Како до повеќе читатели на твојот блог (2019)

Започнување со свој блог денеска е мошне лесно со платформa како што е WordPress. Но откако ќе го објавиш твојот блог, следниот најголем предизвик е да го зголемиш сообраќајот на твојот веб сајт и да привлечеш што е можно повеќе читатели. Иако квалитетната содржина е причина број еден за успешност на еден блог, постојат повеќе начини како можеш подобро да го оптимизираш твојот веб сајт.

Еве неколку совети со кои што со сигурност ќе го подобриш сообраќајот на твојот блог.

1.Наслови на текстовите

Насловите се нешто прво што го гледаат луѓето. Може да го имаш најдобриот блог пост, ако насловот не ја долови интересната содржина, никој нема да го прочита постот.

Моќен наслов на блогот може да ти донесе многу повеќе прегледи на сајтот, дури и за 500% повеќе. Со толку многу содржина онлајн, само со креативен и уникатен наслов имаш поголеми шанси да привлечеш потенцијални читатели.

До 80% од корисниците може и да не го прочитаат твојот текст доколку насловот не им го привлече вниманието.

Постојат 5 типа на наслови кои што најчесто се користат:

  • Нормални (Начини со кој ќе се подобри посетеноста на твојот блог)
  • Прашање (Што ги привлекува читателите за да го отворат твојот блог?)
  • Како до (Како до повеќе читатели на твојот блог)
  • Број (10 начини како да привлечеш повеќе читатели на твојот блог)
  • Обраќање до читателот (Неколку чекори како твојот блог да го посетуваат повеќе читатели)

Според истражувањата, најголем CTR (click-through rate) имат наслови со карактери помеѓу 90 и 99. Но не секогаш треба да се водиш по овие статистики затоа што насловот треба да има и смисла.

Доколку заглавиш со смислување на крeативен наслов, постојат бесплатни алатки кои може да ти помогнат околу креативниот процес.

 

Според Melanie Duncan, секој наслов треба да содржи 4U елементи:

  • Useful (Корисен)

Оние наслови кои што ќе предизвикаат интерес кај тебе се и оние наслови кои што нудат нешто корисно, најчесто некое решение или совети.

  • Urgent (Итен)

Наслов кој што “брзо” ќе одговори на барањата на читателот.

  • Unique (Уникатен)

Луѓето секогаш сакаат да прочитаат нешто ново. Кога ќе изгуглаат одредена тема, излегуваат постови кои што најчесто се слични еден со друг.  Затоа твојот твојот наслов треба да биде различен, уникатен и да содржи интересни и впечатливи зборчиња што ќе ги натера корисниците да кликнат.

извор: http://www.melanieduncan.com/the-easy-4-u-formula-that-will-compel-readers-to-click-every-time/
  • Ultra-Specific (Ултра-специфичен)

Еден  од начините да го направиш твојот наслов да биде ултра-специфичен е да вметнеш бројки. Пример – 10 начини како да го зголемиш сообраќајот на твојот веб сајт. Овој тип на наслов е популарен и перформира доста добро затоа што читателите знаат точно што добиваат.

2.Квалитетна содржина

Откако насловот ќе ги привлече читателите да го отворат твојот сајт, содржината е следното на кое што треба да обрнеш внимание со цел да ги  задржиш и да сакаат понатаму да доаѓаат на твојата страна. Многу е важно содржината да се планира како и темите што ќе ги обработуваш.

Доколку немаш идеја (не се секирај, им се случува и на најуспешните блогери/ки), најчесто инспирацијата ја бараат по форуми каде што стапуваат во интеракција со други блогери и читатели. Сепак на крај за која тема и да се одлучиш, треба да соодветствува со другите содржини на твојот блог.

Страни од каде што  можеш да се инспирираш за твојата следна содржина:

  • Quora – место каде што може од прашање да дојдеш до следна твоја идеја

  • Ubersuggest  – е алатка со која што преку уникатен клучен збор ќе ти помогне да пронајдеш интересна содржина

  • Answer The Public  – е автоматизирана алатка која ќе ти даде резултати од клучен збор и теми поврзани со она што е пребарано.

 

Постојат различни типови на содржини но според неколку истражувања, оние блогови кои што вклучуваат инфографик, се најсподелувани и најчитани, дури и за 33%. Aко сакаш твојот пост да биде популарен, вметни интересен инфографик каде што статистичките податоци може да ги претставиш на визуелен начин.

За идеи може да ги погледнеш следните страни:

3.  Стара содржина

Од време на време е добро да ги обновиш твоите постари постови. Ако не си сигурен/а кои постари содржини да ги обновиш и дополниш, најдобро ќе видиш од резултатите од google analytics (или од некоја друга алатка ако користиш).

