Секој трет домен во Македонија е регистриран преку МКхост

Македонската академска истражувачка мрежа МАРнет објави статистики за состојбата на македонскиот пазар на домени. Вкупниот број на активни домени во моментов е 25.479.

Помеѓу 19 регистрари во Република Македонија кои вршат регистрација на домени, МКхост е #1 избор на оние коишто го започнуваат својот онлајн бизнис. Со околу 30% пазарен удел, речиси секој трет регистриран домен во нашата држава е преку МКхост.

marnet1

Најчест избор помеѓу домен наставките кои се регистрираат е токму најкратката и најрепрезентативната за Република Македонија – .mk. Како втора најрегистрирана, веднаш зад неа се најде и .com.mk.

marnet2

Ви благодариме на довербата која ни ја укажувавте во овие 10 години постоење на МКхост. Продолжуваме и понатаму да постоиме за вашите онлајн решенија и потреби.

 

Целосната презентација на МАРнет можете да ја погледнете на следниот линк.

ДНС хостинг – нова бесплатна услуга

DNS Хостинг

Во светот на деловното работење, Вашето име на домен е првата буква од интернет работењето и препознавањето на вашиот бизнис, поддржан со низа сервиси (Web страни, е-маил адреси, FTP простор).

Целокупната палета од сервиси кои ја отсликуваат вашата професионалност, ефикасност и претставителност на компанијата е достапна само со постоење на еден систем – DNS систем.

Сите корисници кои имаат регистрирано домен име во МКХост (и сите нови кои ќе регистрираат),  од денес имаат можност за тотално управување и менаџирање на DNS зоните преку новата бесплатна услуга – ДНС хостинг.

Што значи ДНС хостинг?

ДНС е акронимот за domain name servers и се однесува на серверите кои потврдуваат каде вашиот домен се наоѓа, односно која е неговата „интернет локација“. Именските опслужувачи (ДНС сервери) се еден вид на “рутери“ кои ги поврзуваат посетителите со вашето домен име и од таму ги насочуваат до вашиот веб сајт, емаил адресите и другите сервиси.

Придобивки

Комплетна контрола на вашата DNS зона

Преку веб интерфејс од корисничкиот профил на МКхост ќе може да управувате со сите записи за вашата ДНС зона, како: А, АААА, MX, CNAME, NS, TXT, SRV. Ќе може да додавате, бришете и менувате дополнителни записи од ДНС зоната. Ќе може со еден клик да конфигурирате и користење на MX записите од Google. Доколку згрешите, може лесно да ја ре-креирате целата зона.

Вашите посетители со сигурност ќе го пронајдат вашето web присуство

Дали се работи за вашиот web сајт или eмаил комуникација, бидете сигурни дека вашите сервиси ќе бидат препознатливи  99.9% од времето со сигурност.

Високо време на одзив

Независно од географската локацијата во светот каде еден корисник ја внесува web адресата на Вашата компанија, системот е географски распределен на 2 континенти, каде што барањето ќе биде насочено до најблискиот DNS сервер, и одговор во најбрзо можно време до корисникот.

Брзи, стабилни и оптимизирани системи

Поставени на интернет линкови со загарантирана брзина, инфраструктура која функционира на ултра-брзи сервери, внимателно оптимизирани во секој детал, DNS хостинг системот е изграден за 24/7/365 оперативно работење.

Backup и безбедносни заштити

Како и кај нашите веб сервери, МКхост се погрижи и ДНС системот да биде целосно зачувуван на backup сервери, со што вашите ДНС зони ќе бидат секогаш на безбедно место и под постојат backup. Дополнително, ДНС серверите кои се оделени на посебни физички локации се заштитени и со софтверски firewall, така што безбедноста на истите е доведена на високо ниво.

 

Кога е пожелно да се користи ДНС хостинг услугата?

