значење

Технологиите и трендовите кога станува збор за веб дизајнот постојано еволуираат.  Потребно е постојано да се биде чекор за тоа што го привлекува човековото внимание, доколку сакате да бидете достапни и да одговарате на современите потреби.

Постојат повеќе трикови како веб сајтот постојано да изгледа совршено, почнувајќи од респонзивен дизајн кој ќе биде едноставен за користење на сите уреди истовремено. Потоа, обрнете внимание на користењето на landing pages, тактиката на скелетен дизајн, како и многу останати функционалности кои ги нуди новата технологија.

Кои се интернет маркетинг трендовите за 2018?

Интернет маркетинг е можеби најдинамичната гранка во маркетингот воопшто. Постојано се раѓаат нови трендови со голем потенцијал за еволуција во иднина. Се верува дека 2018 година ќе го зголеми значењето на интернет маркетинг трендовите кои ги наследи од 2017, но исто така ќе донесе и новитети кои ќе постават нови предизвици за интернет маркетерите.

Следуваат неколку од нив за кои сметаме дека ќе имаат големо значење во годината што следи.

1. Податоци. Многу податоци.

Манипулацијата и користењето на податоците кои ги нуди интернетот од секогаш биле на врвот на листата. Интересен е фактот што приближно ⅓ или 6 милиони девелопери работат на проекти поврзани со Big Data. Што би требало да сигнализира дека : Big data is getting Bigger!

Разликата е тоа што сега податоците се полесно достапни и во поголема мера. Вообичаено големите компании се тие кои располагаа со така наречената Big Data, сега достапна и за малите бизниси. Користејќи ја истата, тие можат многу полесно и пооправдано да носат одлуки во полето на интернет маркетингот.

2. Паметни спикери

Многу неочекувано, во 2017 индустријата за паметни спикери направи невиден бум. Луѓето стануваат понаклонети кон користењето на овие уреди во секојдневниот живот. Гласовното пребарување на производи, услуги, информации итн преку паметните спикери станува почеста појава, на која секако, ќе треба да се прилагодат и маркетерите доколку сакаат успешно да комуницираат со своите купувачи.

Факт е дека 20 милиони уреди со можност за гласовно управување се веќе продадени во минатата година, а се очекува до 2022 бројката да покрие 55% од домаќинствата во САД. Доволна бројка за сите маркетери да стават нов предизвик на листата за оваа година.

3. Огласување преку мобилни апликации

Иако мобилните апликации не се новитет во интернет маркетингот, се очекува во 2018 трендот на огласување преку овој канал да покаже нагорна линија. Ова се темели на статистиките дека луѓето во зголемен број користат мобилни апликации како мапи, апликации за следење на транспорт, недвижнини итн.

Очекуваме годинава поголем дел од буџетот за огласување на интернет да припадне токму на закупот на огласен простор преку мобилни апликации.

4. Native Advertising и Smart content

До 2021 се очекува повеќе од 74% од приходот остварен од огласи да припадне токму на овој тип на огласување. Имено Native Advertising се разликува од обичното банерско огласување по тоа што огласите (банери, видеа) се прилагодени на изгледот на платформата за огласување.

Па така огласите не предизвикуваат револт и одбивност кон самата платформа и огласувачот. Единствениот ,,проблем“ за маркетерите е тоа што ќе треба да прават посебни огласи за секоја платфрма со цел огласот да се вклопи најдобро што може во изгледот на платформата (оттука потекнува и називот native ads).

5. Micro-moments

Според објаснувањата на Google micro-moments се оние моменти кога луѓето го користат мобилнот уред за да се информираат, да посетат, да направат или да купат нешто.

Во 2018, оние бизниси кои ќе бидат соодветно подготвени да ги пресретнат купувачите во секој од овие моменти, ќе бележат најголем потенцијал за успех. Ваквото огласување бара длабоко демографско познавање на таргет групата како и добро подготвена стратегија за мобилно огласување.

Но, со сите достапни алатки за интернет маркетинг, подготовката за ваков тип на маркетинг се очекува да биде значително олеснета.