Оние содржини кои претходно биле повеќе читани но поради застареноста на информациите нивната читаност се намалила, освежи ги и објави ги повторно. 

Корисни алатки, покрај Google Analytics,  со кои што можеш да ги анализираш твоите постови:

  • Momently  – бесплатен WordPress plugin кој што за неколку минути можеш да го инсталираш и да ги следиш резултатите.

  • Matomo – аналитички софтвер кој што може да го превземеш и да го инсталираш на твојот сервер.

  • Clicky – уште еден програм кој што е user friendly и лесно се управува.

4. Визуелност на блогот

Изгледот на блогот исто така игра важна улога во зголемување на посетеноста на твојата страна.  Добро средена визуелна содржина го прави блогот полесен и поинтересен за читање.

Според анализата на Canva, постови кои што содржат слики се за 94% попрегледани во однос на оние постови што немаат.

Алатки со кои што ќе можеш да го направиш твојот блог да изгледа визуелно подобро:

  • Canva – бесплатна алатка со која што може да уредуваш и креираш слики за социјални медиуми но и многу повеќе.
  • Snappa  – уште една бесплатна веб апликација која што функционира по метод drag and drop и е лесна за употреба. Дизајните што ги креираш можеш да си ги зачуваш во папка.

  • Animaker – со оваа алатка ќе можеш лесно да креираш и споделуваш видеа.

5. Брзина на сајтот

Времето кое што е потребно за да се отвори твојот веб сајт може да влијае на рангирањето на Google.

Според Google, брзината на отворањето на сајтот е еден од факторите кој влијае на која позиција ќе се најде твојот блог при пребарувања и затоа е важно страната да се отвори најбрзо што може.

Дури 53% од посетите кои што доаѓаат од мобилен телефон ја напуштаат страната доколку  не се отвори за 3 секунди.
Поголема половина од посетителите на блогот очекуваат дека истиот ќе се отвори за 2 секунди.

75% од корисниците брзината ја рангираат како најважна од погледот на UX (user experience).

Алатки со кои може да ја провериш брзината на твојот сајт:

6. Споделување на содржината на социјални медиуми

Последно но не и најмалку важно е споделувањето на содржината на социјалните медиуми.
Денеска социјалните медиуми како Instagram, Facebook или Twitter имаат милиони корисници кои што може да го видат твојот блог доколку користиш правилни алатки и стратегија. Се додека е таргетирана вистинската публика и содржината е релевантна за нив, за кратко време ќе добиеш позитивни резултати.

Секогаш е добро, одвреме на време повторно да ги споделиш твоите постари постови на социјалните мрежи. Така ќе го добијат вистинското внимание и сообраќајот на твојот веб сајт значително ќе се зголеми.

Што е важно за интернет маркетингот во 2019-та?

Интернет маркетингот продолжува да се менува секоја година. Неговиот раст станува сѐ поголем, трендовите се менуваат брзо… Се чини дека постојано се случува и појавува нешто ново во ова поле.

Но што е она на што треба да се фокусираш во претстојната 2019-та? Ова е нашиот топ 5 избор за годинава.

Твојот веб сајт е важно место

Често се поставува прашањето дали за еден бизнис е важно поседувањето на сопствен веб сајт во ерата на социјални мрежи. Одговорот е секогаш „да“, од причина што контролирањето на својот сопствен простор е поважно од било кога.

Секако дека социјалните мрежи помагаат во распространувањето на твојот бизнис, како и содржините што се пласирани преку твојот сајт. Меѓутоа, мора да се внимава на алгоритмите кои постојано се менуваат од страна на социјалните мрежи, и кои може драстично да влијаат на досегот до публиката.

Презентацијата на твојот продукт токму како што ти го замислуваш е исто така една од поволностите кога имаш сопствен веб сајт, без никакви ограничувања.

Транзиција во демографиите на социјалните мрежи

Она на што особено мора да се внимава во наредниот период е да се следи трендот на користење на социјалните мрежи од страна на корисниците.

Facebook е сѐ уште на врвот со повеќе од 2,2 милијарди корисници, меѓутоа факт е дека возраста на еден просечен корисник на Facebook станува сѐ поголема. Во САД, 41% од корисниците на Facebook имаат над 65 години!

За среќа на Facebook, оваа компанија го поседува и Instagram, кој минатата година веќе надмина 1 милијарда корисници. Она што е важно е дека од тие корисници 31% се помеѓу 18 и 24 години, а 30% помеѓу 25 и 34 години.

Оваа демографија секогаш била најпосакувана помеѓу огласувачите, бидејќи истата е најкомпетитивна за привлекување на публика за производи и брендови кои се на почетокот на своето постоење. Затоа, подемот и атрактивноста на Instagram не смее да се игнорираат.