  • Хостирање на вашиот веб сајт на локален сервер, при што е потребно брзо да подесите A-record за да доменот биде жив уште веднаш.
  • Сакате да користите само емаил сервис, не ви е потребно хостирање на доменот во даден момент. Тогаш со услугата ДНС хостинг ги подесувате само MX записите и веќе може да си користите емаил сервис со вашиот домен.
  • Хостирање на вашиот веб сајт на сервер каде што нема активно ДНС систем, при што го насочувате доменот со A-record кон дадениот сервер кој ќе ги опслужува http повиците.
  • Подесување на вашиот домен на одреден сервис, како Worpdress, Cloud сервиси, каде што треба да поставите A-record, CNAME records за да доменот работи на овие cloud сервиси.
  • Кога имате потреба од редундантност на ДНС серверите. Кога ви е потребно да нема застој во сервисите иако би дошло до пад на ДНС системот. Нашиот ДНС систем е распределен на повеќе физички одделни машини на повеќе континенти. Со ова ќе бидете сигурни дека ќе имате секогаш редундантност и вашите сервиси секогаш ќе се достапни.
  • Кога имате веб сајт кој има многу посети и посетите доаѓаат од различни континенти. Со услугата ДНС хостинг вашите посетители ќе добиваат брз ДНС одговор за тоа каде се хостира веб страната, а со тоа ќе добиете и побрзо отварање на истата.

 

Како да ја активирате услугата?

 Подесување на DNS сервери

За активација на услугата потребно е да ги подесите NS серверите за вашиот домен закупен во MKХост. ДНС серверите треба да бидат:

dns1.mk-host.mk

dns2.mk-host.mk

Како да го направите тоа?

Најава на корисничкиот профил –  https://mkhost.com.mk/clients/

Најава во МКхост област за клиенти

 

Внесете го вашето корисничко име и лозинка

МКхост најава

Кликнете на Активни домени

Активни домени МКхост корисничка зона

 

Овде ќе ви бидат излистани сите домени кои ги имате. Од десна страна кликнете Управувај со доменот. Или можете директно Управувај со доменот -> Управување со именски опслужувачи. Овде ќе провериме дали ДНС серверите за доменот се правилно подесени пред да ја користиме ДНС хостинг услугата.

ДНС сервери подесување

 

Управување со ДНС хостинг услугата и креирање на ДНС зона
Сега, откако проверивме и успешно ги подесивме главните ДНС сервери за доменот, може да почнеме со користење на ДНС хостинг услугата.

Од менито изберете: ДНС Хостинг

ДНС Хостинг

Со влез на линкот за ДНС хостинг, системот ќе провери дали веќе постои ДНС зона за избраниот домен. Доколку не постои, ќе ве праша дали сакате да креирате нова ДНС зона. Вие треба да потврдите со клик на копчето, Да, Креирај.

Креирај ДНС Зона

И конечно, зоната е креирана. Сега останува на вас да ги провеерите записите и да ги измените по ваша желба. Овде ќе може да додадете нови записи, да избришете или измените веќе постоечки записи.

ДНС записи

Додавање на нов запис:

Додавање нов запис

 

Повелете направете нарачка на вашиот нов домен и искористете ја услугата ДНС хостинг бесплатно.

 

Конечно до .mk домен за само неколку минути

Управниот одбор на МАРнет донесе нов правилник кој за првпат во историјата на .mk доменот овозможува на корисниците онлајн (online), без потреба од дополнителни документации и папирологии да регистрираат домен на нивно име. Најголемата новост за крајните корисници е тоа што од сега ќе може многу лесно (online) да се изврши регистрација на .mk домен и истиот да биде активен за само неколку минути. Со новиот правилник е овозможено и јавно и меѓусебно продавање на .mk домените. Сепак, треба да се внимава на правилното и точното внесување на податоците за регистрантот при онлајн  (online) регистрацијата.

Новиот правилник стапува во сила од 10.06.2014.

600x315-za-mk-novo

Паралела на процесите за регистрација, пред и по новиот правилник

Како беше до сега?

2014-та е година на либерализација и олеснување на процесите за регистрација на .mk домените. Пред само неколку месеци беше активирана либерализацијата на .mk доменот, со што МАРнет овозможи да има официјални регистрари (наспроти тоа што беше само во МАРнет) кои имаат лиценца да регистрираат домени за крајните корисници. Предноста за корисникот со оваа либерализација е тоа што има избор од повеќе регистрари. Доколку не е задоволен, корисникот може во секое време да го смени регистрарот за својот домен.