6. Содржина

Содржината како стратегија од секогаш имала посебно место. Но, веќе се јавува проблем на презаситеност. Секој бренд кој има веб страна, креира содржина која ја промовира по социјалните медиуми, со што веќе публиката станува презаситена од оваа борба на брендовите за видливост и присутност.

Сметаме дека 2018 ќе биде година кога маркетерите ќе се преориентираат кон оние веб страни кои веќе имаат достигнато високо ниво на видливост и авторитет во дејноста, со цел да го искористат потенцијалот на нивната публика и репутацијата.

7. Еден на еден комуникација

Интернетот е голем, но за многумина и хаотичен. Затоа, голем дел од луќето преферираат директна, персонализирирана комуникација со брендот.

Реално, ваков тип на комуникација за големи компании е невозможна, затоа како поефикасен метод се користат chatbots. Трендот на нивно користење станува се позасилен со оглед на тоа дека се поголем број купувачи преферираат директна комуникација, се очекува до крајот на 2018 овој тип на автоматизација на комуникацијата да стане ,,рутина“.

 

Ова не се единствените трендови кои се очекува да забележат посебен раст во 2018. Индустријата е прилично динамична и непредвидлива, затоа будно следете ги промените.

Ова е најдобрата одлука која можеш да ја донесеш во наредните 24 часа!

Дали во рок од само еден ден можеш да донесеш правилна одлука?

Денес е вистинското време да започнеш со сопствен онлајн бизнис и да го креираш својот онлајн простор. Интернет сферата расте како никогаш досега, а проценките се дека со забрзан интензитет ќе продолжи да се развива и во иднина.

МКхост денес нуди специјална промоција која важи само во наредните 24 часа, од вторник 30-ти мај 10:00, до среда 31-ви мај 10:00.

Нарачај веб хостинг од МКхост денес и заштеди цели 50%! Приклучи се на #1 хостинг провајдерот и #1 регистрар на домени во Македонија и добиј веб хостинг со 5 GB хостинг простор и најдобра техничка поддршка 24/7, по единствена цена од 2000 денари годишно.

Стартувај го својот веб сајт денес и искористи ја оваа понуда која не смее да се пропушти! Нарачај веднаш на следниот линк!

 

 

Како до одличен landing page?

Заборавете на почетната страница, односно home page како основен извор на кој вашите потенцијални клиенти треба да конвертираат во активни клиенти. Ефикасната продажба онлајн сè повеќе се насочува преку landing pages.

Што е landing page?

Landing page е посебен дел од веб сајтот, кој не е поврзан директно со останатите содржини. Истиот треба да презентира точно определена содржина за определен бренд/производ и да има точно определена намена.

Таа намена е најчесто отсликана како специјална понуда која треба да привлече одредена публика.

Зошто landing page?

Постоењето на landing page е од клучно значење за привлекување на најтаргетираните корисници и потенцијални клиенти кои би требало да купат одреден производ од Вашиот веб сајт.

Овој landing page се пласира преку точно одредени маркетинг канали кои Вие сметате дека се најсоодветно таргетирани за целната публика која Ви е потребна. За разлика од почетната страница, која привлекува mass appeal публика, landing pages имаат точно дефинирана намена.

На пример, landing page за Вашата нова промоција, или пак landing page за градење на Вашата емаил листа, и слично.

Визуелен идентитет

Многу е важно она што ќе го види посетителот на вашиот landing page да соодвествува на промоцијата што го довела до истиот. Користење на ист дизајн, фонтови и бои е задолжително.

Визуелниот впечаток има огромно психолошко влијание врз посетителите и преставува еден од детерминирачките фактори дали истите ќе извршат конверзија.

Од дизајнерски аспект, значајно е најважната содржина (ударниот наслов и текст и понудата) да бидат пласирани во горниот дел, кој ќе се отвори веднаш штом се кликне на овој landing page, со што корисникот нема да мора да се движи подолу. Отстранување на главното мени и останати линкови е исто така препорачливо, за фокусот на потрошувачот да биде на конкретната понуда.

