Како до повеќе читатели на твојот блог (2019)

Започнување со свој блог денеска е мошне лесно со платформa како што е WordPress. Но откако ќе го објавиш твојот блог, следниот најголем предизвик е да го зголемиш сообраќајот на твојот веб сајт и да привлечеш што е можно повеќе читатели. Иако квалитетната содржина е причина број еден за успешност на еден блог, постојат повеќе начини како можеш подобро да го оптимизираш твојот веб сајт.

Еве неколку совети со кои што со сигурност ќе го подобриш сообраќајот на твојот блог.

1.Наслови на текстовите

Насловите се нешто прво што го гледаат луѓето. Може да го имаш најдобриот блог пост, ако насловот не ја долови интересната содржина, никој нема да го прочита постот.

Моќен наслов на блогот може да ти донесе многу повеќе прегледи на сајтот, дури и за 500% повеќе. Со толку многу содржина онлајн, само со креативен и уникатен наслов имаш поголеми шанси да привлечеш потенцијални читатели.

До 80% од корисниците може и да не го прочитаат твојот текст доколку насловот не им го привлече вниманието.

Постојат 5 типа на наслови кои што најчесто се користат:

  • Нормални (Начини со кој ќе се подобри посетеноста на твојот блог)
  • Прашање (Што ги привлекува читателите за да го отворат твојот блог?)
  • Како до (Како до повеќе читатели на твојот блог)
  • Број (10 начини како да привлечеш повеќе читатели на твојот блог)
  • Обраќање до читателот (Неколку чекори како твојот блог да го посетуваат повеќе читатели)

Според истражувањата, најголем CTR (click-through rate) имат наслови со карактери помеѓу 90 и 99. Но не секогаш треба да се водиш по овие статистики затоа што насловот треба да има и смисла.

Доколку заглавиш со смислување на крeативен наслов, постојат бесплатни алатки кои може да ти помогнат околу креативниот процес.

 

Според Melanie Duncan, секој наслов треба да содржи 4U елементи:

  • Useful (Корисен)

Оние наслови кои што ќе предизвикаат интерес кај тебе се и оние наслови кои што нудат нешто корисно, најчесто некое решение или совети.

  • Urgent (Итен)

Наслов кој што “брзо” ќе одговори на барањата на читателот.

  • Unique (Уникатен)

Луѓето секогаш сакаат да прочитаат нешто ново. Кога ќе изгуглаат одредена тема, излегуваат постови кои што најчесто се слични еден со друг.  Затоа твојот твојот наслов треба да биде различен, уникатен и да содржи интересни и впечатливи зборчиња што ќе ги натера корисниците да кликнат.

извор: http://www.melanieduncan.com/the-easy-4-u-formula-that-will-compel-readers-to-click-every-time/
  • Ultra-Specific (Ултра-специфичен)

Еден  од начините да го направиш твојот наслов да биде ултра-специфичен е да вметнеш бројки. Пример – 10 начини како да го зголемиш сообраќајот на твојот веб сајт. Овој тип на наслов е популарен и перформира доста добро затоа што читателите знаат точно што добиваат.

2.Квалитетна содржина

Откако насловот ќе ги привлече читателите да го отворат твојот сајт, содржината е следното на кое што треба да обрнеш внимание со цел да ги  задржиш и да сакаат понатаму да доаѓаат на твојата страна. Многу е важно содржината да се планира како и темите што ќе ги обработуваш.

Доколку немаш идеја (не се секирај, им се случува и на најуспешните блогери/ки), најчесто инспирацијата ја бараат по форуми каде што стапуваат во интеракција со други блогери и читатели. Сепак на крај за која тема и да се одлучиш, треба да соодветствува со другите содржини на твојот блог.

Страни од каде што  можеш да се инспирираш за твојата следна содржина:

  • Quora – место каде што може од прашање да дојдеш до следна твоја идеја

  • Ubersuggest  – е алатка со која што преку уникатен клучен збор ќе ти помогне да пронајдеш интересна содржина

  • Answer The Public  – е автоматизирана алатка која ќе ти даде резултати од клучен збор и теми поврзани со она што е пребарано.

 

Постојат различни типови на содржини но според неколку истражувања, оние блогови кои што вклучуваат инфографик, се најсподелувани и најчитани, дури и за 33%. Aко сакаш твојот пост да биде популарен, вметни интересен инфографик каде што статистичките податоци може да ги претставиш на визуелен начин.