Сепак и покрај либерализацијата на доменот и овозможување на повеќе регистрари, не се среди најголемиот проблем кој го имаа корисниците – да можат без документи, онлајн да си регистрираат домен. Тие мораа да пополнат барање за регистрација со нивни податаоци, кое потоа мораше да се потпише и достави до регистрарот кој требаше да го верифицира и одобри. Многу корисници не го сакаа овој процес и си нарачуваа интернационални домени, сè со цел заштеда на време и избегнување на оваа документација и папирологија која беше задолжителна.

Како е сега процесот на регистрација?

Сега процесот на регистрација е многу едноставен и лесен:

  1. Корисникот врши проверка дали саканиот домен е слободен.
  2. Доколку доменот е слободен, се прави нарачка преку онлајн форма на сајтот на регистрарот, при што корисникот ги внесува своите податоци (регистрант информации, ДНС сервери и административни и технички контакти).
  3. По уплатата на доменот со кредитна картичка онлајн, истиот може да биде активиран автоматски за само неколку минути на име на корисникот кој направил нарачка.

При овој процес се избегнуваат дополнителните чекори за пополнување на барање, потпишување, доставување и верифицирање на истото. Сега процесот е многу поедноставен и корисниците можат да регистрираат домен од удобноста на својот дом.

Ако имате идеја за одреден домен, повелете и регистрирајте си го веднаш за само неколку минути преку автоматизираниот систем на МКхост.

Кои се останатите новости?

Овозможена е продажба на .mk домените

Отсега ќе може да се врши и продажба на веќе регистриран .mk домен. Доколку имате регистрирано некој домен и мислите дека може да го продадете на друг, сè со цел тој да креира одреден сервис или едноставно да се смени сопственикот, ова ќе биде легално и ќе може да се направи без проблем. Секако, самиот продавач и купувач се договараат за цената.

Тргнат лимитот од 30 домени за регистрарите

Со претходниот правилник, регистрарите имаа лимит да регистрираат најмногу 30 домени на нивно име. Ова повеќе не важи и секој официјален регистрар ќе може да регистрира неограничен број на домени на негово име.

Странски физички и правни лица исто така ќе можат да регистрираат домени онлајн

Отворен е и пазарот за регистрација на македонски домени и за странски лица и компании. Ова е интересно за странските компании кои имаат свои брендови во Македонија, за полесно и брзо да си го закупат своето име и во .mk просторот. Ограничувања за странските корисници нема – важат истите правила од правилникот.

Како ќе се префрла сопственоста?

Доколку сакате да извршите промена на регистрантот поради било која причина, ќе треба да пополните писмено барање со кое ќе се верифицира вашиот идентитет како физичко или правно лице. Затоа напоменав при регистрација на нов домен, потребно е да се внесуваат правилни и точни податоци, затоа што кога ќе сакате да ја промените сопственоста на доменот, нема да можете ако информациите не ви се точни (регистрарот не може да ве верифицира како сопственик на доменот).

На што да се внимава при регистрација на нов домен?

При регистрација на нов домен треба да внимавате да ги вметнете точно вашите податоци како регистрант.

Зошто мора да се внесат точните податоци?

  • ако не внесете точни информации, ќе нема да можете да вршите промени за доменот во иднина за доменот (за секоја промена во податоците на регистрантот ќе мора да се достави писмено барање, со што мора да се утврди идентитетот на моменталниот регистрант);
  • ќе нема да можете да направите промена на регистрант на доменот (за промена на регистрант на домен, ќе мора да доставите писмено барање, со што мора да се утврди идентитетот на моменталниот регистрант);
  • нема да можете да го продадете доменот затоа што при продажбата, потребно е да го отстапите доменот на друг регистрант;
  • регистрарот и МАРнет ќе може да ви го избришат доменот ако се утврди дека внесените информации се неточни или невалидни.

Дополнителни информации

За пререгистрација на моменталните домени останува истиот процес

Процедурата за пререгистрација на моменталните .mk домени останува иста.

Што е процес на пререгистрација?

Процесот на пререгистрација се однесува само на домените кои се регистрирани директно во МАРнет пред 01.04.2014 . Сите овие домени мора да бидат пререгистрирани, сè со цел да изберат еден од понудените регистрари, како и технички да им се овозможи онлајн промена на ДНС сервери, промена на контакт информации и лесна и брза обнова во иднина. Секој корисник на македонски домен кој го регистрирал својот домен во МАРнет  треба да пополни барање за регистрација и истото да го достави до регистрар, сè со цел да се заврши процесот. Овој процес е задолжителен и доколку не го спроведете, доменот ќе биде избришан од базата на регистарот и истиот ќе биде слободен за повторна регистрација за секого.