Вештачката интелигенција и онлајн бизнисите

Со проценките дека над 2,5 милијарда корисници на интернет имаат профил на некоја од социјалните мрежи, користењето на artificial intelligence (AI) во овој сегмент станува од круцијално значење за растот на бизнисите онлајн.

Преку вештачката интелигенција, користењето на базите на податоци и нивното разбирање е уште полесно, а истото тоа може да се искористи за предвидување на однесувањето на корисниците. Во моментов, едни од најпознатите примери се Lookalike Audiences за Facebook реклами, како и Similar Audiences на Google Ads.

Употребата на AI како во изминативе, така и во наредните години ќе ја усовршува ideal buying persona за твоите онлајн потреби. Проценките се дека до 2035-тата година вештачката интелигенција ќе ја зголеми онлајн продажбата за цели 38%.

Содржина која „исчезнува“

Експеримент направен во 1957-ма година во кино во Њу Џерси, се смета за еден од пионерите во полето на сублиминалниот маркетинг и т.н. product placement. На публика од 45.699 посетители во киното, во определен момент од гледање на филмските проекции им се пуштани флеш реклами од 0.03 секунди на кои било испишано „Земи пуканки“ и „Пиј Coca-Cola“.

Психологот кој го има спроведено експериментот тврди дека отпосле во истото кино, продажбата на пуканки се има зголемено за 57,5%, а на Coca-Cola за 18,1%.

Се чини дека популарните т.н. stories кои се достапни на најголемите социјални мрежи (најпопуларни се Facebook, Instagram и Snapchat) се идеални за пласирање на кратки пораки кои ќе останат во меморијата на публиката која веќе е заинтересирана за твојот производ.

Една од најголемите причини за популарноста на овие т.н. stories е и „стравот од пропуштање“ (fear of missing out) поради нивното брзо исчезнување. Се очекува дека ваквиот канал на комуникација ќе продолжи да биде уште поинфулентен во 2019-та.

Градење доверба

Еден од најважните моменти на кој секој што поседува онлајн бизнис треба да внимава, посебно во периодот кој претстои, е градењето на долготрајна релација и доверба со своите клиенти.

Последните контроверзии кои излегоа од начинот на користење на податоците на интернет, а потоа и имплементацијата на GDPR во текот на 2018-та година, се чини дека ја подигнаа свесноста кај обичниот интернет корисник на повисоко ниво.

Тоа значи дека  твојот онлајн бизнис треба да биде настроен кон поголема транспарентност и да биде повеќе персонализирано насочен кон твоите корисници.

Како да направиш твој веб сајт со WordPress?

Како да направиш сопствен веб сајт преку WordPress?

Преку овој пост ќе видиш како тоа можеш да го направиш во само неколку минути!

Над милион луѓе го користат интернетот секој ден. Тоа е најдобриот начин да станеш препознатлив, да изградиш бренд или да го развиеш твојот бизнис.  Сакаш да ги споделиш твоите мисли со светот? Тогаш сопствен веб сајт е најдобриот начин.

Но, како да направиш сопствен веб сајт?

Да почнеме со WordPress.

WordPress e Content Management System (CMS) кој служи за лесно и ефикасно средување на веб сајт.

WordPress е најпопуларниот систем за креирање на веб сајт.

Поради неговата голема популарност, WordPress има огромна база на плагини, темплејти и туторијали. Затоа, може многу лесно да се научи.

Погледни чекор по чекор како да направиш сопствен веб сајт.

Процесот на креирање од твоја страна почнува со едноставна регистрација на домен.

1. Избери добар домен

Доста важен дел од развивање на успешен бизнис, или правење на брендинг е твојот домен. Избери домен кој би бил лесно препознатлив, или кој ефикасно би го претставувал твојот бизнис.

Провери дали е слободен твојот посакуван домен!

WWW.

2. Хостинг

Доколку веќе закупи домен, сега е потребно е да го пронајдеш идеалниот и добар хостинг. Хостингот е домот на твојот веб сајт. Доколку немаш хостинг, не си во можност твојот веб сајт да го презентираш пред светот.

Избери хостинг кој ќе ти понуди брзина, ефикасност и сигурност. Со WordPress хостинг добиваш лесно и едноставно контролирање, без многу напор.

Најсоодветниот хостинг кој одговара за сите потреби на еден успешен WordPress сајт e токму WordPress хостингот.

3. Почни да го правиш твојот веб сајт

Веќе имаш домен и хостинг?

Одлично. Доколку закупи WordPress хостинг, тогаш веќе ги имаш сите информации на твојот емаил.