За идеи може да ги погледнеш следните страни:

3.  Стара содржина

Од време на време е добро да ги обновиш твоите постари постови. Ако не си сигурен/а кои постари содржини да ги обновиш и дополниш, најдобро ќе видиш од резултатите од google analytics (или од некоја друга алатка ако користиш).

Оние содржини кои претходно биле повеќе читани но поради застареноста на информациите нивната читаност се намалила, освежи ги и објави ги повторно. 

Корисни алатки, покрај Google Analytics,  со кои што можеш да ги анализираш твоите постови:

  • Momently  – бесплатен WordPress plugin кој што за неколку минути можеш да го инсталираш и да ги следиш резултатите.

  • Matomo – аналитички софтвер кој што може да го превземеш и да го инсталираш на твојот сервер.

  • Clicky – уште еден програм кој што е user friendly и лесно се управува.

4. Визуелност на блогот

Изгледот на блогот исто така игра важна улога во зголемување на посетеноста на твојата страна.  Добро средена визуелна содржина го прави блогот полесен и поинтересен за читање.

Според анализата на Canva, постови кои што содржат слики се за 94% попрегледани во однос на оние постови што немаат.

Алатки со кои што ќе можеш да го направиш твојот блог да изгледа визуелно подобро:

  • Canva – бесплатна алатка со која што може да уредуваш и креираш слики за социјални медиуми но и многу повеќе.
  • Snappa  – уште една бесплатна веб апликација која што функционира по метод drag and drop и е лесна за употреба. Дизајните што ги креираш можеш да си ги зачуваш во папка.

  • Animaker – со оваа алатка ќе можеш лесно да креираш и споделуваш видеа.

5. Брзина на сајтот

Времето кое што е потребно за да се отвори твојот веб сајт може да влијае на рангирањето на Google.

Според Google, брзината на отворањето на сајтот е еден од факторите кој влијае на која позиција ќе се најде твојот блог при пребарувања и затоа е важно страната да се отвори најбрзо што може.

Дури 53% од посетите кои што доаѓаат од мобилен телефон ја напуштаат страната доколку  не се отвори за 3 секунди.
Поголема половина од посетителите на блогот очекуваат дека истиот ќе се отвори за 2 секунди.

75% од корисниците брзината ја рангираат како најважна од погледот на UX (user experience).

Алатки со кои може да ја провериш брзината на твојот сајт:

6. Споделување на содржината на социјални медиуми

Последно но не и најмалку важно е споделувањето на содржината на социјалните медиуми.
Денеска социјалните медиуми како Instagram, Facebook или Twitter имаат милиони корисници кои што може да го видат твојот блог доколку користиш правилни алатки и стратегија. Се додека е таргетирана вистинската публика и содржината е релевантна за нив, за кратко време ќе добиеш позитивни резултати.

Секогаш е добро, одвреме на време повторно да ги споделиш твоите постари постови на социјалните мрежи. Така ќе го добијат вистинското внимание и сообраќајот на твојот веб сајт значително ќе се зголеми.

Kако до твојот прв блог во 2019

Блогот за кратко време стана еден од најпопуларните алатки за ширење  на новости и информации.

Блог може да биде твое место каде што ќе ги искажеш твоите мисли и да ја споделиш твојата порака со другите.

Еве неколку чекори како можеш да го направиш тоа:

  1. Треба да одбереш платформа каде што ќе го поставиш твојот блог. Најкористена, со дури 82 милиони активни корисници и најлесна платформа за употреба е WordPress. Кои предности ги има WordPress и како може да го инсталираш со еден клик, прочитај тука.
  2.  Откако ќе го направиш твојот сајт со WordPress (или друга платформа по твој избор), следно што треба да направиш е да одбереш свој домен и хост.
  • Домен – тоа е всушност URL-то од твојот сајт. Пример, домен на МКхост е mkhost.com.mk.Доколку веќе имаш идеја за свој домен, кликни да провериш дали истиот е слободен 👉  домени.
  • Хостинг – за твојот сајт да биде прикачен на интернет и за да може сите да го видат, треба да одбереш соодветен хостинг пакет. Сите содржини кои што понатаму ќе ги објавуваш, со помош на хостингот кој што работи како еден вид hard drive, ќе ти бидат зачувани.

Откако твојот блог е подготвен да оди онлајн, можеш да започнеш со пишување на твојата приказна.

Со повеќе од 4 милиони блог постови дневно, треба да направиш твојот блог да се разликува од другите и да биде уникатен со цел да привлече повеќе читатели.