Бројот на домени кој може да ги регистрира еден регистрант е неограничен

Вие како иден или моментален регистрант на македонски домени ќе можете да регистрирате онолку домени колку што сакате – нема лимит за регистрирани домени по регистрант.

Домените се регистрираат на период од една до десет години

Еден домен може да биде регистриран на најмал период од 1 година, до максимален период од 10 години. Рангот не смее да надмине никогаш над 10 години, односно еден домен во даден временски период не смее да има датум на истек подолг од 10 години од моменталната дата. Корисникот може да заштеди со регистрација на домен на подолг период и да го добие за поевтина цена. Исто така, предност е во тоа што својот домен не мора да го обновува често (секоја година).

Не регистрирајте домени на познати трговски марки

Според правилникот, регистрантот ја има целата одговорност врз доменот. Па така, доколку извршите регистрација на име на домен којшто е заштитена трговска марка, или ако со името на доменот правите повреда на интелектуална сопственост (авторско право, индустриска сопственост и сл.) ќе имате одговорност и доколку трето лице се пожали, ќе треба правно да се решава спорот, преку арбитражна постапка.

МКхост и основачот на МКхост – Иван Петрушевски секогаш се залагаа за поедноставување и автоматизирање на процесот за регистрација на македонските домени. Секогаш дававме предлози и напори до МАРнет, како и до Министерството за информатичко општество и министерот Иво Ивановски, знаејќи го проблемот на корисниците и претставувајќи ги нив пред институциите. Среќни сме што дојде и овој момент кога секој корисник ќе може онлајн, за само неколку минути да си регистрира македонски домен и да почне да креира веб сервис кој ќе нуди вредности на интернет просторот.

 

МКхост стана официјален регистрар за .мк доменот

Средба со министерот Иво ИвановскиСо задоволство ве известуваме дека од денес, МКхост е официјален регистрар за .мк домени. Од сега сите функции што ги вршеше Марнет, ќе ги врши МКхост, како регистрација на нови .мк домени со наставките .mk .com.mk .net.mk .org.mk .net.mk .edu.mk и inf.mk . Договорот официјално беше потпишан од страна на претставник на МКхост и директорот на Марнет м-р Сашо Димитријоски. Денеска имавме и средба со министерот за Информатика Иво Ивановски каде јавно беа презентирани новостите од либерализацијата на .мк доменот.

Што значи МКхост – официјален регистрар за .мк доменот?

До сега, организацијата – Марнет беше одговорна за регистрација на .мк домените, но од сега ќе биде само контролно тело. Работата што ја вршеше Марнет ќе ја врши МКхост и други компании – регистрари кои добиле лиценца за истото. Па така, за нова регистрација на домен ќе треба да се обратите кај нас. Марнет ќе продолжи уште еден месец со примање на барања за регистрација на .мк домени, се со цел, ние како регистрари да се „навикнеме“ на работата што тие ја вршеа до сега, како и комплетно да се информираат корисниците за оваа нова либерализација.

Кои придобивки ќе ги имате вие како регистранти на .мк домени?

  •     Ќе имаат поддршка во секое време 24/7/365 преку телефон, емаил, социјални медиуми
  •     Ќе може да регистрираат домен секогаш, не мора само во одредено работно време
  •     Сите домени ќе бидат регистрирани директно под сопственост и информации на самиот корисник (физичко или правно лице). Преку Whois сервисот, ќе се знае точно кој домен е под чија сопственост и ќе бидат прикажани податоците од сопственикот, како име на фирма/лице и слично.
  •     Секој корисник ќе има online пристап до новиот сервис на МКхост кој ќе му овозможи во секое време да се најави, да ги прегледа и менаџира сите регистрирани .мк домени кои ги има закупено преку нас
  •     Ќе може лесно да врши обнова на домените за период од 1-10 години (едноставно со плаќање со кредитна картичка online или врз основ на пратена профактура)
  •     Брзо (во секое време) ќе може да ги менува ДНС серверите (именските опслужувачи) за конкретен домен – online преку автоматизираниот систем на МКхост
  •     Корисникот ќе има опција автоматски да ги менува информациите за контактите на доменот (административен, технички контакт)
  •     Ќе имаат поволности, попусти и интересни понуди за останати сервиси кои МКхост ги нуди (веб хостинг, веб дизајн)