Логирај се со твојот емаил:

 

Следно, треба да влезеш во WordPress Dashboard кој што изгледа вака:

Подеси ги опциите за најдобри перформанси во Settings > General:

Вака би требало да изгледа твојот почетен сајт:

 

Одлично! Сега можеш да почнеш да го пишуваш твојот прв артикл, преку Posts > Add Post:

Исто така, избери добра тема која изгледа визуелно добро и привлечно за твојата публика, одејки во Appearance > Settings:

Една од најдобрите работи кај WordPress е токму фактот што го користат милиони корисници, и многу лесно може да се најдат алатки токму какви што ти требаат. Постојат секакви видови на плагини за WordPress кои ја олеснуваат твојата секојдневна работа на сајтот.

За да додадеш нов плагин, или да ги разгледаш сите опции кои постојат за плагини, тоа можеш да го сториш преку Plugins > Add New:

 

Исто така, постои и голема база на платени или бесплатни темплејти кои ќе го подобрат изгледот на твојот веб сајт.

Дали сакаш да научиш повеќе за WordPress? МКхост има одличен видео серијал на македонски јазик кој те насочува подетално околу она што сакаш да го научиш за оваа платформа!

Како да направам веб сајт со кој ќе имам одлична продажба?

Го направивте вашиот веб сајт преку кој сакате да нудите онлајн продажба. Што е следно? Како да ги привлечете првите клиенти, и како органски да ја зголемите продажбата со текот на времето?

Едноставно пронаоѓање

Првиот услов за да функционира успешно еден онлајн бизнис е неговото лесно и едноставно пронаоѓање во целокупниот интернет „хаос“. Еден од начините како да направите препознатлив интернет бренд е во избирање на соодветно домен име  кое ќе ја отсликува визијата за проектот кој го водите.

Одржување на квалитетна SEO оптимизација и онлајн маркетинг ќе направи вашите таргетирани потрошувачи да ве пронајдат вас, наместо вие да ги барате нив. Тоа на долг рок ќе ви донесе многу позитивни резултати и зголемување на конверзиите и продажбата органски и постепено.

Секако дека и изборот на квалитетен веб хостинг има голем удел во успешноста на еден веб сајт, особено на оние кои се занимаваат со e-commerce. Брз и оптимизиран веб сајт кој има постојана достапност е гаранција дека вашите посетители ќе останат подолго време на вашиот сајт, а оттука се зголемуваат и шансите тие да конвертираат во клиенти.

Процесот на нарачка

Ги донесовте потенцијалните клиенти на сајтот. Што е следно? Секако, да ги убедите да конвертираат, односно да купат преку вас. Основниот начин е посетителите да ги донесете на добро организиран сајт.

Слично како и купувањето во физичка продавница, така и онлајн продавниците бараат своевидна добра организираност. Почнувајќи од самиот дизајн кој треба да биде лесен и едноставен за користење, понатаму целиот процес на нарачка треба да биде гарант за потенцијалниот клиент да стекне сигурност во вашиот бренд.

Овозможете детални описи и слики за сите производи кои ги нудите, со што потенцијалите купувачи ќе бидат сигурни дека тоа што го нудите, тоа и ќе го добијат. Сертификати за сигурност и поголем избор во начините на плаќање се исто така задолжителни.

Дизајнот е од особено значење

Технологиите и трендовите кога станува збор за веб дизајнот постојано еволуираат.  Потребно е постојано да се биде чекор за тоа што го привлекува човековото внимание, доколку сакате да бидете достапни и да одговарате на современите потреби.

Постојат повеќе трикови како веб сајтот постојано да изгледа совршено, почнувајќи од респонзивен дизајн кој ќе биде едноставен за користење на сите уреди истовремено. Потоа, обрнете внимание на користењето на landing pages, тактиката на скелетен дизајн, како и многу останати функционалности кои ги нуди новата технологија.

5 предизвици со кои ќе се соочите при изградба на веб сајт

Да се направи одличен веб сајт значи да се најде баланс помеѓу неколку клучни елементи. Целта е да се постигне задоволство кај потенцијалните корисници на сајтот.

Оние кои се занимаваат со изградба на веб сајтови знаат дека тоа не е ни малку лесна задача. Дури и наједноставните веб сајтови можат одлично да си ја вршат функцијата само доколку правилно се имплементираат тие клучни елементи.

Станува збор за петте најголеми предизвици при изградба на веб сајт: Сајт лесен за пристапување (accessibility), компатибилен (compatibility), лесна навигација (navigability), лесна читливост (readability) и корисен за посетителите (usability).

1. Сајт кој е лесен за пристапување

Без сомнение ова е една од најважните карактеристики на еден веб сајт – достапноста. За сајтот да биде лесно пристаплив или достапен за сите потребно е при неговата изградба да се земат во предвид сите профили на луѓе кои би го користеле.