Влијанието на текстот и содржината

Добрата содржина која привлекува внимание е секогаш добредојдена и од помош. Како што кажавме, ударниот наслов и текст, односно клучната порака на понудата, треба да биде пласирана во горниот дел, односно најприоритетно.

Истите клучни зборови од пораката која ја испраќате, треба да циркулираат во целокупниот пласман на понудата – од промоција, до landing page, па сè до пост продажбата.

Значењето на Call to action

Соодветно call to action копче е исто така еден од важните визуелни моменти. Ова копче се наоѓа веднаш под формата на која корисниците ги оставаат потребните податоци.

„Нарачај веднаш“, „Продолжи“, „Стартувај“… се само дел од кратките и прецизни опции кои може да ги користите како call to action.

Значење на емаил листите за градење на онлајн бренд

Еден од најзначајните фактори за раст на онлајн бизнисите е преку методот на емаил маркетинг, односно со градење на емаил листи. Со помош на овие листи, може на едно место да ги соберете сите потенцијални и активни клиенти. Потенцијалните се оние кои треба да ги убедите да го купат Вашиот производ, додека активните треба да ги информирате за сите дополнителни услуги од кои може да остварувате дополнителни приходи.

Како се градат емаил листи?

Не е едноставно да убедите потенцијални клиенти да се приклучат на Вашата емаил листа. Кога определен бизнис бара определена целна публика да направи subscribe на емаил листа, корисниците веднаш ќе помислат дека тоа го правите исклучиво поради маркетинг цели и дека ќе бидат постојано „спамирани“ со промоции и реклами.

Затоа, многу е важно да дефинирате вредност за корисниците, односно тие да се регистрираат на листата поради точно определена содржина. На пример – специјален попуст за членовите, онлајн курсеви, бесплатни книги или слично.

Пласирање

Едно од најсуштинските прашања е – На кои места да се пласира форма за регистрирање (subscribe) на емаил листата, а во исто време да не биде нападна?

Еден од начините е преку поп-ап прозорец, кој би се појавил ако некој корисник доволно долго пребарува на Вашиот веб сајт (на пример, по 30-тата секунда од посетата), односно некој кој е доволно заинтересиран за содржините кои ги гледа на сајтот.

Исто така, пласирање на формата под текстови на Вашиот блог пост е исто така тактика која може добро да функционира, особено ако емаил листата ви е за едукативни цели.

Употреба

Еден од најефикасните начини како да изградите квалитетна и долгорочна листа е да ја употребувате за едукативни цели.

Статистиките покажуваат дека корисниците приклучени на Вашата емаил листа повеќе кликаат на едукативни наслови на маилови, односно оние од кои можат да научат нешто и ќе добијат повеќе информации, отколку на маилови во кои во насловот доминираат попусти и промоции.

Контактирање

Кога е најдоброто време да им се испраќаат маилови на корисниците? Препорачливо е да се испраќаат маиловите во текот на работните часови, околу 10 до 14 часот.

Колку често? Тоа е прашање кое Вие најдобро ќе знаете да го одговорите, така што постојано ќе ги тракирате перформансите. Дали преголемата количина на испратени маилови ќе предизвика многу откажувања од листите, или пак тоа уште повеќе ќе ги радува претплатниците и ќе ја зголемува листата?

Вредност

Зошто емаил листите се толку вредни? Во денешно време легално стекнатите податоци за Вашите потенцијални и активни клиенти се непроценливи. Емаил листите се едни од најпрактичните начини да го остварите тоа, при што бенефит ќе имаат и двете страни – Вашиот продукт и Вашите корисници.

Затоа, започнете уште денес со градење на обемна и квалитетна емаил листа!

Тестирај… и лансирај!

Се одлучивте на големиот чекор – сакате да лансирате сопствен веб сајт. Ги направивте сите подготовки, го средивте дизајнот, ги пополнивте содржините, и… Уште што останува пред да стартувате официјално? Секако, да тестирате дали е сè како што треба!