МКхост нон стоп го надоградува својот нов систем кој е поврзан со .мк зоната, преку кој ќе се вршат сите функционалности со регистрацијата на .мк домените. Овие поволности за корисниците ќе бидат зголемувани. Ќе се стремиме кон автоматизирање на секој можен процес, поедноставување на функционалностите, безбедност во самиот систем и најдобра поддршка за нашите корисници.

Каде ќе може да се обратите и да поднесете барања за регистрација на домени во МКхост?

МКхост со канцеларии во Скопје и Куманово ќе овозможи на корисниците лесна, брза и едноставна регистрација со дополнителни online функционалности кои ќе ги добијат со регистрација на .мк домен кај нас.

Од понеделник, на нашиот веб сајт ќе објавиме посебен линк каде ќе бидат опишани и објаснети процедурите и потребната документација за регистрација на .мк домен, кога ќе почнеме да функционираме со новиот систем за регистрација на .мк домените.

Барања за регистрација на домените ќе може да ги доставувате на нашите две локации во Скопје и Куманово:

  1. Скопје на адреса: Ул. Петар Поп арсов бр.17 локал 13 (позади Универзална сала)
  2. Куманово на адреса: ул. Илинденска бр. 5а (позади комплекс Комитет, до комплекс Гарнизон во центар)

Се укинува правилото за сличен домен

На 10.12.2013, Марнет испрати известување по емаил дека од 01.01.2014 правилото за сличен домен ќе биде отфрлено:

Почитувани,

Од 01.10.2013 година стапи на сила нов Правилник за организацијата и управувањето со врвниот македонски .МК домен.

Усогласувањето на регистрираните домени со новиот Правилник започнува со воведувањето  на првиот регистрар, за што ќе бидете дополнително известени.

Според  Правилникот, МАРнет ќе го либерализира процесот на регистрирање на домени.

До 31.12.2013 година ќе се бара согласност за регистрација на сличен домен. Од 01.01.2014 година истото се укинува и секој слободен домен ќе може да се регистрира.

Повеќе информации можете да најдете на интернет страницата на МАРнет на marnet.mk

Со почит,
МАРнет

Што значеше правилото сличен домен?

Доменот се состои од два дела и тоа: назив на доменот + наставката. Пример: mkhost.mk (mkhost е називот, додека .mk е наставката за овој домен).

Правилото за сличен домен вели дека ако одреден корисник поседува домен име со одреден назив и одредена наставка, тогаш без негово одобрение, друг корисник ќе нема да може да го регистрира истиот домен со ист назив, но различна наставка која е слободна за регистрација.
Пример ако го имате регистрирано доменот: primer.mk , без ваше одобрение друг корисник ќе нема да може да го нарача доменот primer.com.mk или primer.net.mk и слично.

Ова правило ќе биде во функција до 31.12.2013, кога Марнет ќе го исфрли од важност и од 01.01.2014 ќе може да се регистрираат ваквите т.н. слични домени без дополнителни одобренија.
Правилото беше дефинирано само за Македонските наставки, односно за .mk доменот. Ова правило не важеше за интернационалните наставки како: com / org /net и слично. Кај нив доколку одреден домен е слободен ќе може веднаш да се регистрира.

Поради ослободување на правилото за сличен домен, МКхост направи модификација на својот домен пребарувач, па така од денеска секој слободен домен кој не е регистриран, ќе биде прикажан како слободен за регистрација не земајќи го во предвид правилото за сличен домен. Односно, ако веќе има регистрирано домен на пример со име: domen.mk , а доменот domen.com.mk не е регистриран, кај нас на домен пребарувачот доменот domen.com.mk ќе биде прикажан како слободен и ќе може да си го нарачате.

Имајте во предвид дека регистрацијата за него ќе биде извршена после 01.01.2014. Секако, доколку МКхост забележи дека сте нарачале таков домен, однапред ќе ве извести.Пребарајте и нарачајте си свој Македонски домен со клик овде.