Сајтот треба да биде подеднакво функионален за сите. Секој човек треба да има можност да пристапи до информациите на сајтот, неговите функционалности и елементи.

2. Сајтот треба да биде компатибилен – оптимизиран

Следна многу важна и за жал често потценета карактеристика на еден веб сајт, а тоа е неговата компатибилност. Тоа значи дека треба да се тестира на различни интернет пребарувачи (Chrome, Mozilla, Explorer…), оперативни системи (Windows, iOS, Android….) како и екрани со различна резолуција ( компјутер, таблет, мобилен…).

Доколку користите некој од темплејтите кои МКхост Ви ги нуди преку актуелната понуда – Mkhost Premium, тогаш нема причина да се грижите за овој тип на оптимизација на Вашиот веб сајт. Темплејтите се целосно оптимизирани.

3. Сајтот треба да биде лесен за навигација

Можеби еден од најголемите предизвици за веб дивелоперите и дизајнерите е точно постигнувањето на идеална навигација. Еден сајт е лесен за навигација тогаш кога луѓето можат брзо и без многу размислување на ги најдат информациите кои им требаат.

Во спротивно, доколку треба долго време да бараат, тие ќе си заминат и ќе ја побараат информацијата на друго место. Од таа причина лесната навигација е можеби најважната карактеристика на еден веб сајт. Структурата на сајтот треба да биде толку едноставна што секој човек ќе може лесно да најде тоа што му треба без многу кликови.

4. Сајтот треба да има читка содржина

Четвртата многу важна карактеристика на успешните веб сајтови е содржината која е лесна за читање. Повторно, кога ја подготвувате содржината за вашиот веб сајт имајте ги во предвид потенцијалните корисници со различни профили.

Секој од нив треба да ја разбере пораката која сакате да ја пренесите. Затоа треба да внимавате на зборовите кои ги користите. Како ги структуирате речениците. Каква структура има содржината (содржината треба да биде лесна за брзо скенирање и организирана во параграфи).

Користете и боја доколку увидите дека има потреба. Изберете фонт кој нема дополнително да го отежнува читањето. Arial, Verdana и Times се едни од најкористените. Читателите се навикнати на овие фонтови.

5.Сајтот треба да биде корисен за посетителите

Ова е производ на сите претходни карактеристики. Доколку останатите четири карактеристики се соодветно застапени, тогаш неизбежно е сајтот да биде корисен за посетителите.

Со тоа што ќе ги донесете посетителите на веб сајтот преку различни маркетинг стратегии, не значи дека сте ја добиле битката! Нив треба да ги конвертирате во редовни читатели на она што го  нудите. Доколку имаат било каква потешкотија при користење на вашиот веб сајт, нема да размислуваат долго пред да го напуштат.

Има многу други алтернативи на интернет кои ќе им понудат подобро корисничко искуство. Затоа е многу важно да најдете совршен склоп на сите претходни аспекти.

Во моментот кога секој профил на потенцијален клиент, буквално секој, ќе може да пристапи брзо и лесно на вашиот сајт преку било кој пребарувач, уред или оперативен систем и при тоа во неколку секунди да ги најде потребните информации кои ќе може лесно да ги прочита и разбере, тогаш сте направиле веб сајт кој нуди одлично корисничко искуство и бидете сигурни дека задоволните посетители ќе се вратат повторно!

Како до сопствен веб сајт за помалку од 100 евра?

Несомнено е дека во денешната дигитална ера онлајн присуството на компаниите е задолжително. Без разлика на големината и фазата во која тие се наоѓаат. Многу од претприемачите и сопствениците на бизниси веб сајтот го сметаат за трошок, иако подоцна сфаќаат дека тоа е инвестиција која повеќекратно ќе им се исплати со текот на времето.

За еден веб сајт да биде функционален и достоинствено да го претставува Вашиот бизнис 24/7 часа во денот, 365 дена во годината не се потребни илјадници евра. Потребна е само мала самоиницијатива и ќе издигнете сајт за помалку од 100 евра. Да. Добро прочитавте. Во продолжение следуваат кратки инструкции како да го направите сами Вашиот прв веб сајт.

1. Изберете домен

Доменот на интернет е она што претставува адресата на Вашата фирма во реалниот свет. Преку доменот луѓето пристапуваат на Вашиот сајт.