Најчесто првите објави на блогерите се постови во кои:

  • се претставуваат себеси
  • објаснуваат зошто почнале со пишување
  • за кои читатели ќе бидат наменети текстовите
  • за кои теми ќе пишуваат

На почетокот, кога сѐ уште си нов на оваа поле, ќе треба да посветиш доста време истражувајќи за содржината што сакаш да ја споделиш за да бидеш сигурен дека е квалитетна и дека читателите ќе ја отворат и прочитаат.

Истовремено пробај и да не се оптоваруваш толку. Ќе имаш многу можности во месеците кои што следат, откако ќе го објавиш твојот прв пост, постепено да ги запознаваш  читателите со твоите идеи.

Како и со многу други работи, со тек на времето ќе бидеш се поуспешен и поуспешен. Колку повеќе пишуваш, толку повеќе ќе се усовршуваш.

Ништо не е невозможно. Сè што е потребно е напорна работа и многу трпение и твоите читатели ќе ја препознаат твојата искрености и отвореност за пишување.

Земи длабоко воздух и започни со твојата авантура!

Како да направиш твој веб сајт со WordPress?

Како да направиш сопствен веб сајт преку WordPress?

Преку овој пост ќе видиш како тоа можеш да го направиш во само неколку минути!

Над милион луѓе го користат интернетот секој ден. Тоа е најдобриот начин да станеш препознатлив, да изградиш бренд или да го развиеш твојот бизнис.  Сакаш да ги споделиш твоите мисли со светот? Тогаш сопствен веб сајт е најдобриот начин.

Но, како да направиш сопствен веб сајт?

Да почнеме со WordPress.

WordPress e Content Management System (CMS) кој служи за лесно и ефикасно средување на веб сајт.

WordPress е најпопуларниот систем за креирање на веб сајт.

Поради неговата голема популарност, WordPress има огромна база на плагини, темплејти и туторијали. Затоа, може многу лесно да се научи.

Погледни чекор по чекор како да направиш сопствен веб сајт.

Процесот на креирање од твоја страна почнува со едноставна регистрација на домен.

1. Избери добар домен

Доста важен дел од развивање на успешен бизнис, или правење на брендинг е твојот домен. Избери домен кој би бил лесно препознатлив, или кој ефикасно би го претставувал твојот бизнис.

Провери дали е слободен твојот посакуван домен!

WWW.

2. Хостинг

Доколку веќе закупи домен, сега е потребно е да го пронајдеш идеалниот и добар хостинг. Хостингот е домот на твојот веб сајт. Доколку немаш хостинг, не си во можност твојот веб сајт да го презентираш пред светот.

Избери хостинг кој ќе ти понуди брзина, ефикасност и сигурност. Со WordPress хостинг добиваш лесно и едноставно контролирање, без многу напор.

Најсоодветниот хостинг кој одговара за сите потреби на еден успешен WordPress сајт e токму WordPress хостингот.

3. Почни да го правиш твојот веб сајт

Веќе имаш домен и хостинг?

Одлично. Доколку закупи WordPress хостинг, тогаш веќе ги имаш сите информации на твојот емаил.

Логирај се со твојот емаил:

 

Следно, треба да влезеш во WordPress Dashboard кој што изгледа вака:

Подеси ги опциите за најдобри перформанси во Settings > General:

Вака би требало да изгледа твојот почетен сајт:

 

Одлично! Сега можеш да почнеш да го пишуваш твојот прв артикл, преку Posts > Add Post:

Исто така, избери добра тема која изгледа визуелно добро и привлечно за твојата публика, одејки во Appearance > Settings:

Една од најдобрите работи кај WordPress е токму фактот што го користат милиони корисници, и многу лесно може да се најдат алатки токму какви што ти требаат. Постојат секакви видови на плагини за WordPress кои ја олеснуваат твојата секојдневна работа на сајтот.

За да додадеш нов плагин, или да ги разгледаш сите опции кои постојат за плагини, тоа можеш да го сториш преку Plugins > Add New:

 

Исто така, постои и голема база на платени или бесплатни темплејти кои ќе го подобрат изгледот на твојот веб сајт.

Дали сакаш да научиш повеќе за WordPress? МКхост има одличен видео серијал на македонски јазик кој те насочува подетално околу она што сакаш да го научиш за оваа платформа!

Како до сопствен веб сајт за помалку од 100 евра?