Што значи новата либерализација на .мк доменот

Овој текст е кратко објаснување и една анализа на тоа што би значела либерализацијата на .мк доменот, какви промени ќе се случат и колку крајните корисници ќе бидат задоволни од промените што ги најави Министерството за информатичко општество и администрација, како и самата институција одговорна за управување со .мк доменот – МАРНЕТ.
МКхост - Регистрација на домени во Македонија
Доколку немате време да го читате целиот текст, сумарно, најглавната промена која може да се увиди од оваа либерализација на Марнет е следново:
Либерализација на .мк доменот значи отварање на повеќе „пунктови“ на компании – соработници на Марнет, каде корисниците наместо да одат само во Марнет – Скопје, ќе можат штампаните барања и документи, потребни да се регистрира .мк домен, да ги доставуваат до новите пунктови по нивен избор по цена дефинирана од компанијата соработник на Марнет.
 

Што изјави министерот за Информатика во врска со либерализација на .мк доменот во медиумите пред неколку месеци

Пред неколку месеци, министерот за Информатичко општество и администрација Иво Ивановски даде изјава и објасни малку повеќе во врска со либерализацијата. Следниот цитат е превземен од порталот Фактор, а линкот каде се наоѓа целата вест е следен ( http://faktor.mk/archives/68554 ).

Според министерот за информатичко општество и администрација Иво Ивановски, со тој проект сите граѓани ќе можат да регистрират уште една услуга по електронски пат, без посета на шалтери, пополнување формулари и нивно испраќање до МАРнет, како и да почнат свој бизнис многу побргу од постоечките процедури.

– Еден од проектите што ги вети Владата е електронско регистрирање домени и поддомени на мк, со цел да се овозможи од кое било место да може електронски  да се достават, да се плати електронски и нивниот домен електронски да биде регистриран во кој било период од денот, изјави денеска министерот Ивановски.

Тој ги повика сите компании кои се заинтересирани да станат регистрари за да можат да нудат услуги за граѓаните за регистрирање домени да се обратат до МИОА и МАРнет од понеделник.

– Ќе имаат период  од еден месец технички да ги подготват своите системи за да можат од 1 октомври сите институции, организации и компании од приватниот сектор што ќе искажат интерс да се поврзат со овој систем и да ги препродаваат на некој начин домените во име на МАРнет да може да почнат да функционираат, појасни  Ивановски.

Она што го изјавил министерот јасно вели дека сите граѓани ќе можат да регистрираат .мк домен по електронски пат, без посета на шалтери (новите пуннктови што погоре ги споменав), без пополнување на формулари. Тој исто вели дека со овој проект на либерализацијата на .мк доменот ќе може од било кое место електронски да се плати и регистрира .мк домен во било кое време од денот. Сето ова е одлично, овој начин на регистрација на .мк домени би ги направил крајните корисници најсреќни, но новиот правилник кој Марнет го донесе не го вели истото.
Според член 16 од правилникот на Марнет се вели:
Регистрација на домени врши МАРнет.
Правото да вршат регистрација на домени МАРнет може да го пренесе и на трети лица во својство на регистрари, со кои ќе биде склучен договор.
Барање за регистрација на д
омен регистрантот поднесува кај регистрар по негов слободен избор.
Барањето се поднесува на образец објавен на интернет страницата на МАРнет, а кој содржи:
податоци за регистрантот, податоци за доменот, податоци за контактите, имињата на именските опслужувачи на кои е поставен доменот како и потпис на подносителот.
Кога барањето се поднесува по електронски пат тогаш се потпишува со електронски потпис согласно прописите за електронски потпис.
Marnet Logo
Марнет Лого
Новиот правилник на Марнет вели дека корисникот ќе мора да пополни барање, да стави потпис на него и да се достави до Марнет или до новите „пунктови“ – фирми соработници со кои Марнет ќе направи договор. Единствено, работата електронски ќе може да се заврши доколку корисникот поседува електронски потпис. Исто така, физичките лица кои ќе вршат регистрација на домени ќе мораат лично да ги носат документите до фирмите соработници  кои ќе можат да регистрираат домени или во Марнет. Корисниците кои лично ќе ги носат документите ќе мора и да се идентификуваат преку документ за лична идентификација (лична карта, пасош и слично).