Целосен преглед

Генерален и целосен преглед на веб сајтот е една од клучните работи пред да отидете официјално онлајн.

Задолжителна е проверка на целата позадинска работа, (на пример, ако имате сајт за онлајн продажба, важно е да се провери дали делот за нарачки работи како што треба така што вие самите ќе извршите тест нарачки), а потоа и на содржините кои треба да ги читаат посетителите (дали правописот е како што треба, дали нешто не е надополнето до крај, и слично).

Бидејќи самите луѓе кои ја имаат направено страната, често имаат проблем сами да ги увидат недостатоците кои се провлекле, препорачливо е да повикате на помош пријатели или блиски луѓе кои ќе го направат тоа за вас, и ќе ви дадат еден вид на неутрален осврт.

Дали дизајнот е добар?

Една интересна работа е – ако на вашиот компјутер го гледате сајтот како што треба, на некој друг компјутер истиот може да изгледа тотално „промашено“.

Имајте на ум дека кога се дизајнира еден веб сајт, истиот треба да биде прилагодлив и респонзивен за различни димензии, уреди и пребарувачи. Оттука, кога веќе ќе го средите дизајнот, отворете го истиот преку колку што е можно различни извори.

Проверка на SEO

Многупати сме зборувале за значајноста на пребарувачите (Google) при посета и одлучување за нарачка на вашиот сајт. Органското пребарување е меѓу оние параметри кои имаат најголемо влијание при изборот на купувачите.

Поставување на добар search engine optimization (SEO) со користење на квалитетни клучни збороови, како и содржина која ќе ги отсликува овие клучни зборови, е од особена важност. Истите клучни зборови треба постојано да се повторуваат во URL адресите, насловите, како и текстовите на вашиот сајт.

Размислувајте како корисник

При процесот на изработка, вие веројатно ќе мислите дека имате многу квалитетен и добар сајт. Сепак – вистината е дека сето тоа е залудно, ако истиот не е кориснички ориентиран, и само „вие го разбирате“.

Како што веќе рековме, многу е тешко оној кој изработил одреден продукт, отпосле да менува работи надвор од првичната визија. Затоа, повторно се препорачува користење на помош од други личности од вашата околина, кои ќе дадат конструктивна критика за изработката, и што би можело да се промени во истата.

Кодови за тракирање

Google Analytics или Facebook Pixel се значајни кодови кои се стаават директно во HTML и кои тракираат активности со кои го гледате прогресот на вашите посети и нивното понатамошно конвертирање.

Со Google Analytics имате постојан пристап до податоци за посетите на сајтот, изворите од кои доаѓаат, како реагираат на самиот сајт, како и различни демографски парамтери за посетителите.

Facebook Pixel е одличен код кој ја поврзува активноста на вашиот сајт на најголемата социјална мрежа, како и конверзиите кои произлегуваат од таа активност.

Како да започнете со промоција на вашиот веб сајт?

Секој почеток е тежок, и истиот подразбира дека најверојатно располагате со ограничен и испланиран буџет. Па, како најефикасно и ефективно да започнете со вашиот план за промоција?

Социјални мрежи

Во однос на социјалните мрежи нема премногу калкулирање дали треба или не треба да се промовирате – доволен е податокот дека над 1,2 милиони Македонци користат Facebook, а над 100.000 Twitter.

Сепак, потребно е да направите соодветно истражување – која социјална мрежа е најпогодна за вас? Какви содржини сака вашата целна публика, или пак колку често треба да постирате, а да не им здосадите на вашите фанови?

Сето ова се прави со постојано следење на трендовите и резултати кои секоја социјална мрежа ги има во посебни статистички insights.

Search engine optimization (SEO)

Сакале или не, од Google нема бегање. Од особена важност е да бидете присутни на првата страница при пребарувањата.

Тоа се постигнува со квалитетна содржина и клучни зборови на вашиот сајт, при што ќе добиете квалитетни органски пребарувања, кои статистички носат повеќе конверзии.

Блогирање

Блогот спаѓа во еден од начините за контент маркетинг за кој веќе пишувавме дека е неопходен за да опстои еден онлајн бизнис.