Несомнено е дека во денешната дигитална ера онлајн присуството на компаниите е задолжително. Без разлика на големината и фазата во која тие се наоѓаат. Многу од претприемачите и сопствениците на бизниси веб сајтот го сметаат за трошок, иако подоцна сфаќаат дека тоа е инвестиција која повеќекратно ќе им се исплати со текот на времето.

За еден веб сајт да биде функционален и достоинствено да го претставува Вашиот бизнис 24/7 часа во денот, 365 дена во годината не се потребни илјадници евра. Потребна е само мала самоиницијатива и ќе издигнете сајт за помалку од 100 евра. Да. Добро прочитавте. Во продолжение следуваат кратки инструкции како да го направите сами Вашиот прв веб сајт.

1. Изберете домен

Доменот на интернет е она што претставува адресата на Вашата фирма во реалниот свет. Преку доменот луѓето пристапуваат на Вашиот сајт.

Кога го избирате домен името за Вашиот веб сајт, потрудете се да најдете домен кој ќе ги има следните карактеристики:

Краток и лесен за паметење и пишување, при што треба да се избегнуваат бројки како карактери

Треба да го содржи клучниот збор преку кој би ве барале на интернет (пример: Ако вашата фирма е за продажба на мебел тогаш потенцијалните купувачи најверојатно би пребарувале: Салон за мебел, продажба на мебел и тн… Потрудете се да најдете домен кој би го содржел зборот мебел)

Бидете сигурни дека никој друг претодно не го закупил или заштитил тој домен. Ако веќе имате некоја идеја за домен веднаш проверете дали е слободен и закупете го пред некој друг да го направи тоа.

Изберете соодветна наставка ( .com; .com.mk; .org; .net; .biz и тн.). Наставките имаат свое значење. Пред да ја изберете информирајте се која најдобро соодвествува за Вашиот тип на сајт. На пример .org е за непрофитни организации; .me за блогови и лични сајтови; .info за информативни сајтови и тн.-

Заштитете го доменот. Многу често се случува конкурентите да закупат варијации на Вашиот домен и да ви ги крадат купувачите. Затоа најдобро е да ги закупите сите варијации за кои што сметате дека е веројатно да ги користат Вашите купувачи. На пример ако Вашиот домен е detskipostelnini.com.mk закупете и deckipostelnini.com.mk. Во најдобар случај направете го тоа за .com и .mk наставките. Тоа ќе придонесе и за зајакнување на Вашиот бренд.

2. Изберете соодветен хостинг пакет

Хостингот е простор на интернет каде што стои Вашиот сајт. Пред да се одлучите колкав простор Ви е потребен, добро размислете од каде ќе купите хостинг. За да си ја олесните работата во иднина, откако ќе го подигнете сајтот, изберете хостинг кој е стабилен и компанија која нуди постојана техничка поддршка.

Откако сте одлучни за хостинг снабдувачот време е да изберете хостинг пакет. Од големината на хостинг пакетот ќе зависи и цената. Совет околу кој хостинг пакет да го купите можат да ви дадат луѓето од хостинг снабдувачот. МКхост нуди пакети кои задоволуваат најразлични бизнис потреби. Цените се движат од 240 мкд/мес до 590 мкд/мес зависно од големината на сајтот кој сакате да го хостирате.

3. Веб дизајн

WordPress е платформата на која се прават најголем број на сајтови, од едноставни, па до најсофицстицирани интернет продавници. Едноставна е за користење и со малку креативност може да направите одичен сајт. Инсталацијата на WordPress е бесплатна и може да најдете безброј туторијали и инструкции како тоа се прави. Тука можете да погледнете како тоа се прави брзо и едноставно.

WordPress темата е во суштина најголемиот финансиски издаток кој се прави при креирање на сајт. Нивната цена варира од неколку десетици до стотици евра. Сепак, многу извори нудат и бесплатни теми за WordPress.

Постојат и други опции и платформи со кои може да се изгради целосен веб сајт. Со новата понуда на МКхост, Вие можете да добиете база од повеќе од 10 теми за веб дизајн вклучени во пакет заедно со веб хостинг и домен. Со тоа ќе имате комплетно решение за Вашиот нов веб сајт. Истиот ќе биде со одличен модерен дизајн, респонсивен за сите уреди и лесен на користење.

Со ова, Вие добивате целосен веб сајт кој ќе биде подготвен за работа за неколку минути, за помалку од 100 евра.