Кога го избирате домен името за Вашиот веб сајт, потрудете се да најдете домен кој ќе ги има следните карактеристики:

Краток и лесен за паметење и пишување, при што треба да се избегнуваат бројки како карактери

Треба да го содржи клучниот збор преку кој би ве барале на интернет (пример: Ако вашата фирма е за продажба на мебел тогаш потенцијалните купувачи најверојатно би пребарувале: Салон за мебел, продажба на мебел и тн… Потрудете се да најдете домен кој би го содржел зборот мебел)

Бидете сигурни дека никој друг претодно не го закупил или заштитил тој домен. Ако веќе имате некоја идеја за домен веднаш проверете дали е слободен и закупете го пред некој друг да го направи тоа.

Изберете соодветна наставка ( .com; .com.mk; .org; .net; .biz и тн.). Наставките имаат свое значење. Пред да ја изберете информирајте се која најдобро соодвествува за Вашиот тип на сајт. На пример .org е за непрофитни организации; .me за блогови и лични сајтови; .info за информативни сајтови и тн.-

Заштитете го доменот. Многу често се случува конкурентите да закупат варијации на Вашиот домен и да ви ги крадат купувачите. Затоа најдобро е да ги закупите сите варијации за кои што сметате дека е веројатно да ги користат Вашите купувачи. На пример ако Вашиот домен е detskipostelnini.com.mk закупете и deckipostelnini.com.mk. Во најдобар случај направете го тоа за .com и .mk наставките. Тоа ќе придонесе и за зајакнување на Вашиот бренд.

2. Изберете соодветен хостинг пакет

Хостингот е простор на интернет каде што стои Вашиот сајт. Пред да се одлучите колкав простор Ви е потребен, добро размислете од каде ќе купите хостинг. За да си ја олесните работата во иднина, откако ќе го подигнете сајтот, изберете хостинг кој е стабилен и компанија која нуди постојана техничка поддршка.

Откако сте одлучни за хостинг снабдувачот време е да изберете хостинг пакет. Од големината на хостинг пакетот ќе зависи и цената. Совет околу кој хостинг пакет да го купите можат да ви дадат луѓето од хостинг снабдувачот. МКхост нуди пакети кои задоволуваат најразлични бизнис потреби. Цените се движат од 240 мкд/мес до 590 мкд/мес зависно од големината на сајтот кој сакате да го хостирате.

3. Веб дизајн

WordPress е платформата на која се прават најголем број на сајтови, од едноставни, па до најсофицстицирани интернет продавници. Едноставна е за користење и со малку креативност може да направите одичен сајт. Инсталацијата на WordPress е бесплатна и може да најдете безброј туторијали и инструкции како тоа се прави. Тука можете да погледнете како тоа се прави брзо и едноставно.

WordPress темата е во суштина најголемиот финансиски издаток кој се прави при креирање на сајт. Нивната цена варира од неколку десетици до стотици евра. Сепак, многу извори нудат и бесплатни теми за WordPress.

Постојат и други опции и платформи со кои може да се изгради целосен веб сајт. Со новата понуда на МКхост, Вие можете да добиете база од повеќе од 10 теми за веб дизајн вклучени во пакет заедно со веб хостинг и домен. Со тоа ќе имате комплетно решение за Вашиот нов веб сајт. Истиот ќе биде со одличен модерен дизајн, респонсивен за сите уреди и лесен на користење.

Со ова, Вие добивате целосен веб сајт кој ќе биде подготвен за работа за неколку минути, за помалку од 100 евра.

 

 

Направи сам сопствен веб сајт за само неколку минути!

 

Колку често си посакувал да направиш сопствен бизнис, или пак да го презентираш она што најдобро го знаеш пред пошироката публика? Правењето на сопствен веб сајт никогаш не било побрзо и поедноставно од денес!

Онлајн присуството во модерното време е неизбежно за сите кои сакаат да бидат забележани од поголем број на луѓе, и истовремено да допрат до наспецифичните таргет групи.

Новата услуга на МКхост, пакетот MKhost Premium е одлична шанса да изградиш целосен веб сајт во само 3 едноставни чекори. Овој пакет обединува 3 основни функции кои се потребни целосно да функционира еден професионален веб сајт, за една единствена цена:

1. База на 10+ веб дизајн темплејти кои одговараат на најразлични бизнис потреби
2. Веб хостинг
3. Бесплатен домен

Пронајди ја твојата идеална форма и избери кој од трите пакети Star, Triangle или Diamond би одговарал најмногу на твоите специфични потреби.

Покрај трите основни функции, MKhost Premium пакетот во својата цена вклучува и дополнителни поволности, како што се SSL сертификат, неограничен број на емаил адреси, постојана корисничка и техничка поддршка, и многу други.

Започни уште сега и направи го твојот сопствен веб сајт во само 3 едноставни чекори. Нарачај веднаш на следниот линк!