Одржувањето на еден блог подразбира освежување со содржини кои се од интерес на вашата целна публика.

При истото, треба да внимавате на фреквенцијата на обновување на содржини – односно таа да биде константна, да определите дали ќе пишувате еднаш, двапати или повеќе пати во текот на неделата.

Емаил маркетинг

Листите кои ги поседувате со потенцијални клиенти се од огромна вредност – тие на некои начини претставуваат leads кои веќе се заинтересирале за вашиот производ.

Истите треба да се користат за постојано да се потсетуваат за новостите кои ги нуди вашиот онлајн бизнис, или пак да им се презентира поперсонално вашиот контент маркетинг.

Клучни перформанси за мерење на успешноста кај емаил маркетинг се – бројот на читатели кои ја отвориле пораката, а уште поважно – бројот на читатели кои кликнале на линк во пораката.

Word of mouth

Никогаш не ја потценувајте моќта на еден ваш обичен потрошувач за да ја пренесе пораката за вашиот производ на неговата околина.

Направете онлајн производ со кој ќе поттикнете вашите клиенти да зборуваат за вас – односно со вашата приказна и визија ќе им дадете повод да го рашират зборот.

Со социјалните мрежи, ова ширење станува уште побрзо и „вирално“.

Зошто е потребен контент маркетинг?

Контент маркетингот во повеќе наврати го споменавме како тренд во електронскиот бизнис и онлајн рекламирање.

Со помош на генерирање на содржини кои се вредни за потенцијалните потрошувачи, се гради избрана таргет публика од која еден бренд треба да расте и да се развива. Зошто е потребно да се негува?

Информации

Контент маркетингот дава повеќе информации од значење за потенцијалните клиенти.

Истражувањата покажаа дека во 2010-та, пред да се направи нарачка на производ, потенцијалните потрошувачи пребарувале 5.3 ресурси со информации, за тој број да се зголеми на 10.4 само две години подоцна.

Со растот на уделот на смартфони, информацијата е поскапоцена од било кога. Затоа, тука контент маркетингот стапува на „сила“ и се вреднува уште повеќе како што одминува времето.

Пад на традиционалниот маркетинг

Банерите како форма на интернет рекламирање ја губат својата вредност. Голем дел од луѓето ги одбегнуваат рекламите на телевизија.

Традиционалниот маркетинг во смисла на пренесување на една порака на голем број на луѓе е во фаза на пад.

Речиси неверојатни 90% од анкетирани испитаници веруваат на препораки од нивните пријатели за одреден производ, додека само 10% од нив на стандардни банери на Интернет.

Контент маркетингот, на определен начин, претставува „затскриен“ трик на брендот со кој пријателски ќе се поврзе со своите потенцијални потрошувачи.

Lead generation

Контент маркетингот носи поквалитетни органски посети (leads), кои е поверојатно дека ќе се претворат во идни клиенти.

Кога се користи буџет за традиционален маркетинг, се носат голем број на платени посети, од кои не е сигурно колку ќе се задржат како вистински и органски (retention).

Со контент маркетинг, иако посетите почнуваат со мал број, нивниот квалитет е висок, а растот е прогресивен.

Подобрен search engine optimization (SEO)

Веќе знаете дека рангирањето на вашиот веб сајт кај пребарувачите (Google) е меѓу клучните фактори за да градите квалитетни органски посети.

Овој вид на маркетинг, со помош на соодветни клучни зборови кои ќе ја отсликуваат визијата на вашиот бренд, ќе ви помогне вашето рангирање да се искачи многу високо.

Сепак – клучната работа е дека вашата содржина мора да биде навистина одлична.

Влијание врз одлучувањето

80% од потрошувачите би сакале да истражат за една компанија повеќе преку артикли и информации, отколку преку реклами.

70% од испитаниците рекле дека со ова тие се чувствуваат зближено со брендот, а 60% да направат подобра одлука за купување.

Сето ова значи дека влијанието на контент маректингот врз потенцијалните потрошувачи е огромен.