 

 

ВИДЕО СЕРИЈАЛ: Направи сам сопствен веб сајт преку WordPress

МКхост објавува бесплатен видео серијал на македонски јазик од едукативен карактер, преку кои чекор по чекор се учи за основите на WordPress и правењето на веб сајт преку оваа платформа. Со овие видеа ќе научиш сам како да ја започнеш својата онлајн приказна, или да го развиеш твојот бизнис во Интернет просторот. Туторијалите се презентирани од страна на Марио Давчевски.

Во првото видео од овој серијал на туторијали ќе се запознаеш подетално со основите и историјатот на WordPress. Зошто WordPress е најкористена платформа за изработка на веб сајтови? Како можеш да направиш сајт со помош на WordPress?

 

Овој серијал е составен од вкупно 8 видеа, а во истите се обработува следната содржина:

Видео 2: Инсталација и работна површина
Видео 3: Како се пишуваат постови?

Видео 4: Креирање на насловна страна
Видео 5: WordPress плагини
Видео 6: WordPress теми
Видео 7: Навигација во WordPress
Видео 8: WordPress апдејти

 

 

 

За да ги добиеш останатите видеа, пријави се БЕСПЛАТНО во формата подолу.

Како до сопствен веб сајт преку WordPress брзо и едноставно?

Неколкупати до сега сме пишувале за големината на WordPress како најпопуларен content management system во светот. Од најпосетуваните 1 милион веб сајтови во светот, 26.4% го користеле токму WordPress во април 2016. Препознатлив по големиот избор на теми и плагини, како и со едноставноста на неговиот интерфејс, оваа платформа ја позиционира својата конкурентска предност пред други опции, како што се Drupal и Joomla.

WordPress, Joomla и Drupal се трите најкористени CMS. Иако конкуренти, овие три системи имаат повеќе сличности, отколку разлики, благодарение на стандардизацијата што ја наметнува информациската ера.

Повеќе околу сличностите и разликите на најголемите три open source системи за менаџирање, можете да прочитате во статијата „Која платформа да ја изберам за мојот веб сајт?“.

Веб сајт или блог?

Еден од главните „предрасуди“ околу WordPress е дека претставува платформа која е претежно наменета за изработка на блогови.

Тука се поставува прашањето – што е разликата помеѓу веб сајт и блог?

Веројатно првата дефиниција која би се наметнала за тоа „што е блог“, е дека истиот претставува хронолошко подредување на статии од лична природа и споделување на сопствени размислувања.

Од друга страна, веб сајт претставува сè она што може да се изгради преку HTML/CSS, Javascript или слично. Веб сајт може да постои поради повеќе причини, на пример: корпоративен сајт кој ќе ги отсликува генералните мисија, визија и портфолио на една компанија е-бизнис сајт кој ќе врши продажба преку Интернет, или пак онлајн веб портал за статии и информации од најразличен карактер.

 

WordPress – повеќе од блог платформа

Иако WordPress е поим во сферата на блогерството, не е точно дека оваа платформа е наменета само за блогови. Доколку сакате да отворите блог преку WordPress, тоа можете да го сторите на wordpress.com бесплатно.

Доколку сакате да отворите веб сајт по сите стандарди, тоа исто така може да го сторите со WordPress, кој истовремено е и комплетен open source систем за менаџирање на содржина. Истиот може да подржи веб сајтови од било кој тип, независно дали за обичен портал, е-бизнис, или корпоративно претставување.

Со други зборови, WordPress може целосно да го поддржи вашиот бизнис онлајн.

 

Видео туторијал: Како да направам веб сајт преку WordPress?

Иако до неодамна целокупниот информатички свет, како и правењето на веб сајтови делуваше далечна работа која ја разбираат само определен број на луѓе, денес ситуацијата е комплетно различна.

YouTube1

Со малку обука, дури и оние кои немаат доволно познавање од програмирање и кодирање, може да направат свој веб сајт и да го претстават својот бизнис, хоби, или интереси пред целиот свет.

МКхост направи серијал на македонски јазик со кој преку 8 видеа може да научите како самостојно може да започнете да правите веб сајт.

За да го добиете видео серијалот бесплатно, регистрирајте се ТУКА.

 

Други статии кои може да ве интересираат за WordPress

Избор на бесплатни теми за WordPress

Корисни плагини за WordPress

Корисни плагини за WordPress

Една од најпознатите функционалности на WordPress како најпозната и најголема светска платформа за веб-сајтови е овозможувањето на плагини (plugins). Секоја со сопствена спецификација и функција, плагините се една од најкорисните работи кај корисниците на WordPress. Над 40.000 плагини се достапни на оваа платформа.