 

Проблеми со бавен веб сајт? Корисни совети за подобрување на брзината

Во денешно време многу е важна брзината со која располага Вашиот веб сајт при нејзино отворање и користење.

Брзината на сајтот влијае на повеќе клучни параметри, како што е рангирањето на сајтот во резултатите од пребарувањето, а секако е еден и од значајните фактори за да задржи што поголем дел од посетителите.

Изборот на веб хостинг

Првиот чекор е да изберете компанија со солиден и сигурен хардвер за да го хостирате вашиот веб-сајт. Повеќе хостинг компании, како што е и МКхост, нудат голем избор на хостинг пакети со различни карактеристики.

Кога започнувате сопствен веб сајт, потребно е редовно да ги следите обемот на сообраќајот и користењето на ресурсите, за да можете да го надоградите пакетот во било кое време, за да Вашите посетители не помислат дека вашиот веб сајт е слаб и непрофесионален.

Оптимизирајте ги вашите слики

Добриот квалитет и големината на сликите е важна за брзината на сајтот. Со оглед на тоа, сликите може да ги намалувате со помош на разни алатки за графичко уредување.

Намалете ја сликата со сечење на непотребните елементи од истата. Се препорачува користење на JPEG формат, додека треба да се избегнуваат TIFF и BMP формати.

Кеширање

Кеширањето е технички термин за складирање на податоци. Истото ја намалува оптовареноста на разни системски ресурси на Вашиот сервер.

Подесувањата може да ги најдете на контролниот панел на WordPress. Доколку Вашиот веб сајт не е на WordPress, кеширањето е посложено.

Користење на CDN

Content Delivery Network (CDN) е светска мрежа на сервери што Ви овозможува да ги складирате датотеките на Вашиот сајт (на пример Javascript, CSS, слики, видеа, документи итн.).

Овие елементи потоа се доставуваат до посетителите од сервер до нивната физичка локација. На пример, ако Вашиот веб сајт е хостиран на сервер во САД, посетителите од други делови на светот ќе треба да чекаат (релативно) долго време за да стигнат содржините до нивните прелистувачи.

Со CDN, тоа време се намалува, бидејќи статичната содржина ќе биде обезбедена од локален сервер многу поблиску до нив, наместо на еден од целиот свет.

Java Script, HTML и CSS

Во денешно време веб сајтовите се зависни од JavaScript и CSS. Поради тоа, важно е да се намали големината на овие текстуални датотеки.

Во основа, значи да го намалите количеството на податоци што треба да се пренесат – со што се намалува времето потребно за вчитување на страница.

Повторно проблеми со Вашиот веб сајт! Кои се решенијата?

Постојат голем број потенцијални причини зошто Вашиот веб сајт не се прикажува на Вашиот пребарувач. Истите најчесто можат да бидат поделени во 2 категории: проблеми на локално ниво и проблеми што треба да се решат на серверско ниво.

Проблеми на локално ниво

ERR_INTERNET_DISCONNECTED

Оваа грешка укажува на тоа дека постои проблем со Вашата интернет конекција. Обидете се да отворите други страни, да го рестартирате рутерот и доколку проблемот сè уште не е решен, контактирајте го Вашиот интернет провајдер.

 

ERR_NAME_NOT_RESOLVED

Проблемот е што именските опслужувачи за доменот не се ресолвираат. Доколку овој домен е новорегистриран или има промена во DNS-ите, потребно е да поминат од 2-4 часа за рефреширање на DNS зоните и доменот да биде поврзан со хостингот/серверот. Во спротивно, проблемот може да биде до DNS серверот за доменот. Доколку пак сè е во ред со DNS серверот, можеби проблемот е во пропагацијата преку Вашиот интернет провајдер, па потребно е да ги контактирате.

 

ПРОБЛЕМ СО ОТВОРАЊЕ ЛИНК СО ПОРТА

-Доколку во линкот има порта или редиректира кон линк со порта, страната можеби не се прикажува поради тоа што Вашиот локален firewall ја има блокирано таа порта. Исклучете го firewall-от и/или деактивирајте го Вашиот антивирус, па пробајте повторно.

 

ЛОКАЛЕН CACHE

Ако сте вршеле промени на веб сајтот, а на Вашиот пребарувач сеуште не се прикажува промената, избришете го Вашиот локален cache. Дополнително, пробајте да го отворите сајтот од друг пребарувач или отворете ја страната од друг уред.

 

Проблеми што треба да се решат на серверско ниво

 

ERR_CONNECTION_TIMED_OUT

Доколку немате проблем со интернет конекцијата, а за доменот се појавува оваа грешка, голема е веројатноста серверскиот firewall да ја има блокирано Вашата IP адреса. Причините за блокирањето можат да бидат различни – од грешење лозинка на cPanel/WebMail/WordPress, до вршење одредени промени врз хостингот. Потребно е да ја дознаете Вашата IP адреса и да го контактирате Вашиот хостинг провајдер.