 

Како беше до сега

За оние кои не се информирани за ситуацијата која беше активна до сега (и која сеуште е активна – до моментот на потпишување на првата партнер фирма на Марнет) за тоа како се одвиваше процесот за регистрација на еден .мк домен, ќе дадеме кратко објаснување.
За регистрација на .мк домен беа потребни ( и сеуште ќе бидат потребни ) документите:
  •     Барање за регистрација пополнето во електронска форма и испечатено
  •     Правни лица: копија од Тековна состојба од Централен регистар
  •     Физички лица: Документите се доставуваат лично
  •     Копија од уплатница
И сите документи се доставуваа лично само во Марнет – Скопје.
Втор начин, за оние кои не сакаа да одат низ оваа процедура со документи, беше да најдат фирма која ќе посредува меѓу Марнет и нив (крајните корисници на доменот). Како на пример нашата хостинг компанија – МКхост која регистрираше домени по барање на крајните наши корисници, се со цел тие да ги избегнат процедурите со Марнет. Повеќето хостинг компании и други посреднички фирми го правеа истото и регистрираа домени за крајните корисници, затоа што беа „уходани“ во целата оваа процедура и затоа што за нив беше јасен и познат целиот концепт и имаа повеќе регистрации во одреден период.
Периодот за регистрација на доменот со текот на годините се убрза, благодарејќи на новиот тим на Марнет и ажурноста која ја воведоа, но сепак, регистрација за време на викенд и во доцните временски часови не беше можна и нема да биде можна и со новата либерализација. Единствено, со новата либерализација, ова би било возможно доколку некоја од партнер фирмите на Марнет отвори свој пункт кој би бил достапен физички 24/7/365 каде корисниците кои сакаат да купат домен ќе го посетат лично со спремната документација.

Што ново воведе Марнет

Марнет направи либерализација на .мк доменот, со што овозможи на компании да се пријават и да вршат регистрација на .мк домени. Ова е најголемата промена за која зборуваме во овој блог пост. Ова значи дека било која компанија може да се пријави и да врши регистрација на .мк домени, односно да добие статус регистрар. Секако, претходно треба да исполнува одредени барања, да креира сопствен систем каде ќе се чуваат сите податоци за корисниците и да се прилагоди на тестирањата на новиот систем за регистрација на домени. Новата компанија која ќе добие статус регистрар од страна на Марнет, ќе ја врши истата функција која ја вршеше до сега Марнет, односно ќе прима барања од корисници за регистрација на домени, ќе дава поддршка на корисниците кои закупиле домен од кај нив, ќе ги известува корисниците за истек на домените, ќе води евиденција за плаќање, евиденција за секој вид на промени во досието на доменот и сите останати услуги кои Марнет ги вршеше до сега.
Функцијата на Марнет ќе остане иста и корисниците ќе можат и понатаму да ги регистрираат домените во Марнет, но со оваа промена Марнет овозможува на корисниците да изберат каде ќе го однесат своето барање и каде ќе го регистрираат својот домен. Идејата е да се креираат повеќе „пунктови“ на фирми – соработници на Марнет каде ќе ги примаат и обработуваат барањата на крајните корисници кои ќе сакаат да регистрираат .мк домен.
На овој начин, корисниците кои не се од Скопје ќе можат да ги носат барањата и во други градови (каде ќе се појават новите фирми – регистрари). Сепак она што ќе остане исто и непроменето е што ќе мора повторно да се штампаат и носат барања со потпис и печат, како и лично за физичките лица.
Интересно е што секој регистрар ќе ги продава .мк домените по своја однапред дефинирана цена, така што корисниците ќе може да бираат каде највеќе им одговара и таму да го регистрираат доменот. За она што ќе добијат корисниците со ова ќе зборуваме подолу во постот.
Марнет воведе нов изменет правилник со повеќе дефинирани промени и поправки на одредени работи кои не беа целосно дефинирани со стариот правилник.
Го отстранија правилото со кое доколку поседувавте ист назив на доменот со една наставка, без ваше одобрение друг не може да регистрира ист назив на домен со друга слободна наставка. На пример доколку компанијата А го поседуваме доменот: primer.mk, вие како компанија Б ќе нема да може да го регистрирате доменот primer.com.mk без претходно одобрение од компанијата А која го поседува primer.mk. ( Ова правило ќе биде укинато официјално започнувајќи од 01.01.2014 ).
Го решија проблемот со „заглавените“ домени кои беа регистрирани пред 2003-та година. Така да во рок од неколку месеци, доколку крајните корисници не ги обноват овие домени, истите ќе бидат избришани и достапни за било кого. Со стариот правилник овие домени беа заштитени на некој начин и немаа точно дефиниран период на истек, со што и доколку одреден домен не беше во функција и неговиот сопственик повеќе не постоеше истите беа сеуште активни.