Какви се плагини постојат на WordPress? Во продолжение погледнете листа на некои корисни додатоци кои може да ви бидат и повеќе од потребни:

 

Akismet

Спам филтер плагин кој ги контролира интерактивните делови како коментарите.

BackUpWordPress

Чување бекап фајлови и датабазата на вашиот сајт на WordPress

All in One SEO Pack

Оптимизација на содржината на вашиот веб-сајт за соодветен приказ на пребарувачите.

Google Analytics for WordPress

Следете ја и мерета ја успешноста на вашата содржина.

Sociable

Поврзете го успешно вашиот веб-сајт со социјалните мрежи.

Disqus

Еден од најпознатите сервиси за дискусии коментари во вашите содржини.

 

Во продолжение погледнете ја листата на 50-те најпребарувани плагини за WordPress.

Која платформа да ја изберам за мојот веб-сајт?

Изборот на платформа за веб-сајт е еден од главните фактори кои го детерминираат квалитетот и успехот на вашето онлајн делување. Освен што е од пресудно значење за финалниот изглед на она што го оставате како достапно место на Интернет кое треба да го гледаат вашите посетители, кои градат сопствен впечаток кој ќе влијае на тоа дали ќе ги „купите“ и во наредниот период, истовремено е и од големо значење за вас како креатори на содржината. Многу е важно да потрошите многу повеќе време да ја исполнувате содржината на вашиот веб-сајт, отколку да се посветувате да разрешувате разни технички прашања и проблеми.

Навидум изгледа дека веб дизајнот треба да биде една од најкомплицираните работи при изградба на еден веб-сајт. Добрата вест е дека денес веб дизајнот не е алатка која ја разбираат само IT стручни лица кои се разбираат во програмирање. Денес со помош на user friendly софтвери и системи и туторијали како што е и овој, секој може со одвоено малку време и едукација да биде архитект на своето онлајн место.

Од голема помош за поедноставување на „митот“ наречен веб дизајн е системот за менаџирање на содржина, или CMS (Content management system). Тоа е програмска апликација која динамично управува со содржините на веб-сајтовите (најчесто портали и блогови). CMS дозволува управување без да е потребно познавање на програмски јазик. Всушност, главната придбивка од CMS е во тоа што со негова помош, фокусот е во градење на содржината на веб-сајтот, а не во неговата структура. Многу од работите при изградба на еден веб-сајт би биле значително отежнати и побавни доколку се градат од почеток, без да се користи CMS. Постојат многу различни CMS од кои најважни се оние кои се open source, односно масовно достапни и слободни.

WordPress, Joomla и Drupal се „големата тројка“ кога станува збор за open source системи за менаџирање на содржина. Заедничкиот пазарен удел на овие три платформи е поголем од 70%. Иако конкурентски производи, овие три системи имаат повеќе сличности, отколку разлики, благодарение на стандардизацијата што ја наметнува информациската ера. Сепак, секој од овие софтвери си има и специфични карактеристики, со што евентуално би се создале трошоци за префрлување. Затоа, добро треба да се размисли и анализира пред да се направи lock-in со конкретен систем.

Едни од најистакнатите вредности на системите за менаџирање на содржина се алатките за додатни функции (екстензии, модули, плагини). Со нивна помош, веб-сајтот додатно ја специфицира и гради својата содржина соодтвено на намената за која служи. Предностите кои се заеднички за „големата тројка“ се: голем број на стручни лица за веб-развој, достапни онлајн форуми, веќе споменатите додатни функции, постојани апдејти, голема сигурност, лесни се за разбирање, како и нудат голем избор на темплејти (теми).

Joomla се карактеризира со достапен и разбирлив интерфејс, препорачлив за веб-сајт кој постојано апдејтира голем број на артикли. Сепак, генералниот недостаток кој важи за Joomla е дека нема конкретен издвојувачки адут, како што WordPress се смета за лесен и user friendly, а Drupal е омилен меѓу лицата кои се занимаваат со веб-развој. Сепак, поради овие предности, „недостатокот“ кај Drupal е токму тоа што е повеќе приспособен за IT стручни лица и бара повеќе време за совладување.

Нашиот избор, на кој ќе се фокусираме во оваа статија, е користење на WordPress. Лансиран во 2003-та, преставува најголемиот систем за менаџирање на содржина, базиран на PHP и MySQL. Истовремено ја поседува и блог платформата WordPress.com која брои над 60 милиони сајтови. Според последните податоци, WordPress го користат 24,2% од најголемите светски веб-сајтови.