 

 

HTTP Error 500

Проверете го error_log-от на Вашиот хостинг. Оваа грешка се јавува доколку постои одреден проблем со плагин, тема, темплејт, некоја грешка од хостингот или потребни се модификации на PHP поставките. Тоа можете да го проверите на Вашиот error_log.

Пример за грешки во error_log-от:

  • PHP Fatal error:  Allowed memory size of 41943040 bytes exhausted (tried to allocate 263512 bytes) in /home/{username}/public_html/wp-content/plugins.

Оваа грешка укажува на тоа дека одреден плагин влече повеќе ресурси од доделеното во php.ini. Доколку користите cPanel, во делот на Select PHP Version можете да ги зголемите php поставките за Вашиот акаунт. Најчесто потребните поставки кои треба да се зголемат се следните: memory_limit, post_max_size, upload_max_filesize.

  • PHP Fatal error:  require_once() [<a href=’function.require’>function.require</a>]: Failed opening required ‘/home/flakainf/public_html/wp-content/plugins/yop-poll/inc/plugin.php

Според оваа грешка, проблемот е во плагинот yop-poll инсталиран на WordPress платформата. Можете со деактивирање на плагинот да потврдите дека проблемот настанува оттаму. Деактивирањето можете да го извршите преку File Manager секцијата на контролниот панел (на локација public_html/wp-content/plugins) или преку администраторискиот панел на WordPress (ime_na_domen.com/wp_admin). Потоа истражете зошто настанал проблемот.

Хакирана веб страна или страна која редиректира кон невалидни линкови

Вашиот веб сајт најверојатно е хакиран. Потребно е да направите update на платформата која ја користите (WordPress, Jommla), како и на плагините, темплејтите. Направете детално скенирање на фајловите на Вашиот веб сајт, базата и user-ите. Доколку се работи за редирекција, проверете за невалидни фајлови на хостингот, како и за можна хакирана тема (поконкретно header.php и footer.php фајловите на темата).

Red Screen за Вашиот веб сајт

Овој проблем честопати е поврзан со претходно опишаниот случај. Дел од интернет сервисите вршат скенирање на веб сајтовите, и доколку се забележи проблем, се поставува предупредувачкиот црвен екран кој укажува дека се работи за заразен сајт. Повторно е потребно да извршете детално скенирање на хостингот. Доколку веб сајтот е исчистен и сè уште е пристутен црвениот екран, треба да испратите барање за отстранување на предупредувањето.

 

ERR_TOO_MANY_REDIRECTS

Проверете дали имате поставено редиректи за Вашиот домен. Доколку има повеќе редиректи преку .htaccess фајлот и/или преку cPanel-от, можно е да постои бесконечен циклус на повикување со кој се јавува проблемот.

 

Internal Server Error/Resource Limit is reached

Најчестата причина за овој проблем е искористеност на ресурсите кои се доделени за Вашиот хостинг. Проверете дали се работи за поголем број посети или потребна е одредена оптимизација на сајтот поради која се повлекуваат повеќе ресурси од доделеното. Истражете ги плагините, темите и конекциите до базата.

 

Bandwidth Limit Exceeded

Месечниот сообраќај доделен за Вашиот хостинг е целосно искористен. Контактирајте ги Вашите хостинг провајдери за зголемување на овој лимит.

ВИДЕО СЕРИЈАЛ: Направи сам сопствен веб сајт преку WordPress

МКхост објавува бесплатен видео серијал на македонски јазик од едукативен карактер, преку кои чекор по чекор се учи за основите на WordPress и правењето на веб сајт преку оваа платформа. Со овие видеа ќе научиш сам како да ја започнеш својата онлајн приказна, или да го развиеш твојот бизнис во Интернет просторот. Туторијалите се презентирани од страна на Марио Давчевски.

Во првото видео од овој серијал на туторијали ќе се запознаеш подетално со основите и историјатот на WordPress. Зошто WordPress е најкористена платформа за изработка на веб сајтови? Како можеш да направиш сајт со помош на WordPress?

 

Овој серијал е составен од вкупно 8 видеа, а во истите се обработува следната содржина:

Видео 2: Инсталација и работна површина
Видео 3: Како се пишуваат постови?

Видео 4: Креирање на насловна страна
Видео 5: WordPress плагини
Видео 6: WordPress теми
Видео 7: Навигација во WordPress
Видео 8: WordPress апдејти

 

 

 

За да ги добиеш останатите видеа, пријави се БЕСПЛАТНО во формата подолу.