Што добиваат крајните корисници со либерализацијата на .мк доменот

  • Крајните корисници ќе можат да бираат каде ќе ги регистрираат своите домени (ќе постојат повеќе институции како Марнет, каде ќе можат да се доставуваат барањата за регистрација) – значи ќе имаат избор. Оние корисници кои не живеат во Скопје ќе можат да ги носат барањата и во други градови каде што Марнет ќе има свои партнер фирми (регистрари)
  • Корисниците ќе можат да бираат и во однос на цена и квалитет на поддршка кај новите регистрари. Цената за регистрација на .мк домените ќе варира од регистрар до регистрар, но нема да биде поевтина од моменталната.
  • Доколку одреден корисник не е задоволен од моменталниот регистрар, лесно ќе може да се префрли кај друг регистрар
  • Во зависност од регистрарите, корисниците ќе можат да вршат online промена на ДНС серверите за доменот во било кое време

Фирмите што посредуваа кои ќе земат лиценца од Марнет за регистрација на .мк домени ќе нема да може повеќе да посредуваат домени за крајните корисници

Со новата либерализација ќе се лимитираат регистрарите (компаниите кои ќе добијат лиценца од Марнет за раководење со .мк доменот) да не може да регистрираат повеќе од 30 домени во својство на регистрант, односно Марнет сака да го отстрани посредувањето на одредена компанија во улога на регистрант да регистрира домени во нејзино име за крајни корисници.
Па така, оние корисници кои не сакаа да се „замараат“ со документациите сега ќе мора да го прават тоа, затоа што фирмите кои посредуваа за нив и кои ќе добијат лиценца за регистрација ќе нема да можат да го регистрираат доменот во сопственост на самата компанија регистрар.

Зошто Марнет не се одлучи да го ослободи .мк доменот да може било кој online без документи да регистрира домен?

Најверојатно, главната причина поради која Марнет не го ослободи .мк доменот целосно, е контролата врз сопственоста на домените, односно Марнет сака да знае во секое време кој е правилниот сопственик на доменот, однапред докажан преку барање со потпис и печат (ако е компанија) и потпис, лично присуство и идентификација со документ доколку е физичко лице.
Ако овие барања и документи се отстранат, тогаш Марнет „се плаши“ дека ќе настане хаос во .мк доменот и ќе немаат целосна контрола врз тоа кој точно е правилниот сопственик на одреден регистриран домен, односно крајните корисници би можеле да ставаат невалидни и неточни информации при регистрација на доменот.
За потсетување, на пример интернационалните генерички домени (.com .net и слично) може да се регистрираат без документи и лични идентификации и потписи, односно online преку овластени регистрари кои само бараат електронски внес на вашите податоци.

Дали ви се допаѓа новата либерализација на Марнет ( Анкета ):

[yop_poll id=”2″]
– Ми се допаѓа како што беше до сега ( регистрација на домени само во Марнет (Скопје), лично со барања и документи ) или регистрација на доменот преку фирма посредник за мојот домен (пример МКХОСТ ДООЕЛ да го регистрира мојот сакан домен и да ми го даде да го користам без да морам јас да носам документи и барања)
– Ми се допаѓа либерализацијата ( пак ќе мора документи, но сега ќе имам избор каде да ги носам барањата и документите (во Марнет – Скопје, во Скопје кај други регистрари кои ќе добијат лиценца или ако сум од друг град и ако во мојот град има регистрар кој добил лиценца) , но ќе нема да може фирмата регистрант да ми биде повеќе посредник на домените – сега и тие што не сакаа да се „замараат“ со барања и документи ќе мора да го прават тоа ако сакаат .мк домен)
– Сакам да можам online без лично доставување на документи да регистрирам .мк домен