WordPress2

Еве неколку причини зошто да го изберете WordPress како платформа за изградба на вашиот веб-сајт:

Бесплатен
Open source систем за менаџирање на содржина кој е најкористен од страна на големите светски веб-сајтови.

Најкористена платформа
Тоа што WordPress е најкористениот CMS ја зголемува неговата вредност и позитивниот фидбек од корисниците.

Лесен за инсталирање и користење
Веќе спомнавме дека јаката страна на WordPress е тоа што е премногу user friendly за користење

Плагини
Додатоците (екстензиите) на WordPress, кои го обликуваат и специфицираат веб-сајтот, ги има во изобилие за различни функции и намени.

Search Engine Optimization (SEO)
Оптимизирањето на веб-сајтовите кон сајтовите за пребарување е една од најважните параметри според кои се гради онлајн посетеноста и довербата. WordPress е лесен и настроен спрема добар search engine optimization, истовремено нудејќи неколку плагини кои треба да бидат од помош за корисникот кон подобра оптимизација.

Адаптибилен
Веб-сајт базиран на WordPress може да варира од обичен блог со само еден корисник, до поголем портал кој ќе содржи повеќе автори. Возможно е да еволуира како што и онлајн бизнисот на сопственикот ќе еволуира.

Голем избор на темплејти
WordPress нуди можност за изградба на сосема нова тема (дизајн) на веб-сајт, или пак избор на некоја од постоечките бесплатни или премиум темплејти.

Постојани апдејти
Софтверски и системски надополнувања на WordPress кои можат да се наместат за промена или автоматски или мануелно.

Помош
Достапност на онлајн форуми на стручни лица на повеќе јазици (меѓу кои и македонскиот) кои овозможуваат постојана корисничка поддршка.

Направете сопствена веб-страна за 4 дена

Дали отсекогаш сте сакале да научите како лесно и брзо може да изградите сопствена веб-страна? Brainster во соработка со МКхост органзира 4-дневен курс на кој посетителите ќе научат како да креираат веб-страна преку WordPress.

WordPress, лансиран во 2003-та, преставува најголемиот систем за менаџирање на содржина и најкористена алатка за креирање на веб-сајтови. Истовремено ја поседува и блог платформата WordPress.com која брои над 60 милиони сајтови. Според последните податоци, WordPress го користат 39% од светските сајтови кои користат CMS.

 

WordPress Работилница

 

4-дневната обука ќе се одвива според следната агенда:

Ден 1

Запознавање со WordPress. Разлики меѓу WordPress.com и WordPress.org

Инсталација на WordPress

Запознавање со WP dashboard.

Posts vs Pages

Media & WYSIWYG едитор

Users, Comments, Permalinks, Widgets

Categories vs Tags

Ден 2

WordPress Plugins

WordPress Themes

Маркет за Теми и плагини, избор на теми (pros & cons).

Подесување на насловна и контакт страна на основна тема. (?)

Поставување на Google Analytics & Contact Form plugin.

Инсталирање на Share Plugin.

Ден 3

Инсталација на PRO тема

Запознавање со темата и подесување на истата

Креирање на насловна и контакт страна.

Инсталирање на плагини за сајтот

Ден 4

Довршување на сајтот од Ден3

Завршни (основни) зборови окулу брзина, сигурност, останати трикови и како и каде да продолжат со усовршување WP skills

 

За повеќе информации околу овој курс, посетете го следниов линк.

Основни совети како да ја зголемите безбедноста на вашиот сајт

Факторот кој игра најголема улога за постојаниот успех на хакерите е недостатокот на претпазливост на корисниците на софтвери и сопствениците на веб сајтови.

Ако зборуваме реално, оние луѓе кои за лозинка (Password) го поставуваат записот „password” или пак „123456789“ се оние кои ги охрабруваат и им го олеснуваат патот на хакерите. Ако секој од нас е малку повеќе посветен на заштитувањето на сопствените податоци, тогаш на хакерите работата не би им била толку едноставна. Толку многу луѓе не се свесни за својата ранливост, а за хакерите е ова само обична игра со броеви – ќе пробаат кај повеќе веб сајтови и на крај ќе најдат некој доволно ранлив за да го искористат. Но тоа не мора да биде вашиот сајт! Еве неколку совети како да ја зголемите безбедноста на вашиот сајт:

Редовно ажурирајте ги верзиите и темите

Можеби изгледа очигледно, но ажурирањето на вашиот софтвер е клучно за безбедноста на вашиот сајт. Ова не се однесува само на оперативниот систем на серверот (за ова треба да се грижи вашиот хостинг провајдер. Мкхост обрнува посебно внимание на овој дел), туку и на секој софтвер кој може да работи на вашиот сајт. Ова е еден од наједноставните начини за да бидете секогаш еден чекор понапред од хакерите. Со превземањето на најновите верзии на “Joomla, “WordPressи антивирусот кој го користите, можете да ги зајакнете вашите апликации или вашиот сајт, на тој начин отежнувајќи му ја работата на малициозниот корисник (хакер). Доколку редовно ги ажурирате верзиите и темите (на CMS софтверите) веројатноста хакерите да се мачат со вашиот сајт е многу мала, затоа што би им требало многу време, па така веднаш ќе преминат на друг сајт чиј сопственик не бил толку претпазлив.

Во МКхост со закуп на секој хостинг пакет се нуди и поддршка за Joomla и WordPress. Секогаш ги советуваме своите корисници редовно да прават update на верзиите на овие CMS софтвери.

Businesswoman holding tablet pc

Зајакнете ги вашите лозинките

Секој од нас знае дека треба да се користат сложени лозинки, но тоа не значи дека секогаш го правиме тоа. Од клучно значење е да се користат јаки лозинки во администрацијата на вашиот сервер и веб сајт, но исто така е важно и да се инсистира на употребување на добри лозинки за вашите корисници да си ги заштитат своите профили. Токму тоа и го прави Мкхост, кој обврзува корисникот да креира лозинки кои би требало да содржат букви, бројки и барем еден специјален карактер. Колку и да не им се допаѓа на корисниците, се препорачува зголемување на лозинките до минимум 8 карактери, вклучувајќи и големи букви, броеви и минимум еден специјален карактер со цел подобро да се заштитат.

Прикачување на фајлови

Доколку им овозможите на корисниците да испраќаат датотеки на вашиот веб сајт, го изложувате вашиот сајт на голем ризик. Ризикот е тоа што секоја датотека, без разлика на тоа колку безопасно изгледа, може да содржи скрипта која кога ќе ја отворите, вашиот сајт ќе стане малиционзен. На сите фајлови (датотеки) треба да се гледа со соменеж. Ако им дозволувате на корисниците да испраќаат слики, не потпирајте се на наставката на датотеката, или пак на насловот. Дури и со користењето на други функции за да ја проверите големината на сликата не можете сосема да бидете сигурни, бидејќи повеќето формати на слики овозможуваат дел за коментари кој може да содржи “PHP“ код. Па, како може да го спречите ова?

На крајот на краиштата, сакате да ги спречите корисниците да не ги отвораат датотеките кои ќе ги испратат. Обично веб серверите нема да ги отворат датотеките со слики, но не се препорачува да се потпрете само на тоа бидејќи познато е дека поминуваат датотеки со името “image.jpg.php “. Како опција може да ја преименувате датотеката или да и ги смените рестрикциите (пермисиите), на пр. “chmod 644“ за да не може да се отвори. Ако користите “*nix“ систем, може да креирате “.htaccess“ датотека која ќе дозволи пристап само за да поставите датотеки кои ќе го спречат двојниот напад на датотеката споменат претходно.

Data security

Поврзувајте се од безбедна мрежа

Избегнувајте поврзување од мрежи со непознати или несигурни безбедносни карактеристики, како што се отворените бежични мрежи во кафулињата. Ова особено важи доколку се поврзувате на серверот или веб сајтот за административни цели или на друг начин пристапувате до безбедносните ресурси. Ако морате да пристапите на веб сајтот или серверот додека сте поврзани на несигурна мрежа, користете безбеден посредник (прокси), за вашата конекција на безбедниот ресурс да поаѓа од посредник за безбедна мрежа.

Не ги споделувајте податоците за најава

Споделувањето на податоците за најава може да предизвика голем број безбедносни проблеми (а особено преку емаил комуникација). Ова не се однесува само на вас, или на администраторот на серверот, туку и на сите други кои имаат податоци за најава во вашиот сајт. Колку повеќе ги споделувате, толку е поголема веројатноста да ги добијат луѓе кои не треба да имаат пристап до системот и толку е потешко да се одреди изворот на проблемот.

Ова се само неколку основни совети кои навистина треба да ве натераат да се замислите за сите фактори кои се потребни за безбеден сајт. Ако ви премине во навика да внимавате на работите и редовно да ги ажурирате, тогаш сте помалку атрактивна цел за хакерите.